Taovia igoe nogo niqu reitutugu, minau au ngangaidato vanigo. !Ko rongomia niqu nonginongi! Ti vaga igoe ko tau goto tugumaia niqu nonginongi, minau sauba kau lia vaga moa igira ara ba tsuna tana barangengo na mate.
Rongona igoe nogo o dilaau mau gini savi tania na susuligana na mate. Me sauba e utu vanigo ko tsonilea vania na verana na mate kesa aia e totukakai i konimu.
rongona igoe nogo o laumaurisiau tania na mate, mo sangaau dou mara gini tau tangomana na tuliusiaqu igira. Aia nogoria ti inau au gini dona na liu bâ dou i matamu igoe niqu God, tana mararamu o mararasiginigira igira ara mauri.