Linge 21:11 - Ghari

¹¹ Igira ara nauragoa niqira gokosai, mara vorogokona laka kara labua, me utu moa ke managaqira.

Linge 21:11 Referans Kwoze

Linge 10:2

Ara kaekae sosongo nomoa igira na tinoni vanga tsutsukibo, mara rotasigira na tinoni ara tau tamanina sa omea. Ko sogotigira i laona na taviti igira segeni nogo ara aqosia.

Linge 2:1

?Rongona gua ti igira na puku tavosi sui ara vorogokona sai na kore loki? ?Egua vaga ti igira na toga ara naua niqira vorogoko tagara rongona lê?

Mateo 2:16

Mi kalina a Herod e tsodovulagia laka tugira na tinoni taovia ni longa ara tu peroa mara tu tau visumai i konina, me gini momosa loki tobana. Me tuu, me ketsaligira nina mane vaumate kara baa, ma kara labumatesigira pipi sui na baka mane i Betlehem, migira sui goto tana vera varangi. Igira sui e tuu tana ruka na ngalitupaqira me visu. A Herod e tsokoa na okana na tagu ia, vaga nogo na okana tuu kalina e rongomia tu koniqira na tinoni labana tugira laka ara tu reivaolua na veitugu.

Linge 31:13

Au rongomigira danga gaqu gala ara viri gagasa polipoliau, mau gini matagu loki sosongo. Ara vorogokona sai laka kara labumatesiau.

Mateo 2:8

Me molotugira kara tu vano i Betlehem. Me tsarivanitugira, “Kamu tu baa tugamu, ma kamu tu lalavedodoa na baka tetelo ia. Mi kalina kamu tu tsodovulagia, ma kamu tu visumai, ma kamu tu turupatuna vaniau ti inau goto kau baa ma kau sanga na tsuporu vaniana.”

Linge 83:4

Ara tû mara tsarivaganana, “Ida gita, ma ka ba toroutsania na puku ia, me ke nanga saikesa i tobaqira na tinoni na papadana na Israel.”

Linge 35:20

Ara tau goto dona kara tsonia sa goko laka; ara dona moa na botsangiana pipi vatana na goko pero kalegira na tinoni ara tobarago.

Mateo 21:46

Mi tana igira ara tovoa laka kara tangolia a Iesu. Mara mataiguniigira moa na toga, rongona igira sui ara tutunina sosongo nogo laka a Iesu aia nogo na propete manana.

Esekiel 11:2

Ma God e tsarivaniau, “Dalena tinoni igoe, na mane girani ara vorogokona na nauseko, mara saua na totosasaga e tau goto i laona na vera iani.

Linge 109:13

Migira sui na kukuana kara viri mate sui, ma na asana kara padale saikesalia igira na vatavata kara botsamai i muri.