Linge 26:8 - Ghari

⁸ Au reingao sosongolia na vale i tana o totu igoe Taovia, na nauna i tana e totu na mararamu.

Linge 26:8 Referans Kwoze

Luka 2:49

Ma Iesu e tuguvisua nina goko me tsaria, “?Egua kagamu ti amu ka lalaveau? ?Laka amu ka tau donaginia niqu aqo nogo inau kau totu tana valena na Tamaqu?”

Luka 2:46

Mi tana tolunina dani te ara ka tsodoa i laona na Vale Tabu, tana e tototu kolugira na mane tarai na Tsiu, me rongomi vatavigira, me torogoko i koniqira.

Isaia 38:20

Taovia, igoe o tali maurisiau nogo inau. Migami sauba kami taia nimami itai tatangi, ma kami lingena na linge na tsonikaeamu. Eo, sauba kami lingena na tsonikaeamu i laona nimu Vale Tabu tana na maurimami popono.

Linge 122:9

Mi tana rongona na valena na Taovia nida God minau au nonginongi vanigo ko gini totu dou sailagi.

Linge 84:10

Kesa lelê moa na dani na totu i laona nimu Vale Tabu igoe e dou liusia bâ kesa na toga na dani na totu kesa tana nauna segeni; kau reingaoa bâ na totu moa i matsapana na valena niqu God, liusia bâ na totu i laona na valeqira na tinoni vanga tsutsukibo.

Linge 42:4

E seko manana nomoa na tobaqu kalina au padavisugira na omea ara laba i sau, kalina au dulikolugira na toga mami bâ tana valena God mau idana sautu vanigira kalina ami vavano i tana, migira na toga ara magemage mara lilinge mara gudato tana tsonikaeana God.

2 Turupatu Dato 5:14

me gini utu vanigira na manetabu na nauana babâ niqira aqo na samasama.

1 Turupatu Dato 29:3

Mau paboginigotoa na siliva ma na qolumila tana niqu tamani segeni nogo inau rongona au padaloki sosongolia nina Vale Tabu God.

2 Samuel 15:25

Mi muri, ma na taovia tsapakae e tsarivania a Sadok, “Ko adivisutugua i vera na Bokisi na Taso. Me ti vaga au totu dou i matana na Taovia, me sauba kesa dani ti aia ke tamivaniau na visumai ma na reiana tugua na Bokisi na Taso ma na nauna i tana ara mololakâ.

2 Turupatu Dato 7:1

Mi kalina a Solomon na taovia tsapakae e nonginongi sui, ma na lake e talu i baragata e tsunamai me gani poponogira na omea ara gini kodoputsa, ma na mararana angaanga na Taovia e dangali poponoa na Vale Tabu.

2 Turupatu Dato 7:2

Me rongona na marara angaanga ia e dangali poponoa na Vale Tabu me toravia na mataqira na manetabu, te ara gini tau goto tangomana na sage bâ i laona na Vale Tabu.

Esekiel 3:12

Mi tana, ma nina Tarunga God e tatatuuau, mau rongomia e tangi loki i muriqu na liona kesa me tsaria, “!Tsonikaea na mararana na Taovia aia e totu i gotu vasau!”