Linge 22:16 - Ghari

¹⁶ Eo, kesa na alaala na tinoni seko tsaikore ara tupoliau; vaga moa ti na alaala popono na pai atsi ara mai sagavisai i koniqu; mara lobatia na limaqu ma na tuaqu.

Linge 22:16 Referans Kwoze

Ioane 19:37

Me kesa segeni goto tana butona na Mamare Tabu ara katea laka, “Sauba na tinoni kara tutuu ma kara bungutia aia ara baoginia na bao.”

Mateo 27:35

Mi muri, mara pogaa a Iesu tana gai ulutaligu, mara tuu, mara adia na polona, mara tsonikutsu matena tana daesi.

Sekaria 12:10

“Minau sauba kau dangaliginigira na kukuana a David, migira goto na tinoni tavosi ara totu i Jerusalem, ginia na tarunga na galuve ma na nonginongi. Igira sauba kara bungutia aia ara baomatesia, ma kara tangisia, vaga ara tangisia na mateana na daleqira aia lelê moa ngiti daleqira. Me sauba kara tangitangi loki vaga moa igira e mate na daleqira botsa ida.

Ioane 20:25

Mara tsarivania, “!Igami ami reinogoa na Taovia!” Ma Toma e tsaria, “Ti vaga inau kau tau reia na sasana na nila i limana ma kau tau moloa na kakauqu i laona, ma kau tau goto moloa na limaqu tana ovana na katsarana, e utu kau tutunina.”

Ioane 19:23

Mi murina ara poga sui a Iesu tana gai ulutaligu, migira na mane vaumate ni Roma ara adigira na polona a Iesu, mara tuvarivotagira vati turina, pipi mane e adia kesa turina. Mara adigotoa na polona sagesage, ara vosiponoa kesa moa na polo.

Marko 15:24

Mi muri, mara pogaa a Iesu tana gai ulutaligu, mara tuvarivotagira na polona, mara tsonikutsu tana daesi na mateqira na polona, rongona kara reia ti asei ke adia na polo gua.

Ioane 19:34

Me kesa vidaqira na mane vaumate e baoa na katsarana a Iesu, me rutsumai saviliu na gabu ma na koo.

Luka 23:33

Mi kalina ara maitsau tana nauna ara soaginia “Tsitsivina Lova,” mi tana ara pogaa a Iesu tana gai ulutaligu. Mara pogakaira goto ruka na tukatso kolua a Iesu, kesa tana madoana, me kesa tana maulina.

Pilipi 3:2

Kamu kana tanigira igira ara mala pai atsi, igira nogo na tinoni ara gini tuturu na paripapadana na konina tinoni.

Luka 23:23

Migira ara gugu loki babaa moa mi gotu na lioqira, laka ke mate nomoa a Iesu tana gai ulutaligu. Mi tana susuina me managaqira.

Isaia 53:5

Me tagara. E tau vaga ia. Aia e gini gadovikede me gini boka tana rongona nida sasi igita; mara ramitsia tana rongona na omea seko igita nogo a naua. Mi tana rongona nogo na rota aia e vatsangia te igita a gini dou visutugua, mi tana bokana nogo ia, igita a tsodoginia na mauri.

Linge 22:20

Ko maurisiau tania niqira isi; mo ko lauligia na mauriqu tanigira na pai atsi girani.

Linge 22:1

?Niqu God, niqu God, egua sagata kiki ti o tsonileau? Inau au ngangai savosavo bâ i konimu, ?megua ti o tau sangaau?

Ioane 20:27

Me tsarivania a Toma, “Ko moloa na kakaumu ieni, mo ko morosia na limaqu. Ke mai na limamu, mo ko molosagea tana katsaraqu. !Mo ko laka na petsakoe ko tutunina moa!”

Linge 59:6

Igira ara labavisumai tana ngulavi, mara ngunguru bamai vaga saikesa moa ti na alaala na pai i laona na verabau.

Na Katemai 22:15

Migira e tau ulagaqira na sage tana verabau ia kara totu moa i taba: igira sui ara mauri mala pai, migira ara tabatu tinoni, migira ara totu matengana na vainausekoligi ma na matesi tinoni, migira ara samasama vanigira na tidao, migira goto ara dona na pero ma na valo tinoni.

Linge 86:14

Niqu God, igira na tinoni kaekae ara tau goto kuti na mai sailagi na sekoliaqu; e kesa na alaala popono igira na vanga sekoli tinoni ara tovoa laka kara labumatesiau inau, migira ara tau goto dona kara boeginigo igoe.

Mateo 26:57

Migira ara tangolia a Iesu, mara adivanoa tana valena a Kaipas na Mane Tabu Loki, i tana ara saikolu nogo igira na tarai na Ketsa ma na tinoni loki.

Mateo 7:6

“Kamu laka na gini pala pai na omea tabu, kara tau pilovisu na pai, ma kara gati sekoligamu. Kamu laka na tsoni vaniaqira na boo gamui davi, kara tau ba tsogorigira lee.

Jeremia 12:6

Me atsa moa igira na kulamu, ma na tinoni i laona nimu vungu, migira goto ara sauligigo; mara sangâ na baginiamu igoe. Ko laka saikesa na noruaqira, atsa moa ti igira ara goko lakalaka dou kolugo.”

Linge 59:14

Igira gaqu gala ara visumai tana ngulavi, mara viri kokongo bamai vaga na pai i laona na verabau,

Linge 38:11

Migira na kulaqu ma gaqu verakolu ara sove na mai varangisiau, rongona inau au vora seko. Me atsa goto igira na kamaqu mara totuligi taniau sui.