Linge 28:4 - Ghari

⁴ Ko kedegira matena na omea vaga ara naua, me matena goto niqira sasi ara tsukia. !Ko kedegira tana rongona pipi sui niqira sasaga tau dou ara naua! Eo, ko tusuvanigira na omea e tugua kara gini vatsa.

Linge 28:4 Referans Kwoze

Na Katemai 22:12

Ma Iesu e tsarigotoa, “!Kamu rorongo dou! E varangi sosongo nogo kau visumai inau, me sauba kau adimai koluau na peluna, gana na tusuana vania pipi tinoni tatasa, muria na douna se na sekona nina aqo e naua tana maurina.

2 Timoti 4:14

A Aleksader na mane e aqo tana tapala, aia e seko sosongo vaniau. Me dou moa, sauba na Taovia ke kedea matena na omea seko aia e naua.

Na Katemai 18:6

Kamu nauvisu vania na omea atsa saikesa vaga aia e nauvanigamu; kamu tuguvisu vania ke ruka kalina na dangana pipi na omea aia e naua. Kamu dangalivania nina tseu na uaeni, me ke ruka kalina na susuligana na uaeni aia e vangaraua vanigamu.

Roma 11:22

God e dona sosongo na galuve, eo, me dona sosongo goto na pede kakai. E pede kakaigira na Tsiu igira ara puka, me galuvegamu igamu, ti vaga kamu totukakai babaa moa i laona nina galuve. Me ti vaga kamu tau totukakai babaa i konina aia, me sauba ke bokuligigamu goto igamu.

Esekiel 38:10

Miani nogo e vaga na omea na Taovia God e tsarivania a Gog: “Kalina ke labamai na tagu ia, me sauba ke datomai i tobamu na vorogokona na omea seko.

Linge 103:10

E tuguragoa aia ke kedegita, maia e tau moa kedegita, se ke tangotugu matena igita a sasi vania.

Linge 62:12

ma niqu galuve vanigira na tinoni e vo oli.” Eo, igoe segenimu moa Taovia o saupeluna vanigira pipi tinoni taonia nina aqo dou aia e naugira.

Linge 5:10

Migoe God, ko tusuvanigira na matena niqira tsutsukibo; me ke gadovisu segeni i koniqira na omea seko ara vangaraua na nauana. Ko tsialigigira tania na matamu rongona na sasi danga ara tsukia, mara petsakoe loki vanigo igoe.

Esra 9:13

Me atsa moa ti igoe o kedegami tana rongona nimami sasi ma na omea ami nausekolia, migami ami donagininogoa laka igoe nimami God o tau kedegami atsalina na lokina nimami sasi, mo tamivanigami moa na mauri taniana na totu tseka.

Linge 21:10

Me ke tagara lelê goto sa vidaqira igira na kukuaqira ke pipidi, sauba na taovia tsapakae ke labumatesigira sui lakalaka.

2 Samuel 3:39

Atsa moa ti inau na taovia tsapakae God e vilinogoa, minau goto au vatsangia na maluku i dani eni, rongona ka niqira sasaga tabaru kaira na dalena ko Seruia ara ka ngoliginiau sosongo inau. !Na Taovia segenina nogo ke kedekaira na vanga labumate kaira, vaga nogo e tugua na omea kaira ara ka naua!”

Tangitangi 3:64

“Taovia, ko kedegira tana rongona na omea seko ara nauvaniau.