Linge 22:2 - Ghari

² Tana dani popono au soago igoe niqu God, migoe o tau lelê goto tugua niqu nonginongi; mi tana bongi mau tau goto mango na sosoa.

Linge 22:2 Referans Kwoze

Luka 18:7

?Megua, laka amu pada God ke tau isutuguqira nina tinoni segeni, igira ara ngangai dato vania na bongi ma na dani rongona aia ke sangagira? ?Me laka aia sauba ke tau tu tsaku me ke sangagira?

Linge 42:3

Na dani ma na bongi inau au ngangai moa, ma na kô na mataqu e lia gaqu mutsa; pipi kalina moa ara veisuaau igira gaqu gala mara tsaria, “?Laka iava e totu nimu God igoe?”

Linge 88:1

Taovia God niqu vagamauri, inau au ngangaidato vanigo tana dani popono, mi tana bongi goto minau au mailaba i matamu igoe.

2 Timoti 1:3

Au soadoua God, mau male saikesa i laona na tobaqu tana niqu aqo vaniana, vaga ara naua igira na mumuaqu i sau. Mau soadou sailaginia God kalina au padatugugo igoe tana niqu nonginongi na dani ma na bongi.

1 Tesalonika 3:10

Na dani ma na bongi ami ka nongia God tana ka tobamami popono, ti laka aia ke tami vanikagami ma kami ka reilakamui tugua kesa dani, ma kami ka kakaisigamu ti vaga igamu kamu tau vati tukakai manana moa tana nimui tutuni.

Luka 6:12

Mi tana tagu ia, ma Iesu e dato kesa tana vungavunga, me nonginongi vania God tana bongi popono.

Mateo 26:44

Ma Iesu e mololetugira tugua na tolunina kalina, me baa, me kesa moa atsa nina nonginongi.

Tangitangi 3:44

E vaga moa ti e totu kesa na parako bau matolu sosongo e utusia nimami nonginongi ke liu sage bâ i laona.

Tangitangi 3:8

Au ngangaidato vania God laka ke sangaau, maia e tau goto rongomia niqu nonginongi.

Linge 80:4

?Taovia God Susuliga Sosongo, sauba ke oka koegua sagata goto ko kore mo ko sove na rongomiana niqira nonginongi nimu tinoni?