Linge 25:2 - Ghari

² Igoe nogo niqu God, minau au noru saikesaligo. !Ko laka na tamiana kara paluvangamaqu lê; mo ko laka na tamivaniaqira gaqu gala kara gini mage rongona igira ara tuliusiau inau!

Linge 25:2 Referans Kwoze

Roma 10:11

Ara marea tana Mamare Tabu, “Asei moa ti ke tutunina sauba e utu goto ke padasavi.”

Linge 41:11

Me ke utu vanigira goto kara tuliusiau inau, mi tana ti inau kau reigadoviginia laka igoe Taovia o tobadou vaniau nomoa inau.

Linge 71:1

Taovia, inau au gini mai rongona kau totu raviravi dou i konimu; ko laka saikesa na tamiana kara tuliusiau lê.

Roma 5:5

Ma nida amesi aia e utu ke perogita lee, rongona God e molomainogoa i tobada nina galuve ginia na Tarunga Tabu, aia nogoria nina vangalaka God vanigita.

Linge 22:5

Ara soago, migoe o didia tanigira na omea seko; mara norugo igoe, mara tau paluvangamaqira lê.

Linge 142:6

Rongomivatavia niqu ngangaidato vanigo ko sangaau, rongona inau au seko pitsu nogo. Laumaurisiau tanigira gaqu gala; igira ara susuliga liusiau nogo inau.

Linge 31:1

Taovia inau au mai kau toturavi i konimu. Ko laka na tamivaniaqira gaqu gala kara liusiau lê. !Igoe nogo na God na gotolaka; mau nongigo ko maurisiau!

Isaia 37:35

Inau sauba kau isutuguna na verabau iani, ma kau reitutugudoua tana rongoqu segeni nogo inau, mi tana rongona goto na veke au nauvaninogoa a David niqu maneaqo.’ ”

Linge 34:8

Kamu tovoa ma kamu reisegenimui laka e dou manana na Taovia. Ara mage igira ara totu raviravi i konina.

Isaia 26:3

Igoe Taovia o tusua na rago laka vanigira ara totu kalavata i konimu, mara norugo moa igoe.

Linge 94:3

?Sauba ke oka koegua goto kara magemage igira na vanga tsutsukibo? ?Laka sauba ke oka koegua Taovia?

1 Petero 2:6

God e gini goko nogo tana rongona na vatu iani i laona na Mamare Tabu, kalina aia e tsaria, “Au vilinogoa kesa na vatu e loki sosongo na matena, mau moloa ke lia na tsutsuvatu tana tsuruna na vale ni Sion. Masei moa ti ke tutunina aia, e utu goto ke padasavi.”

Isaia 49:23

Migira na taovia tsapakae kara lia vaga na tamaga vanigamu; migira na daki taovia sauba kara vaga na tinaga. Igira sauba kara tsuporu tsuna i matamui ma kara padalokigamu ma kara kukuni tanigamu. Mi tana ti sauba igamu kamu donaginia laka inau nogo na Taovia, me laka e tagara goto ke kesa aia e noruau ke qisi lê na pituana niqu sasanga.”

Isaia 37:20

Mi kalina ia, Taovia nimami God, ko laumaurisigami tania na limaqira na Asiria, mi tana ti igira na puku sui tana barangengo popono sauba kara donaginia laka igoe segeni moa o God mana.”

Linge 37:40

Aia e sangagira me maurisigira; me laumaurisigira tanigira na tinoni vanga tsutsukibo rongona ara dona kara vano totu raviravi i konina aia.

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Linge 7:1

Taovia niqu God, inau au mai i konimu, rongona igoe ko reitutuguau. Ko isutuguqu mo ko laumaurisiau tanigira igira sui ara takuviau.

Linge 22:8

Mara tsarivaganana vaniau, “Igoe o vataragi i konina na Taovia. ?Megua aia ti e tau laumaurisigo? ?Me ti vaga na Taovia e galuvego manana, megua aia ti e tau sangago?”

Linge 22:1

?Niqu God, niqu God, egua sagata kiki ti o tsonileau? Inau au ngangai savosavo bâ i konimu, ?megua ti o tau sangaau?

Isaia 41:16

Migamu sauba kamu tsonidatogira tana masaoka, vaga moa ti na kekevuna na uiti, ma na guguri sauba ke pualigigira, ma na tulonga ke sarangasigira. Mi muri ti igamu sauba kamu gini magemage tana rongona inau nogo nimui God, ma kamu tsonikaeginiau inau na God tabu loki ni Israel.

Isaia 37:10

me tsarivania, “Aia na god igoe o norukakaia e tsarivanigo laka igoe sauba e utu lelê ko puka tana limaqu inau, mo ko laka moa na tamivaniana aia ke perobulesigo lê.

Isaia 28:16

Bâ, miani nogo e vaga na omea aia na Taovia God e tsaria: “Inau au pakâ i Sion kesa na pakapaka e totu kakai kalavata. Mi laona na pakapaka ia inau au molo bâ kesa na vatu kakai tana tsuruna i tana ara maregira na goko vaga iani, ‘Asei moa ke vataragi i koniqu sauba ke tu kakai.’

Linge 56:1

Niqu God ko galuveau, rongona ara mai saisai gaqu; igira gaqu galu ara rotasiau sailagi.

2 Turupatu Dato 13:18

Mi tana migira na tinoni ni Juda ara tangomana na tuliusiaqira na Israel, rongona ara vataragi i konina na Taovia aia niqira God na mumuaqira.

Linge 13:5

Minau au noru kalavatavia nimu galuve vo oli; me sauba nomoa kau gini magemage tana rongona igoe sauba ko laumaurisiau.

Linge 31:2

!Ko rongomiau mo ko maurisiau tsaku! Ko lia vaga niqu mani toturavi, niqu baravatu kakai gana kau gini mauri tanigira gaqu gala.

Linge 31:15

Igoe nogo o reitutuguau sailagi; ko maurisiau tanigira gaqu gala, me tanigira goto igira ara rotasi sosongoliau.

Linge 91:2

aia moa e tugua ke tsarivaganana vania, “Taovia igoe nogo o isutuguqu mo reitutuguau. Igoe niqu God; minau au norugo.”

Jeremia 17:18

Taovia ko paluvangamaqira igira ara rotasiau, mo ko gaea na mauriqu inau. Ko totoposuligira igira, mo ko laka moa na molo matagu vaniaqu inau. Ko alomaia na tagu seko vanigira igira, mo ko matesiligigira saikesa.