Linge 28:1 - Ghari

¹ Taovia igoe nogo niqu reitutugu, minau au ngangaidato vanigo. !Ko rongomia niqu nonginongi! Ti vaga igoe ko tau goto tugumaia niqu nonginongi, minau sauba kau lia vaga moa igira ara ba tsuna tana barangengo na mate.

Linge 28:1 Referans Kwoze

Linge 143:7

!Taovia, kalina nogo ia ko tugumai vaniau niqu goko! E puka lê sui nogo niqu amesi. Ko laka goto na taopoi taniaqu, kau tau vaga igira ara ba tsuna nogo tana barangengo na mate.

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Goko Tabana 1:12

!Ka tangoli novotia ma ka matesia, vaga nogo na mate e tavongani novoti tinoni me ba tsuna tana barangengo na mate.

Linge 83:1

!God, ko laka na mui lê moa; ko laka na totudodo ma na tû mui lê moa!

Na Katemai 20:3

Ma na angelo e tsonitsunaa Satan tana qou loki, me kikapusia na matsapana, me bulutiginia na bubulutina, rongona ke gini utu goto vania Satan na peroginiaqira na tinoni tana barangengo popono, poi tsau ke putsi kesa na toga na ngalitupa. Mi muri ti kara nusitugua, me ke totu lee kesa moa tana tagu tetelo.

Isaia 26:4

Ka noru sailaginia na Taovia; maia sauba ke reitutugugita sailagi.

Nina Papi A Job 33:28

Me tangolivisuau te au tau gini tsuna tana barangengo na mate, mau totu mamauri moa.’

Isaia 38:18

Me tagara goto ke kesa e totu tana barangengo na mate ke tangomana na tsonikaeamu; Igira ara mate nogo e utu nogo kara amesia ko naua sa omea dou vanigira.

Linge 35:22

Eo, migoe nogo Taovia o reinogoa na omea iani. !Vaga ia, mo ko laka na totu mui Taovia; ko laka goto na totu ao taniaqu vaga sagata ia!

Linge 30:9

“?Laka nagua sauba igoe ko tamaniginia tana rongona na mateaqu? ?Laka nagua ke pelugo tana rongona na vanoaqu tana qilu? ?Laka igira ara mate nogo tangomana kara tsonikaego igoe? ?Me laka e tugua igira kara gini goko tana rongona nimu doulaka saviliu igoe?

Linge 22:2

Tana dani popono au soago igoe niqu God, migoe o tau lelê goto tugua niqu nonginongi; mi tana bongi mau tau goto mango na sosoa.

Linge 3:4

Au nongia na Taovia ke sangaau, me tû tana nina vungavunga tabu aia e rongomiau.

Linge 77:1

Inau au ngangaidato vania God; au ngangaidato maia e rongomiau.

Linge 69:15

Ko laka na tamiana ke tave tsavuau na obo loki; mo ko laka na tamiana kau lulumi tana mao rodo se kau tsoku i laona na qilu.

Linge 5:2

!Ko rongomiau kalina au nongigo ko sangaau, igoe niqu God ma niqu taovia tsapakae! Au nonginongi vanigo Taovia;

Linge 142:1

Au ngangaidato vania na Taovia rongona aia ke sangaau; mau amiami tsai vania.

Linge 39:12

Ko rongomia niqu nonginongi Taovia, mo ko rongomi vatavia niqu ngangaidato vanigo. Ko laka na ponotiana na kulimu kalina inau au nongigo ko sangaau. Rongona inau au nimu tinoni totogoro moa igoe kesa tana tagu tetelo lê moa, vaga nogo igira na mumuaqu i sau.

Linge 42:9

Au tû, mau tsarivania God aia e reitutuguau, “?Matena gua te o padaleau igoe? ?Egua vaga ti niqu aqo moa inau kau tsodorota babâ vaga ia tana niqira tobaseko ara naua vaniau igira gaqu gala?”

Linge 30:4

Lingena na tsonikaeana na Taovia, igamu sui na tinoni amu galuvea. Padatugugira na omea dou sui God e naunogoa vanigamu, ma kamu soadoua.

Linge 142:2

Au tsarivulagi vania pipi sui na omea ara ngoliau; migira goto na rota sui ara gadoviau.