Linge 31:3 - Ghari

³ Eo, igoe nogo o reitutuguau mo isutuguqu. Ko mataliau mo ko tudumiau vaga igoe o vekenogoa vaniau.

Linge 31:3 Referans Kwoze

Luka 1:79

Ke tuu i gotu me ke marara tsunamai vanigira ara totu tana ungana na mate, me ke tudumigita baa tana sautu na rago.”

Linge 79:9

Nimami God ko sangagami mo ko maurisigami; ko laumaurisigami mo ko padale vanigami nimami sasi, rongona ke gini tangiloki na soamu igoe.

Ioane 16:13

Mi kalina ke mai na Tarunga Tabu, aia na Tarunga na Manana, maia sauba ke mataligamu baa vania na manana sui. Maia e utu ke goko tana susuligana segeni. Sauba ke gini goko moa igira na omea aia e rongomigira me ke katemai vanigamu na omea kara laba i muri.

Jeremia 14:7

Migira niqu tinoni ara ngangaidato vaniau mara tsaria, ‘Atsa moa ti igira nimami sasi ara tai matamami, ami nongigo moa Taovia ko sangagami moa vaga igoe o vekenogoa. Igami ami piloligi tanigo nogo danga kalina, mami sasi sosongo i matamu.

Isaia 49:10

e utu goto kara dona na vitoa ma na marou. Na paparana na aso ma na kaomate e utu goto ke sekoligira, rongona aia e galuvegira sauba ke idagana sautu vanigira, me ke tudumigira bâ tana ko vuravura.

Linge 139:24

Mo ko reia ti vaga ke totu moa na seko i laoqu, mo ko mataliau ma kau muria na sautuna na mauri saliu.

Linge 43:3

Ko saumaia vaniau na mararamu ma nimu mana; igira nogo kara tudumiau ma kara adivisuau bâ i Sion tana nimu vungavunga tabu, mi tana nimu Vale Tabu i tana o totu sailagi igoe.

Linge 25:11

Taovia, ko padatugua nimu veke o naua, mo ko padalegira niqu sasi, rongona ara danga sosongo nogo.

Linge 25:5

Ko sasaniau ma kau gini dona na mauri muriana nimu sautu mana, rongona igoe nogo niqu God, mo vagamaurisiau. Minau au norugo sailagi.

Nehemia 9:12

Mi laona na dani male igoe o moloa na parako ke idagana sautu vanigira, mi tana bongi o moloa na lake ke mararasia niqira sautu.

Linge 25:9

E mataligira bâ tana sautu goto igira ara palatsuna, me sasanigira na muriana nina kili.

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Nehemia 9:19

Atsa moa igira ara nauvaganana ia, migoe o tau mololegira i laona na kaomate, rongona nimu galuve e loki sosongo. Mo tau goto adiligia na parako se na lake e sausautu vanigira i tana kara liu bâ tana dani ma na bongi.

Josua 7:9

!Eo, migira sui na tinoni ni Kanaan, ma na tinoni tavosi sui ara totu i laona na butona kao ia, sauba kara rongomia na omea vaga ia e laba. Me sauba kara mai ma kara tupoligami ma kara matesigami sui lakalaka! ?Migoe ma nagua sauba ko naua gana ko dilaginia na tangisekona na asamu?”

Epesus 1:12

!Me vaga ia, me ulagamami igami ami ida nogo na noruana a Iesu Kristo kami tsonikaea God!

Linge 71:3

Ko didisiau, mo ko lia niqu mani toturavi i tana kau bâ totu raviravi, rongona igoe nogo o ravisiau mo isutuguqu.

Linge 102:3

Na mauriqu e vaga moa na punguna lê na lake; e dato me tau oka me nangaligi lê; ma na koniqu e papara vaga moa na lake.

Linge 116:2

Aia e rongomiau pipi kalina au ngangaidato vania.