Linge 22:30 - Ghari

³⁰ Migira sui na vatavata kara botsamai i muri sauba kara aqovania ia. Eo, sauba kara gini turupatuna tana rongona na Taovia vanigira sui kara botsamai i muri.

Linge 22:30 Referans Kwoze

Hibru 2:13

Me tsarigotoa: “Minau sauba kau noru saikesalia moa God.” Me kesa goto tana tsaqina tavosi aia e tsaria: “Iani nogo inau, kolugira na dalequ sui God e tusugira vaniau.”

1 Petero 2:9

Migamu, amu nina mamatana tinoni vivili ma nina manetabu God na Taovia Tsapakae. Mamu lia nogo na vera tabu loki, ma nina tinoni segeni nogo God. Aia e viligamu kamu gini tsarivulagigira na omea loki God e nauvanigamu kalina aia e soa rutusumiligigamu tania na totu rodo, me tudumi sagegamu tana nina marara loki segeni nogo ia.

Mateo 3:9

Ma kamu laka na gini tu moa tana asana a Abraham na mumuamui. !Inau au tsarivanigamu, laka e tau utu vania God ke oligira na vatu girani, ma kara lia na kukuana a Abraham!

Isaia 53:10

Ma na Taovia e goko me tsarivaganana iani, “Inau nogo au pede vania ke gadovi rota loki vaga ia, ma na mateana e lia ngiti kodoputsa gana na sese mateqira na sasi. Me vaga ia, ti sauba aia ke mauri oka, me ke reigira na kukuana kara botsamai i muri, mi konina nogo ia ti inau kau manaligira na omea sui au pede manogatinogoa.

Linge 102:28

Migira na dalemami igami sauba kara totu bibiu dou, migira sui na kukuamami sauba kara totu raviravi dou i vavana nimu reitutugu igoe.

Linge 87:6

Aia na Taovia sauba ke maretsuna na soaqira pipi sui lakalaka na mamatana tinoni, me ke tsaria laka igira sui na Jerusalem sui moa.

Linge 73:15

Me ti vaga inau kau tsonia na goko kaekae vaga igira ara tsonia, mi tana ma niqu sasaga ke tau nogo ulagana nina sasaga kesa nimu tinoni igoe.

Linge 24:6

Igira nogoria na vatana na tinoni vaga gira, ara dona na lalaveana God, ma na mailaba i matana nina God a Jakob.

Linge 14:5

Me sauba igira kara matagu loki ma kara gariri, rongona God aia nogo e totu kolugira igira ara rongomangana.