Linge 23:1 - Ghari

¹ Na Taovia aia nogo niqu reitutugusipi; me pipi sui na omea au kilia mau adia.

Linge 23:1 Referans Kwoze

Pilipi 4:19

Maia niqu God, aia e tamanigira na omea sui, aia nogo sauba ke tusulea vanigamu tana asana a Iesu Kristo pipi sui na omea igamu amu kilia.

Ioane 10:11

“Inau na reitutugu sipi laka, mau tamisegeniqu kau mate tuguqira niqu sipi.

Isaia 40:11

Maia sauba ke reitutugudougira nina tinoni, vaga moa na mane reitutugusipi e reitutugugira me palagira nina sipi, me alotisaigira na dalena sipi me tabelegira; me alagigira bâ na tinaqira tana nauna i tana kara mango.

Ioane 10:14

“Minau na reitutugu sipi laka. Vaga na Tamaqu e donaginiau, minau au donaginia na Tamaqu, me vaga goto inau au donaginigira niqu sipi, migira ara donaginiau. Mau tamisegeniqu kau mate tuguqira niqu sipi.

Na Katemai 7:17

rongona na Dalena Sipi, aia e totu i levugana patupatu na sasana na totukae, aia nogo sauba ke lia niqira reitutugu, vaga kesa na reitutugu sipi aia e reitugudougira nina sipi. Me sauba ke tudumigira baa tana vuravura na ko tusumauri. Mi tana tagu ia, ma God sauba ke saluvaligi vanigira pipi na koo na mataqira.”

Mateo 6:33

Migamu, kamu gini boe talu na tamivaniana God ke tagaovia na maurimui, ma kamu padaa moa na nauana na omea dou sui vaga God e kilia kamu naua. Maia nogo sauba ke tusulea vanigamu pipi na omea sui tavosi.

1 Petero 2:25

Tana idana, igamu amu mala vaga na sipi ara sarevo. Mi kalina eni, God e adivisugamu nogo, mamu gini muridoua a Iesu Kristo nimui Taovia dou, ma gana Reitutugu na tidaomui.

1 Petero 5:4

Mi kalina ke labavisumai na Taovia Loki na Reitutugu Sipi, me sauba aia ke sauvanigamu na sorilova marara e voo ke nanga na makana.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Roma 8:32

!God e tau tongovanigita na Dalena, me saumaia ke gini mate tuguda igita sui! ?Megua, laka sauba ke tau tusule vanigita kolugotoa aia na omea sui tavosi goto?

Hibru 13:20

Inau, au nongi sailaginia God vanigamu sui. Aia God na Taovia na Rago, maia nogo e maurisivisua a Iesu Kristo nida Taovia tania na mate. Maia nida Reitutugu Sipi Loki Tsapakae manana rongona e reoa na gabuna segeni ke gini tukakai saviliu na taso vaolu.

Mika 5:4

Mi kalina aia ke mai, maia sauba ke tagaovi kaputigira nina tinoni kolua na susuliga e talumai konina na Taovia, me kolugotoa gana tangirongo tsapakae na Taovia God segenina nogo. Migira nina tinoni sauba kara totu raviravi dou, rongona na tinoni sui lakalaka polia na barangengo sauba kara donaginia gana loki tsapakae ia,

Linge 78:52

Mi muri maia e tudumi rutsumigira nina tinoni tania na Ejipt vaga moa ti kesa na mane reitutugu sipi, me mataligira tana laona na kaomate.

Jeremia 31:10

Na Taovia e tsaria, “Igamu na puku sui kamu rongomiau inau, ma kamu ba katevulagigira niqu tsaqina goko tana tasi taligu. Ma kamu tsaria, ‘Na Taovia e sarangisigira nogo nina tinoni, me sauba nomoa ke adisaigira tugua, me ke reitutugugira dou vaga na mane pitusipi e reitutugugira dou nina sipi.’

Linge 79:13

Mi tana ti igami sui nimu toga igoe, igami na sipina nimu bara, sauba kami soadougo sailagi, ma kami tsonikaego na dani ma na dani.

Mika 5:2

Ma na Taovia e tsaria, “Igoe Betlehem Eprata, igoe kesa o palatsuna i laoqira na vera sui tana Juda, mi laomu nogo igoe, sauba ke botsamai kesa na ida loki, maia nogo sauba ke tagaovigira na Israel, ma na vungu konina ia e tu mai nogo i oka.”

Linge 34:11

Kamu mai i koniqu igamu na tinoni vaolu, ma kamu rongomi vatavia niqu goko, minau kau sasaniginigamu na pada mamavasiana na Taovia.

Esekiel 34:14

Eo, sauba kara mutsamutsa gaqira tana vungavunga ma na poi ni Israel, i tana e dato magobu dou na buruburu.