Linge 24:1 - Ghari

¹ Na barangengo migira sui pipi na vangana i laona nina omea nogo na Taovia; migira sui goto ara mauri i laona ara nina nogo aia.

Linge 24:1 Referans Kwoze

Linge 89:11

Na baragata nimu tamani nogo igoe, ma na barangengo goto; migoe nogo o volâ na barangengo migira na omea sui i laona.

1 Korint 10:26

Rongona ara marenogoa tana Mamare Tabu na tsaqina goko vaga iani: “Na barangengo ma na vangana sui lakalaka i laona nina tamani nogo na Taovia.”

1 Turupatu Dato 29:11

Igoe o loki putsikae mo susuliga sosongo, mo marara loki, mo doulaka saikesa, mo taovia loki i gotu vasau, rongona pipi sui na omea i baragata mi barangengo nimu tamani nogo igoe, migoe o taovia tsapakae mo tagaovi kaputigira na omea sui.

Nina Papi A Job 41:11

?Masei tangomana ke baginia aia me ke mauri moa? Tagara kesa tana barangengo popono tangomana ke naua.

Na Vaolusi Ketsa 10:14

Na Taovia aia nogo e tamanina na baragata i gotu vasau; ma na barangengo nina goto aia, me pipi sui na omea i laona.

Binaboli 9:29

Ma Moses e tsarivania, “I kalina tsotsodo inau kau rutsu tania na verabau iani, me sauba kau saudatoa na limaqu tana nonginongi vaniana na Taovia. Maia ke naua ma na vivisa sauba ke sui, me utu goto ke tumutsuna mai sa kolina na usa kakai vaga na vatu, rongona igoe ko donaginia laka na Taovia aia nogo e tamanina na barangengo.

Binaboli 19:5

Mi kalina ia, ti vaga igamu kamu rongomangaqu dou, ma kamu manalia gamui tabana na vaitasogi au naunogoa kolugamu, me sauba igamu kamu lia niqu tinoni segeni inau. Na barangengo popono niqu tamani segeni nogo inau, migamu sauba kamu lia niqu tinoni vivili,

Nahum 1:5

Migira na vungavunga ara kakasisi i matana na Taovia, ma na tetena ara viri rono mara lia lê na kô. Eo, na barangengo e kakasisi popono kalina na Taovia e labamai, ma na tinoni sui ara viri gagariri tana matagu.

Linge 50:12

“Eo, me ti vaga inau kau dona na vitoa, me sauba e utu inau kau nongi mutsa i konimui igamu, rongona na barangengo popono ma na vangana sui i laona igira sui lakalaka niqu omea nogo inau.

Daniel 4:25

Migoe sauba kara tsialigigo tania niqira saikolu na tinoni, mo ko ba totu kolugira na omea tuavati atsi. Mi laona ke vitu na ngalitupa, sauba ko gani buruburu vaga moa na buluka ma na sipi, mo ko totubamai lê moa i taba me ke porisigo na kolobu. Mi muri moa ti igoe sauba ko reigadoviginia laka na God Loki Tsapakae aia segeni moa e susuliga kaputigira na veraqira pipi sui na taovia tsapakae tana barangengo, me laka tangomana ke tusua na susuligana vania asei moa aia ke vilia.

Linge 98:7

!Igoe na tasi loki, me pipi sui lakalaka na omea ara mauri i laomu, kamu viri leleo takuti; migoe na barangengo, migira na tinoni sui ara mauri i laomu kamu lilinge!

1 Turupatu Dato 29:16

Taovia nimami God, igami ami adisaimai gira sui nogo na vangana levolevo agana na logoana kesa na valetabu na mani tsonikaeana na asamu tabu, ma na omea sui girani ara talumai moa i konimu, migira sui nimu tamani goto nogo igoe.

2 Turupatu Dato 25:9

Ma Amasia e veisuâ na propete, “?Me sauba kegua vaga igira na siliva inau au voliginigira nogo?” Maia na propete e tuguvisua me tsaria, “!Na Taovia tangomana moa ke sauvisuvanigo ke danga liusia bâ aia!”

Nina Papi A Job 34:13

?Me laka God e adia gana susuliga i konina kesa segeni? ?Laka asei nomoa e molovania aia ke tangoli kaputia na barangengo popono?

Nina Papi A Job 41:3

?Me laka sauba aia ke ngasugo ko galuvea, mo ko tamivania me ke vano lê?

Linge 50:10

Pipi sui na omea tuavati ara totu i laona na legai igira ara niqu tamani sui inau, migira sui goto na buluka ara totu tana toga ma na toga na tetena.

Linge 89:12

Igoe o aqosia na turina i vava ma na turina i ata; mi kaira na Vungavunga Tabor ma na Vungavunga Hermon ara ka linge vanigo tana magemage.

Mika 4:13

Ma na Taovia e tsaria, “Igamu na toga ni Jerusalem, kamu bâ ma kamu kedegira gamui gala. Inau sauba kau naua migamu kamu susuliga vaga na buluka mane e tamanina na kakatsana tapala, ma na perana tuana tapalamila. Igamu sauba kamu tsogori rapasigira kara danga na puku loki, ma niqira omea levolevo loki matena ara laugira tana tangopeke seko, igamu kamu adigira ma kamu saugira vaniau inau na Taovia na barangengo popono.”