Linge 22:12 - Ghari

¹² Ara danga sosongo gaqu gala, ara totu polipoliau vaga moa ti na alaala na buluka mane; vaga saikesa moa ti na alaala na buluka mane momosa ni Basan.

Linge 22:12 Referans Kwoze

Linge 68:30

Taovia ko tû mo ko taimataqira na Ejipt, igira na omea tuavati atsi ara mauri i laona na gaugau; ko taimataqira na puku tavosi sui, igira na alaala na buluka mane kolu daleqira, poi tsau kalina igira sui kara mai tao tsuporu i matamu ma kara tusulea vanigo niqira siliva. !Sarangasigira igira na tinoni ara padangaoa moa na nauana na vailabu loki!

Aqoaqo 4:27

“Me laba saikesa vaga nogo, kalina kaira a Herod ma Pontius Pilate ara ka labasai tana vera loki iani, kolugira na tinoni ni Israel ma na tinoni ni veratavosi goto, mara voroa gana mate a Iesu na Dalemu Tabu, aia o vili segenimu nogo ke lia na Mesia.

Mateo 27:1

Mi tana matsaraka rovorovo, migira sui na taovia na lotu ma na tinoni loki ara vorogokona na matesiana a Iesu.

Esekiel 39:18

Igira sauba kara gania na koniqira na mane vaumate, ma kara inuvia na gabuqira na mane tagao tana barangengo, vaga moa ti na velesina na sipi mane, se na dalena sipi, se na naniqoti, se na buluka mane papaquru.

Jeremia 50:11

Na Taovia e tsaria, “Igamu na tinoni ni Babilonia amu lausuinogoa pipi niqira omea niqu tinoni. Igamu amu gini magemage mamu gagavai kalina ia, vaga moa na dalena buluka e tsipu lekaleka bamai,

Isaia 34:7

Me sauba kara viri mate igira sui na tinoni ni tana kolugira goto na buluka atsi ma na buluka vavasi, ma na gabuqira ma na seregaqira sauba ke tsavu poponoa niqira kao.

Linge 7:3

Eo, igoe niqu Taovia mo niqu God, ti vaga inau au naua ke kesa na omea seko vaninogoa kesa tinoni, se ti vaga inau au tavongani keli lê vania kesa kulaqu, se au tavongani labulea kesa gaqu gala tagara sa rongona, eo, me ti vaga au naumananâ na omea vaga gira,

Linge 35:22

Eo, migoe nogo Taovia o reinogoa na omea iani. !Vaga ia, mo ko laka na totu mui Taovia; ko laka goto na totu ao taniaqu vaga sagata ia!

Linge 38:22

!Ko sangaau kalina nogo ia, rongona igoe niqu Taovia ma niqu vagamauri!

Linge 40:14

Ko utusigira igira ara tovoa laka kara labumatesiau inau mo ko naua me ke ponopala lê na tobaqira. Ko naua migira sui ara gini mage rongona inau au totu moa tana rota kara sugavisu me ke paluvangamaqira lê.

Linge 69:18

Ko mai i koniqu mo ko maurisiau; laumaurisiau tanigira gaqu gala.

Linge 70:2

Ko utusigira igira ara tovoa laka kara labumatesiau inau, mo ko naua me ke ponopala lê na tobaqira. Ko naua migira sui ara gini mage rongona inau au totu moa tana rota kara sugavisu sui me ke paluvangamaqira lê.