Linge 28:5 - Ghari

⁵ Ara tau lelê gini boe tana rongona na aqo God e naugira nogo, se tana rongona na omea aia e aqosigira. Me vaga ia, maia sauba ke kedegira me ke matesiligigira saikesa.

Linge 28:5 Referans Kwoze

Isaia 5:12

Tana nimui kavomutsa amu totu matengana moa na taiaqira na itai tatangi, ma na tuqulu, ma na rekesiana na tsetsê, ma na inu uaeni. Mamu tau lelê padagadovia na omea e naua na Taovia.

Roma 1:28

Ma na rongona nogoria na tinoni girani ara sove na tutunina na manana tana rongona God, ti aia God e gini tsonilegira kara muria niqira papada seko, ma kara totu matengana moa na nauana na omea e tau ulagaqira kara naua.

Ioane 12:37

Me atsa moa ti a Iesu ke naugira na valatsatsa dangadanga i mataqira, migira ara tau goto tutunina.

Linge 10:5

Na tinoni vanga tsutsukibo e tangomana rago pipi tana omea sui aia e naua. Maia e tau lelê padagadovigira nimu pedelaka igoe Taovia; me peagira lê igira gana gala.

2 Samuel 7:13

Maia nogoria sauba ke logo vaniau kesa niqu valetabu, minau sauba kau naua ma nina puku taovia tsapakae ke totu saviliu na dani ma na dani.

Roma 1:20

Tu kalina God e vusaa na barangengo e tugua igira na tinoni kara padagadovia laka e God manana ia ma na susuligana e totu saviliu, me utu goto ke sui, atsa moa ti kara tau reilakana kalina eni. E tuguragoa kara padagadovia na omea iani kalina ara reigira na omea sui God e aqosigira. !Me vaga ia na tinoni girani ara tau goto tamanina sa rongona kara gini tiatagaraa!

Hosea 14:9

Asei ti vaga ke sasaga, maia sauba ke padagadovia na omea ara totu tana papi iani, me ke puku kalavatavia i tobana. Nina omeomea na Taovia ara gotolaka sui, migira na tinoni e gotolaka niqira sasaga ara mauri murigira. Migira moa na tinoni sasi ara tubulagi mara puka rongona ara tau nogo gini boeginigira.

Jeremia 31:4

Sauba kau turuvaginigamu visutugua, migamu sauba kamu rekesitugua nimui tsetsê, ma kamu gavai tana magemage.

Isaia 45:18

!Na Taovia aia e aqosia na masaoka, aia segeni nogo e God! Maia e vusâ na barangengo me naua ke gini tukakai me ke totu saviliu. Maia e tau naua gana ke totu mangu lê moa, ma gana na tinoni kara totuvia. Maia nogo e tsaria, “Inau nogo na Taovia, me tagara sa god tavosi.

Isaia 45:12

Inau nogo au aqosia na barangengo, mau vusagira na mamatana tinoni kara totu i laona. Tana susuligaqu segeni nogo inau au tatakatsinia na baragata; mau tagaovi kaputia na aso, ma na vula, migira na veitugu.

Isaia 45:8

“Igoe na masaoka, migamu na parako, kamu qetutsunamai na tagu dou vanigira na tinoni sui, vaga moa kalina na usa e tumutsuna me malobusia na kao. Me sauba ti igira kara totu tanusi, me ke laba na pedegoto tana barangengo. Inau nogo na Taovia sauba kau naua ma kara laba na omea sui girani.”

Isaia 40:26

!Kamu morodato tana masaoka! ?Laka asei nomoa e volagira na veitugu igamu amu reigira? Aia nogo na Taovia. Maia segenina nogo e ida vanigira vaga moa kesa na alaala na mane vaumate, me donaginia na dangaqira, me molovania pipi vidaqira na soana segeni. Mi tana rongona aia e susuliga sosongo, te e tau goto dona ke tsida sa vidaqira.

Isaia 22:11

Mamu ba tsaia kesa na qou loki i laona na verabau, gana kalina ke tsipu lê na kô tana qou pura, me ke tave bâ i konina na qou vaolu. Migamu amu padale saikesalia God, aia nogo e vangarau manogati okanogoa na omea sui girani, me naua mara gini laba.

Linge 104:24

!Taovia, ara danga sosongo na omea igoe o aqosigira! !Tana nimu sasaga loki nogo igoe o aqosiginigira mara dangali tovua na barangengo!

1 Taovia Tsapakae 11:38

Me ti vaga igoe ko rongomangaqu dou saikesa inau, mo ko mauri muria niqu ketsa, mo ko naua na omea e dou i mataqu vaga e naua a David niqu maneaqo, minau sauba kau totu kolugo sailagi. Minau nogo sauba kau molokaego ko lia na taovia tsapakae tana Israel, ma kau mologira na kukuamu kara adidatoa na aqo tagao i murimu igoe, vaga nogo au nauvania a David.

2 Samuel 7:27

!Taovia Susuliga Sosongo, igoe na God ni Israel! Inau au gini malagai na nonginongi vanigo vaga iani, rongona igoe nogo o saulabatigira vaniau inau nimu maneaqo na omea sui girani, mo tsarinogoa vaniau laka sauba ko naua migira na kukuaqu kara tangolidatoa babâ na aqo taovia tsapakae.

Tsoko Tinoni 23:23

Me tagara goto sa ketso, se sa tabatu, tangomana ke manaligira na puku na tinoni ni Israel. Mi kalina ia migira na tinoni sauba kara gini goko tana rongoqira na Israel ma kara tsaria, ‘!Kamu reia bâ na omea loki aia God e nauvanigira!’

Linge 8:3

Kalina inau au morodato i gotu tana masaoka aia igoe nogo o aqosia, mau reigira na vula ma na veitugu igoe nogo o mologira tana sasaqira,