Linge 30:4 - Ghari

⁴ Lingena na tsonikaeana na Taovia, igamu sui na tinoni amu galuvea. Padatugugira na omea dou sui God e naunogoa vanigamu, ma kamu soadoua.

Linge 30:4 Referans Kwoze

Linge 97:12

!Kamu mage igamu sui amu totugoto i matana na Taovia, kamu padatugua na omea sui aia e naugira, ma kamu soadoua na asana tabu!

Na Katemai 4:8

Me pipi tugira sui tatasa vati na omea mamauri tugira, ara tu tamanina sui tango ono tu rapoqira, me liasi mata moa tu kokoraqira popono i laona mi taba. Na dani ma na bongi tugira ara tu tau goto kuti na lingena na linge vaga iani: “Tabu, tabu, tabu Taovia God susuliga sosongo, aia e totumai nogo tuu tana tuturigana, me totu goto kalina eni, me sauba ke visumaitugua.”

Linge 148:14

Aia e galuve sosongoligira nina tinoni ni Israel, me vaturikakaia na veraqira, rongona ti igira sui nina tinoni kara tsonikaea. !Tsonikaea na Taovia!

Linge 132:9

Migira nimu manetabu kara nau sailaginia na omea e goto i matamu; migira nimu toga sui kara gudato vanigo tana magemage.

1 Turupatu Dato 16:4

Ma David e viligira visana na Levite kara totu sailagi i matana na Bokisi na Taso ma kara tau kuti na samasama vaniana na Taovia na God ni Israel, ma na soadouana ma na tsonikaeana.

Isaia 6:3

Mara vaiguvigi mara tsaria, “!Tabu, tabu, tabu! !E tabu loki na Taovia Susuliga Sosongo! Ma na mararana e mararasi poponoa na barangengo.”

Linge 50:5

Me tû me tsarivaganana, “Kamu adimaigira i mataqu igira sui niqu tinoni, igira ara naua niqira vaitasogi koluau mara pukuginia niqira kodoputsa ara savoria vaniau.”

Linge 32:11

Kamu magemage ma kamu linge igamu e goto nimui sasaga, tana rongona na omea dou sui na Taovia e naugira. !Eo, kamu gudato tana mage igamu sui amu rongomangana aia!

Binaboli 15:11

“!Taovia, asei i laoqira na god ke atsakolugo igoe? ?Asei ke vaga igoe, o susuliga tsapakae mo tabu loki? ?Asei tangomana ke aqosigira na valatsatsa ma na omea ganataga loki sosongo vaga o naua igoe?

1 Samuel 2:6

Na Taovia e dona na matesi tinoni ma na maurisivisu tinoni; aia e molovanogira na tinoni tana barangengo na mate, me maurisivisugira tugua igira ara mate nogo.

Linge 28:1

Taovia igoe nogo niqu reitutugu, minau au ngangaidato vanigo. !Ko rongomia niqu nonginongi! Ti vaga igoe ko tau goto tugumaia niqu nonginongi, minau sauba kau lia vaga moa igira ara ba tsuna tana barangengo na mate.

Linge 86:13

!E loki sosongo nomoa nimu galuve vo oli vaniau! Igoe nogo o laumaurisiau tania na qilu.

Linge 107:20

Maia e goko moa, migira ara gini susuliga visutugua, me maurisigira tania na qilu.