Linge 30:6 - Ghari

⁶ Tana idana inau au pada laka au tukakai nogo te au tsarisegeniqu, “Inau sauba e utu goto kara tuliusiau.”

Linge 30:6 Referans Kwoze

Linge 119:117

Ko tangoliau, minau sauba kau totu raviravi dou, ma kau gini boe sailagi na muriaqira nimu ketsa.

2 Korint 12:7

Ma na rongona kau tau gini kaekae sosongo na omea loki au morosilakana nogo, ti God e tamia ke gadoviau na vatsangisavi tana koniqu, vaga moa ti na konakona e tsukia na kokoraqu, e vaga nogoria ti nina maneaqo Satan e rarusiau, me tukapusiau kau gini tau kaekae sosongo.

Luka 12:19

Mi tana inau kau tsarivaniau segeni, !Dou rago vaniau kalina ia! Au tamanina nogo pipi na omea dou au kilia gana na totudou i laona ke danga na ngalitupa. !Me tuu kalina eni, e utu goto kau gini rota na aqo, sauba kau totu lee rago moa, ma kau mutsamutsa ma kau inuinu, ma kau magemage!’

Linge 16:8

Au pada sailaginigo moa Taovia. Igoe o totu varangisiau, me tagara goto sa omea tangomana ke sekoliau.

Daniel 4:30

maia e tsaria, “!Alao, na vera loki sosongo nomoa na Babilon! Inau nogo au logoa ke lia niqu verabau pukuga gana kau sauvulagiginia na susuligaqu loki ma gaqu tangirongo vanigira na tinoni sui.”

Isaia 56:12

Na tinoni vanga inu bubulega girani ara tsaria, ‘Ida ma ka ba adia na uaeni, ma ka inuvia poi ka vatsa! Me ke dani sauba ka vatsangi ngaoa dou bâ liusia i dani eni!’ ”

Isaia 47:7

Mo padâ laka ko daki taovia saviliu, mo tau gini boe nagua sauba ke laba vanigo tana susuina.

Linge 15:5

E tamiqolo vanigira na tinoni tavosi, me tau nongi papabona kalina igira ara tuguvisu vania nina qolo. Me tau goto tami ke adiqolona na sanga kesa tabana tana pede, me ke keliseko vanigira na tinoni dou. Eo, na tinoni aia e naudou vaganana ia, sauba ke dona na tukakai saviliu.

Linge 10:6

E goko segenina me tsarivaganana, “Sauba nomoa e utu kau puala lê inau; Me sauba e utu goto ke sekoliau sa omea.”

Linge 126:6

Igira ara ngangai kalina ara tsukâ niqira omea tsukatsuka, sauba kara lilinge ma kara magemage kalina kara angunigira mai na lakana niqira uta.

Isaia 54:7

Eo, e kesa moa tana tagu tetelo inau au tsonilego, mi kalina ia inau sauba kau adivisumaigo tugua tana galuve loki.