Linge 22:1 - Ghari

¹ ?Niqu God, niqu God, egua sagata kiki ti o tsonileau? Inau au ngangai savosavo bâ i konimu, ?megua ti o tau sangaau?

Linge 22:1 Referans Kwoze

Marko 15:34

Mi tana tolu, ma Iesu e gudato me tsaria, “?Eloi, Eloi, lama sabaktani?” Ma na rongona na goko vaga ia, “?Niqu God, niqu God, e gua ti o mololeau?”

Mateo 27:46

Mi tana varangi na tolu na aso, ma Iesu e gudato me tsaria, “?Eli, Eli, lema sabaktani?” Ma na rongona na goko vaga ia, “?Niqu God, niqu God, egua ti o mololeau?”

Hibru 5:7

Mi kalina a Iesu e mauri i barangengo, me danga kalina aia e nonginongi kakai me ngangai dato (vania) God, rongona aia segeni taingoimana ke maurisia tania na mate ti vaga aia ke ngaoa. Ma na rongona a Iesu e kukuni tania God, me molotsuna segenina i matana, te aia God e rongomiginia nina nonginongi.

Linge 22:16

Eo, kesa na alaala na tinoni seko tsaikore ara tupoliau; vaga moa ti na alaala popono na pai atsi ara mai sagavisai i koniqu; mara lobatia na limaqu ma na tuaqu.

Nina Papi A Job 3:24

Ngiti gaqu mutsa inau, na ngangai moa, me utu goto kau mololea na kukungu.

Luka 24:44

Mi muri, maia e tsarivanigira: “Igirani saikesa nogo na omea au gokogini vanigamu kalina inau au totu moa kolugamu: na omea sui ara maregira tana rongoqu nogo inau tana nina Ketsa a Moses, mi tana niqira mamare na propete, mi tana Linge Tabu goto, niqira aqo nomoa kara labatovu.”

Linge 10:1

?Rongona gua ti igoe o ba totu ao vaga sagata ia Taovia? ?Egua vaga ti o taopoi tanigami kalina e ngoligami na rota?

Hibru 13:5

Kamu laka na kiliqolo sosongo. Ke dou moa na tobamui ti nagua kamu tamanina. Rongona God e tsarinogoa, “E utu kau mololegamu. Me utu goto kau tsonilegamu.”

1 Samuel 12:22

Na Taovia e gini vatsa me vekenogoa laka e utu goto ke piloligi tanigamu, rongona tana nina padangao segeni nogo ia te aia e viligamu mamu lia nina tinoni segeni.

Linge 22:11

!Vaga ia, mo ko laka saikesa goto na vano ao taniaqu! Na omea seko ara totu varangisiau nogo me tagara goto ke kesa ke sangaau.

Linge 71:11

Ara tû mara tsarivaganana, “Kamu reia bâ ia, God e vanoligi taninogoa. Ida gita ma ka takuvia ma ka tangolia. E tagara nogo ke kesa ke laumaurisia tanigita.”

Isaia 46:13

E mai varangi nogo na dani i tana kau laumaurisigamu, me utu goto kau kisâ. Sauba kau naua me ke dou visutugua na verabau ni Jerusalem, me ke gini labamaka gaqu tangirongo ma na susuligaqu i laomui igamu na Israel.”

Linge 38:8

Inau au seko pitsu mau taquruquru saikesa nogo; e melu sosongo na tobaqu, mau gini kukungu na vatsangi savi.

Linge 37:28

rongona na Taovia e reingao sosongolia na omea e goto, me utu sosongo vania ke mololegira nina tinoni ara rongomangana dou. Aia e reitutugugira saviliu na dani ma na dani, ma na kukuaqira igira na tinoni vanga tsutsukibo sauba aia ke tsialigigira saikesa.

Linge 16:1

Au norugo igoe God ko reitutuguau. Minau kau totu ravi dou i konimu.

Luka 22:44

E ngolia tobana na rota loki sosongo, maia e nonginongi kakai goto baa, me gini maono na gabu me kukudutsuna tana kao.

Isaia 59:11

Igami ami matagu loki me ponopala sosongo na tobamami. Mami amesia laka igoe God ko laumaurisigami tanigira igira ara bingi sekoligami, mami tau goto reia ke laba sa omea.

Linge 26:9

Ko laka na matesiaqu saisai koluaqira na tinoni sasi; ko gaeau moa tania na kede e totupitugira na tinoni vanga vailabumate,

Aqo Manetabu 2:6

Ma kamu gurâ, ma kamu qetutsavua na oela i konina kalina moa kamu tû na gini savori.