Linge 25:3 - Ghari

³ E utu ke paluvangamaqira igira ara norugo igoe, migira moa ara tsaku sosongo na sove taniamu, e dou ti ko paluvangamaqira.

Linge 25:3 Referans Kwoze

Tangitangi 3:25

Eo, na Taovia e dou sosongo vania asei moa e norua aia.

Isaia 40:31

Migira moa ara norua na Taovia ke sangagira, sauba kara susuliga visutugua. Me sauba kara lovodato vaga moa na manuloki; mi kalina kara uloulo me utu goto kara kolae; mi kalina kara vanovano me utu goto kara maluku.

Isaia 49:23

Migira na taovia tsapakae kara lia vaga na tamaga vanigamu; migira na daki taovia sauba kara vaga na tinaga. Igira sauba kara tsuporu tsuna i matamui ma kara padalokigamu ma kara kukuni tanigamu. Mi tana ti sauba igamu kamu donaginia laka inau nogo na Taovia, me laka e tagara goto ke kesa aia e noruau ke qisi lê na pituana niqu sasanga.”

Mika 7:7

Minau sauba kau vataragi moa konina na Taovia. Ma kau norua laka aia ke maurisiau. Ma niqu God sauba nomoa ke rongomia niqu nonginongi.

Linge 62:5

Minau au pitua moa God ke sangaau, rongona i konina nogo aia au vataraginia niqu amesi.

Linge 27:14

Ka norukakaia moa na Taovia. Ka tutunina, ma ka malagai. Eo, ka noru saikesalia moa na Taovia.

Roma 8:25

Me ti vaga igita a amesia na reiana na omea a tau vati morosia moa, me sauba ka berengiti ma ka pipitua moa poi ke tsau kalina ka reilakana.

Linge 37:34

Norukakaia na Taovia ma kamu muridougira nina ketsa sui; maia sauba ke padalokigamu me ke tusuvanigamu na kao, migamu sauba kamu reia kalina aia ke tû me ke tsialigigira igira na tinoni vanga tsutsukibo.

Linge 33:20

Igita a norukakaia na Taovia; aia nogo e reitutugugita me sangagita.

Linge 123:2

Vaga nogo na maneaqo e tau kuti na moro bâ sailagi moa i konina gana taovia, me vaga na dakiaqo e moro bâ sailagi moa i konina gana daki taovia, me vaga goto igami sauba kami moro bâ sailagi moa i konimu igoe na Taovia nimami God, poi tsau kalina igoe ko galuvegami.

Isaia 25:9

Mi kalina kara reia na omea sui kara laba vaga ia, me sauba na tinoni sui kara tsarivaganana iani, “!Aia saikesa nogo nida God manana igita! Aia nogo igita a vataragi kakai i konina, maia e tû me laumaurisigita. !Aia manana nogo na Taovia! Aia nogo igita a vataragi i konina, mi kalina ia igita a gini magemage me gini dou sosongo tobada rongona aia e maurisigita nogo.”

Linge 69:6

!Laka na tamivaniaqu kau paluvangamaqira igira ara norugo dou igoe, igoe Taovia God Susuliga Sosongo! !Laka goto na tamivaniaqu kau naua ma kara gini vangama lê igira ara samasama vanigo igoe, igoe na God ni Israel!

Jeremia 20:11

Migoe Taovia o tabana koluau, mo malagai susuliga sosongo, migira ara rotasiau e utu moa ke managaqira. Sauba kara paluvangamaqira saviliu, rongona e utu saikesa kara tangomana. Ma niqira paluvangamâ sauba e utu saikesa na tinoni kara padalea.

Linge 35:26

Migoe Taovia ko naua, ma kara luvu lê igira ara gini mage tana rongona na rota e gadoviau inau, me ke ponopala lê na tobaqira, migira ara koesegeniqira mara tsaria laka ara dou bâ liusiau inau, igoe ko naua, me ke tsavugira popono na vangamâ me ke paluvangamaqira.

Linge 132:18

Inau sauba kau paluvangamaqira popono igira gana gala, ma kau naua ma gana susuliga ke pabo babâ me ke totu kakai saviliu.”

Linge 71:13

Ko naua migira ara ngaoa laka kara sugutiau inau ke tau nogo managaqira ma kara mate lê sui. Migira ara tovoa na sekoliaqu, igoe ko naua ma kara seseada me ke paluvangamaqira lê.

Linge 31:17

Inau au soago Taovia; ko laka na tamivaniaqu ke paluvangamaqu lê. Igira moa na tinoni vanga tsutsukibo igira nogo ke paluvangamaqira, ma kara tsuna dodo i lao tana barangengo na mate.

Linge 62:1

Au pitu saikesalia moa God laka aia ke maurisiau; mi konina segeni moa aia au tsotsovata.

Linge 6:10

Migira gaqu gala, sauba ke ponopala lê na tobaqira rongona e tau managaqira; me sauba kara tavongani vangamâ loki ma kara sugavisu lê.

Ioane 15:25

Me utu nomoa ke tau laba na omea vaga girani rongona ke gini manatovu na omea ara marea tana niqira Ketsa segeni nogo, ‘Ara reisaviau lee tagara sa rongona.’

Linge 119:78

Ko paluvangamaqira igira na tinoni vanga kaekae ara keliseko vaniau; minau moa sauba kau padatugutugugira nimu totosasaga.

Linge 109:3

mara tsonigira goto danga na gokoseko tana rongoqu, mara tavongani maiginiau lê tagara sa rongona.

Linge 69:4

Ara danga liusia bâ na kolina na ivuqu igira ara reisaviau lê moa tagara sa rongona. Migira gaqu gala ara tsonia danga na gokopero tana rongoqu; ara susuliga sosongo igira mara area na labumatesiaqu inau. Ara tû mara raiau kau tusuvisua vanigira na omea au tau komia.

Tuturigana 49:13

“A Sebulun sauba ke totu i liligina tasi. Nina tabana tasi sauba ke lia niqira mani tsoboravi na vaka. Ma nina butona kao sauba ke vosa bâ i Sidon.

1 Turupatu Dato 10:13

Ma Saul e mate tana rongona aia e tau tsotsovata i konina na Taovia. Me tau murigira dou nina ketsa na Taovia; me tovoa moa laka ke basugira na tidaoqira na tinoni mate gana kara tsarivania nagua ke naua,

Linge 22:6

!Minau moa au tau nogo lia vaga sa tinoni, au vaga saikesa moa ti na meri lê, migira sui na tinoni ara peaau lê mara tsiri sosongoliau!

Linge 31:18

Ko muisigira igira na vanga peropero igira sui ara dona na molokae segeniqira ma na goko peapea, mara tsirigira na tinoni e gotodou niqira sasaga.