Linge 23:5 - Ghari

⁵ Igoe o vangarau manogatia na mutsa vuruga laka vaniau, i mataqira sui gaqu gala; mo soalakaau mala tinoni loki, mo dangalia niqu bilo me danga tsiriri.

Linge 23:5 Referans Kwoze

Epesus 3:20

Ka tsonikaea God, aia e gini aqo na susuligana loki, me dona ke naua i laoda na omea ke loki liusia pipi sui na omea e tugua ka pada igita se ka dona na nongiana i konina.

Linge 92:10

Igoe o naua minau au gini susuliga vaga moa na buluka atsi; igoe o vangalaka sosongo vaniau, minau au gini mage loki.

Linge 45:7

Igoe o reingaoa na omea e goto mo reisavia na omea e seko. Aia nogoria na rongona ti aia God nimu God e viliginigo igoe me ninaginigo na oela na mage liusigira sui na taovia tsapakae tavosi.

Linge 16:5

Taovia, igoe saikesa moa gaqu tuva, mo tusuvaniau na omea sui au kilia vania na mauriqu. Migira na omea sui kara labamai vaniau i muri ara totu sui nogo tana limamu igoe.

Nina Papi A Job 36:16

“Migoe a Job, o rota loki sosongo kalina ia, me varangi nogo ko mate. Ma God e ngao mananâ ke maurisigo, me ke tamivanigo na totu raviravi dou tana rago; me ke tusuvanigo ke danga gamu mutsa dou, me ke tagara goto sa omea seko ke gadovigo.

1 Ioane 2:20

Migamu, a Iesu Kristo e dangailiginigamu nogo nina Tarunga Tabu, te igamu sui amu donagininogoa na manana.

1 Ioane 2:27

Migamu, a Iesu Kristo e dangaliginigamu nogo nina Tarunga Tabu. Me ti vaga ke totu nogo nina Tarunga Tabu a Iesu Kristo i konimui, me tau kiligotoa kesa ke sasanigamu sa omea. Aia nogo e sasaniginigamu pipi na omea sui. Ma na omea aia e sasaniginigamu ara mana sui, tau goto na peperona. Me vaga ia, migamu kamu muridoua nina sasani na Tarunga Tabu, me sauba kamu gini totupata kalavata kolua a Iesu Kristo.

2 Korint 1:21

God segenina nogo e naua laka igami, kolugamu goto igamu, igita sui ka totukakai i laona nida mauripata koluana a Iesu Kristo. Ma God segenina goto nogo e viligita ka aqo vania.

1 Korint 10:16

Na tseu igita a gini inu tana Mutsa Tabu ma soadouginia God, kalina igita a inuvia a pata tana inuviana na gabuna a Iesu Kristo. Ma na bredi igita a ngitia, kalina igita a gania migita a pata tana ganiana na konina a Iesu Kristo.

Ioane 16:22

Me atsa vaga goto igamu. Kalina eni amu melu. Minau sauba kau visumaitugua i konimui, mi tana dani ia ma na magemage ke dangaliginia na tobamui, tana vatana na mage ke tau tangomana ke kesa ke veoligia tanigamu.

Linge 104:15

ma niqira uta na uaeni gana kara gini magemage, ma niqira oela na olive gana ke gini angaanga dou na kokoraqira, ma gaqira bredi kara gini susuliga.

Isaia 25:6

Mieni nogo tana Vungavunga Sion aia na Taovia Susuliga Sosongo sauba ke vangaraua kesa na kavomutsa loki vanigira na puku sui tana barangengo, aia na kavomutsa vuruga me serega dou, kolu uaeni laka saikesa.

Linge 116:13

Sauba kau savori vania na sausau na uaeni na mani soadouana rongona aia e maurisiau.

Linge 22:26

Igira ara tau tamanina sa mutsa sauba nomoa kara mutsa masu; migira ara lalavea na Taovia sauba kara soalokia. !Kara mauri tana magemage na dani ma na dani!

Linge 78:19

Ara goko levolevo vania God mara tsarivaganana, “?Egua laka e tangomana vania God ke tusulea vanigita na mutsa tana kaomate vaga ieni?

Luka 7:46

Igoe o tau ninaginia na lovaqu na mona, maia e qetutsavua na tuaqu na ko sisigini.

Amos 6:6

Mamu inuvia na dangana popono na bilo na uaeni, mamu gitsia na sede sisigini loki matena tana kokoramui, mamu tau lelê gini boe na omea seko sauba ke gadovia na Israel.

Linge 22:29

Migira sui pipi na tinoni vanga kaekae sauba kara tsuporu vania moa aia; migira sui pipi tinoni ara dona mate sauba kara tao tsuporu i matana.

Mateo 6:17

Migoe, kalina ti ko tuu na nauana na sese na vitoa, me dou ti ko daodao rago, mo ko aragodoua na ivumu, rongona igira na tinoni tavosi kara tau reigadoviginia laka igoe o naua na sese na vitoa. Aia segeni moa na Tamamu, aia igoe o tau reia, aia sauba ke donaginia. Maia moa na Tamamu e reigira na omea sui igoe o naupopoia, aia sauba ke tusuvanigo na peluna.

Linge 92:11

Au reilakana kalina igoe o tuliusigira gaqu gala, mau rongomia niqira kakanga igira na vanga tsutsukibo.