Linge 28:9 - Ghari

⁹ Ko maurisigira nimu tinoni Taovia, mo ko vangalaka vanigira igira igoe o tamanigira. Ko lia gaqira reitutugu dou, mo ko aragodougira na dani ma na dani.

Linge 28:9 Referans Kwoze

Isaia 40:11

Maia sauba ke reitutugudougira nina tinoni, vaga moa na mane reitutugusipi e reitutugugira me palagira nina sipi, me alotisaigira na dalena sipi me tabelegira; me alagigira bâ na tinaqira tana nauna i tana kara mango.

Linge 78:71

i tana nogo aia e reitutugugira nina alaala na sipi, me moloa ke lia na taovia tsapakae tana Israel, niqira reitutugu dou igira nina tinoni God.

Na Vaolusi Ketsa 9:29

Taovia, ko laka na nauvaganana vanigira, rongona igirani nogo na tinoni igoe o viligira kara lia nimu tamani segeni, mo adirutsumigira tania Ejipt tana susuligamu loki.’ ”

Mateo 2:6

‘God e tsaria, Igoe Betlehem, tana butona na kao ni Judea, o tau nogo palatsuna i laoqira na veraloki ni Judea; rongona i laomu nogo igoe, sauba ke laba kesa na ida loki, maia nogo sauba ke mataligira niqu toga ni Israel.’ ”

Isaia 63:9

tania niqira totu rota. Me tau goto molo bâ sa nina angelo ke laumaurisigira, tagara, tana nina galuve ma nina tobalaka loki aia segenina nogo na Taovia e tû me laumaurisigira. Maia nogo e reitutugugira tu mai nogo i sau.

Esra 1:4

Migamu na tinoni tavosi amu totu tana vera i tana ara totu tsinogo igira na Israel, nimui aqo kamu sangagira tana tusuana vanigira na omea ara kilia tana siliva, ma na qolu, ma na mutsa, ma na omea tuavati agana na lutsangiana gaqira boli, migira goto na vangana na mani savoriana i laona nina Vale Tabu God i Jerusalem.”

1 Taovia Tsapakae 8:51

Igira ara nimu tinoni segeni nogo igoe, mo adirutsumigira tania na Ejipt, i laona na umu romaroma.

Epesus 1:18

Au nongigotoa rongona ke gini taporatsa nimui papada, ma kamu reiginia na mararana, mi tana ti kamu padagadoviginia laka nagua na amesi aia nogo e ngaoa kamu tamanina; me koegua na douna putsikae na vangalaka God e vekea vanigira nina tinoni;

Linge 25:22

!God, ko maurisigira nimu toga ni Israel tania pipi sui niqira rota!

1 Taovia Tsapakae 8:53

Igoe nogo o vilivotagira i laoqira na tinoni sui kara lia nimu tinoni segeni, vaga nogo igoe o katevulagia tana mangana a Moses, nimu maneaqo kalina igoe o adirutsumigira na mumuamami tania na Ejipt.”

Mika 7:14

Taovia, ko reitutugugira nimu tinoni, igira igoe nogo o viligira kara lia nimu tamani segeni. Me atsa moa ti ara viri totu piriutsa bamai i laona na legai atsi i kelaqira na vungavunga i tana e tau lakataga dou na kao, ma na kao dou sosongo vania na aqo uta e totu i lao tana poina polipoligira. Ko tamivanigira moa kara ba aqosia niqira uta tana kao lakataga dou ni Basan, mi Gilead, vaga ara naunogoa i oka.

Mika 5:2

Ma na Taovia e tsaria, “Igoe Betlehem Eprata, igoe kesa o palatsuna i laoqira na vera sui tana Juda, mi laomu nogo igoe, sauba ke botsamai kesa na ida loki, maia nogo sauba ke tagaovigira na Israel, ma na vungu konina ia e tu mai nogo i oka.”

Jeremia 31:7

Na Taovia e tsaria, “Linge dato tana magemage tana rongona na puku ni Israel, aia e loki tsapakae bâ i laoqira na puku sui tavosi. Kamu linge ma kamu tsonikaea na Taovia ma kamu tsaria, ‘Na Taovia e maurisigira nina tinoni ni Israel; e laumaurisigira sui igira ara kauvisu.’

Jeremia 10:16

Ma nina God a Jakob e tau saikesa vaga gira igira. Aia nogo e aqosia pipi sui na omea, me viligira na Israel kara lia nina tinoni segeni nogo. Na Taovia Susuliga Sosongo aia nogo na asana.

Isaia 46:3

“Migamu na kukuana a Jakob, igamu sui niqu tinoni amu kauvisu, kamu rongomiau inau. Inau au aragogamu tu nogo tana tagu amu botsa.

Linge 14:7

Inau au amesi sosongolia ke talu mai i Sion ke kesa aia ke laumaurisigira na tinoni ni Israel. !Eo, me sauba kara mage loki sosongo igira na toga ni Israel kalina aia na Taovia ke naua me ke dou visutugua niqira mauri!

Mika 5:4

Mi kalina aia ke mai, maia sauba ke tagaovi kaputigira nina tinoni kolua na susuliga e talumai konina na Taovia, me kolugotoa gana tangirongo tsapakae na Taovia God segenina nogo. Migira nina tinoni sauba kara totu raviravi dou, rongona na tinoni sui lakalaka polia na barangengo sauba kara donaginia gana loki tsapakae ia,

2 Samuel 21:3

Maia David e soasaigira na tinoni ni Gibeon me tsarivanigira, “?Laka nagua amu ngaoa kau nauvanigamu? Au ngaoa kau tsonimatena na omea seko igira na Israel ara nauvanigamu, migamu kamu gini soadougira tugua nina tinoni na Taovia.”

2 Samuel 7:7

Me pipi tana nauna inau au vano kolugira na tinoni ni Israel, minau au tau goto veisuâ ke kesa vidaqira na ida igira inau nogo au viligira, laka na rongona gua ti igira ara tau vati logovaniau moa sa vale tabu kara aqosiginia na gai na sida.’

Na Vaolusi Ketsa 32:9

migira moa na kukuana a Jakob e vilivani segenina nogo ia.

Na Vaolusi Ketsa 1:31

mi tana kaomate. Mamu reigotoa aia e adidou koeguanigamu tana sautu popono tsaumai tana nauna iani, vaga nogo kesa na tamaga e kalagaia na dalena.’

Na Vaolusi Ketsa 9:26

Mau nonginongi vaga iani, ‘Taovia God, ko laka na matesiaqira nimu tinoni segeni, igira na tinoni igoe o laumaurisigira mo adirutsumigira tania na Ejipt tana susuligamu loki.