Linge 27:9 - Ghari

⁹ !Ko laka goto na totu popoi taniaqu!” Ko laka na kore vaniaqu; ma na tsialigiaqu lê inau nimu maneaqo. Igoe nogo o sangaau tû i sau nogo; vaga ia, mo ko laka goto na mololeaqu ma na tsonikidaqu, igoe nogo niqu God ma niqu vagamauri.

Linge 27:9 Referans Kwoze

Linge 69:17

Laka na taopoi taniaqu inau nimu maneaqo. !Au totu saikesa kiki i laona na rota loki ko rongomiau kalina ia!

Linge 143:7

!Taovia, kalina nogo ia ko tugumai vaniau niqu goko! E puka lê sui nogo niqu amesi. Ko laka goto na taopoi taniaqu, kau tau vaga igira ara ba tsuna nogo tana barangengo na mate.

Linge 102:2

!Kalina inau au totu i laona na rota loki, migoe ko laka na piloligi taniaqu! !Ko rongomi vataviau, mo ko tuguvisu tsakua niqu nonginongi kalina kau soago!

Hibru 13:5

Kamu laka na kiliqolo sosongo. Ke dou moa na tobamui ti nagua kamu tamanina. Rongona God e tsarinogoa, “E utu kau mololegamu. Me utu goto kau tsonilegamu.”

Jeremia 32:40

Me sauba kau naua kesa na vaitasogi saliu kolugira. E utu goto kau mololea na nauana na omea dou vanigira, ma kau naua migira kara kukuni taniau tana tobaqira popono, ma kara gini tau goto piloligi taniau.

Linge 24:5

Igira nogo na Taovia sauba ke vangalaka vanigira me ke maurisigira; God sauba ke adilabatia laka ara tinoni dou mara tau sasi.

Linge 119:121

!Inau au naua moa na omea e goto me dou; migoe ko laka na mololeaqu i limaqira gaqu gala!

Linge 88:1

Taovia God niqu vagamauri, inau au ngangaidato vanigo tana dani popono, mi tana bongi goto minau au mailaba i matamu igoe.

Linge 51:11

Ko laka kiki na tsonikidaqu ma na tongo vaniaqu nimu Tarunga Tabu.

Linge 44:24

?Egua ti o taopoi tanigami vaga ia? !Ko laka na padaleamami tana nimami rota ma nimami vatsangi savi!

Linge 13:1

?Laka sauba ke oka koegua sagata ko padaleau igoe Taovia? ?Egua, laka ko padaleau saviliu? ?Me ke oka koegua sagata goto ko taopoi taniau?

1 Samuel 7:12

Mi muri, ma Samuel e adia kesa na vatu, me turuvaginia i ka levugaqira i Mispa mi Sen me tsaria, “Na soana na vatu iani na Vatu na Sasanga, rongona na Taovia aia e sangagita babâ me tsau mai nogo ieni.”

Isaia 50:1

Na Taovia e tsaria, “?Laka amu padâ igamu laka au sauligigira lê niqu tinoni vaga moa kesa na mane e tsonitunâ na tauna? ?Me ti ke vaga ia, miava e totu na mamarena na tsonitsunâ? ?Mamu padâ ngatsu laka au tsabirigamu mala tseka, vaga nogo kesa mane e tsabirigira na dalena mala tseka? Tagara saikesa. Ara aditsekavanogamu tana rongona nimui sasi segeni nogo igamu, mau tsialigigamu tana rongona nogo nimui tsutsukibo.

1 Turupatu Dato 28:9

Mi tana ma David e gokovania a Solomon me tsaria, “Dalequ igoe, nimu aqo nomoa ko padalokia nina God na tamamu, mo ko tamia na aqo dou vania tana tobamu popono mi tana papadamu popono. Aia e donaginia pipi sui nida papada ma nida kili igita. Me ti vaga igoe ko vataragi i konina aia, maia sauba ke tabego; me ti vaga igoe ko piloligi tania, maia sauba ke piloligi sailagi tanigo goto igoe.

Isaia 59:2

Nimui sasi nogo igamu ara naua te aia God e piloligi tanigamu, me tau goto rongomia nimui nonginongi. Eo, nimui sasi nogo igamu ara lia vaga na bara e molovotagamu tania God.

Linge 69:18

Ko mai i koniqu mo ko maurisiau; laumaurisiau tanigira gaqu gala.

Linge 102:3

Na mauriqu e vaga moa na punguna lê na lake; e dato me tau oka me nangaligi lê; ma na koniqu e papara vaga moa na lake.