Linge 24:3 - Ghari

³ ?Laka asei nomoa e ulagana ke dato bâ tana nina vungavunga na Taovia? ?Masei e tugua ke sage bâ tana nina Vale Tabu?

Linge 24:3 Referans Kwoze

Linge 15:1

?Taovia asei nomoa e ulagana ke sage bâ i laona nimu Vale Tabu? ?Masei nomoa e ulagana ke samasama vanigo i Sion tana nimu vungavunga tabu?

Hibru 12:28

E dou ti igita ka soadoua God rongona aia e tusuvanigita na vera e utu na kasiliana. Eo, ka tsonikaea God ma ka aqodou vania tana kukuni ma na matagu,

Linge 65:4

Kara mage igira igoe o viligira nogo; igira igoe o adigira kara totu i laona nimu Vale Tabu. Sauba igami kami gini mage loki sosongo tana rongoqira na omea dou sosongo igoe o tusuvanigami i laona na valemu, i tana nimu Vale Tabu.

Malaki 3:1

Maia na Taovia Susuliga Sosongo e gokovisu me tsaria, “Inau sauba kau molo bâ niqu mane adigoko ke vangarau vaniau niqu sautu. Mi tana ti na Taovia aia igamu amu lalavea, sauba ke tavongani labamai tana nina Vale Tabu. Maia na mane adigoko igamu amu pipitu sosongolia, sauba nomoa ke labamai me ke katevulagi vanigamu niqu taso.”

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

Linge 68:18

Maia e dato bâ i gotu vasau, me adigira kolua danga na tinoni aia e laugira tana vailabu; me adigira goto danga na vangalaka igira nogo na tinoni ara sove tania ara sauvania. Eo, na Taovia God sauba ke totu i tana.

Aqo Manetabu 10:3

Mi tana ma Moses e tsarivania a Aaron, “Aia nogoria na omea vaga ia na Taovia e gini goko tana rongona kalina aia e tsaria, ‘Igira sui ara aqo vaniau inau, niqira aqo kara kukuni taniau matena inau au God tabu loki sosongo; me sauba kau saulabatia na susuligaqu i mataqira na tinoni sui migira kara tsonikaeginiau inau.’ ” Maia Aaron e mui lê moa.

1 Turupatu Dato 15:1

A David e logogira visana na vale vanisegenia i laona na Verana a David. Maia e vangaraugotoa kesa na nauna tana ke totu nina Bokisi na Taso God, me molokaea kesa na valepolo vania i tana.

Ioane 20:17

Ma Iesu e tsarivania, “Ko laka na peleaqu rongona au tau moa vati visu baa i konina na Tamaqu. Mo ko baa moa i koniqira na tasiqu mo ko turupatu vanigira laka au visu i konina na Tamaqu inau ma na Tamamui goto igamu, ma niqu God inau ma nimui God goto igamu.”

Ioane 13:36

Ma Simone Petero e veisuaa a Iesu, “?Iava ko vano, Taovia?” Ma Iesu e tsarivania, “E utu ko tsari tana inau kau vano kalina eni. Me sauba kesa dani moa ti igoe ko tsarimuriqu.”

Esekiel 44:5

ma na Taovia e tsarivaniau, “Dalena tinoni igoe, ko morosidoua na omea sui inau sauba kau sauvulagia vanigo, mo ko rongomi vatavidoua na omea kau tsaria. Inau sauba kau tsarivulagi vanigo na vovorona sui e kalea na aqo tana Vale Tabu, me laka asei tinoni e ulagana ke tsunasage i laona niqu Vale Tabu, masei ke tau ulagana. Ko rorongo dou, mo ko pukudoua na omea kau tsaria vanigo.

Esekiel 44:9

“Inau nogo na Taovia God, au tsari makalia laka ke tagara goto sa tinoni ni veratavosi aia e tau vati paripapadana, se sa tinoni e tau rongomangaqu inau, ke sage bâ i laona niqu Vale Tabu, atsa moa ti kesa na tinoni ni veratavosi e totulalo nogo kolugira na tinoni ni Israel.”