Linge 2:2 - Ghari

² Igira na taovia tsapakae ni lao eni ara tû, mara vangarau segeniqira nogo, migira sui na tagao ara vorogokona sai na tukapusiana na Taovia, ma na tukapusiana goto na taovia tsapakae aia e vilinogoa.

Linge 2:2 Referans Kwoze

Mateo 26:59

Migira na taovia na lotu ma na Saikolu popono ara lalavea kesa na sasi ti ke tsukia a Iesu, vaga e tugua kara pedematesiginia.

Mateo 27:1

Mi tana matsaraka rovorovo, migira sui na taovia na lotu ma na tinoni loki ara vorogokona na matesiana a Iesu.

Linge 45:7

Igoe o reingaoa na omea e goto mo reisavia na omea e seko. Aia nogoria na rongona ti aia God nimu God e viliginigo igoe me ninaginigo na oela na mage liusigira sui na taovia tsapakae tavosi.

Aqoaqo 10:38

Igamu amu donagininogoa a Iesu ni Nasaret, me koegua God e vilia me dangali tovuginia na susuligana ma na Tarunga Tabu. E liu pipi tana vera, me aqo galuve vanigira na tinoni sui, me maurisigira igira e totuvigira na susuligana na tidao seko, rongona God nogo e totu i konina.

Goko Tabana 21:30

Atsa moa ti ko sasaga loki, mo ko donalevo sosongo, mo ko dona goto na morogado, me utu moa kara pelugo na omea dou sui girani ti vaga na Taovia ke tau totu tabana kolugo igoe.

Ioane 1:41

Ma Adrea e ba reia a Simone na tasina me tsarivania, “Ami tsodovulagia na Mesia.” Ma na rongona na goko “Mesia”, e vaga moa “Na Kristo”, ma na rongona na goko “Kristo” e vaga moa “Aia kesa God e vilia.”

Linge 74:23

Mo ko laka goto na rongomileana niqira gû ara naua tana tobakore igira gamu gala, niqira galaleleo sailagi ara naua igira ara tau totu tabana kolugo igoe.

Linge 48:4

Igira na taovia tsapakae sui lakalaka ara viri saikolu mai laka kara bokia na vungavunga Sion.

Linge 2:10

Kalina ia, ma kamu rongomidoua niqu goko parovata iani, igamu sui na taovia tsapakae; kamu pukudoua na sasani iani, igamu na tagao sui tana barangengo:

Ioane 3:34

Aia moa God e molomaia, aia segeni moa e dona ke gini turupatuna na goko e talumai i konina God, rongona God e dangali tovuginia nina Tarunga Tabu.

Linge 89:20

Au molokaenogoa niqu maneaqo a David aia ke lia na taovia tsapakae kalina inau au ninaginia na oela tabu.

Linge 74:18

Mo ko padatugugotoa Taovia laka igira gamu gala ara totu matengana moa na kiataginiamu lê, igira ara tau tutunimu, mara peago moa.

Binaboli 16:7

Me ke matsaraka sauba kamu morosia na mararana angaanga na Taovia. Aia e rongominogoa nimui goko korekore amu nauvania. Eo, aia nogo amu goko korekore vania me tau i kagami, rongona i kagami ami ka naua moa na omea aia e ketsaliginikagami.”

Hibru 1:9

Igoe o reingaoa na omea e goto, mo reisavia na omea e sasi. Aia nogoria na rongona te aia God, nimu God, e viligo, me tusuvanigo na magemage ma na tangisoa e loki tsapakae liusigira sui gamu duli.”

Ioane 15:23

“Asei moa ti vaga ke reisaviau inau, maia e reisavigotoa na Tamaqu.

Luka 13:31

Mi tana tagu nogo ia, visana na Parisii ara mai i konina a Iesu mara tsarivania, “Ko vanoligi tania na vera eni mo ko ba totu sa vera segeni, rongona a Herod e ngaoa na labuamu.”

Mateo 2:16

Mi kalina a Herod e tsodovulagia laka tugira na tinoni taovia ni longa ara tu peroa mara tu tau visumai i konina, me gini momosa loki tobana. Me tuu, me ketsaligira nina mane vaumate kara baa, ma kara labumatesigira pipi sui na baka mane i Betlehem, migira sui goto tana vera varangi. Igira sui e tuu tana ruka na ngalitupaqira me visu. A Herod e tsokoa na okana na tagu ia, vaga nogo na okana tuu kalina e rongomia tu koniqira na tinoni labana tugira laka ara tu reivaolua na veitugu.

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.

Linge 110:5

Na Taovia e totu nogo tana madoamu, mi kalina aia ke kore loki, me sauba ke tuliusigira igira sui na taovia tsapakae.

Aqoaqo 9:4

Maia e puka tsuna i lao, me rongomia kesa na goko e tsarivania, “!A Saul, Saul! ?Matena gua o rotasiau?”

Mateo 26:3

Mi tana tagu goto ia, migira na taovia na lotu ma na tinoni loki ara totu saisai i valena Kaipas na Mane Tabu Loki.

Linge 48:5

Mi kalina ara mailaba mara reilakana, mara novo mate; mara gini matagu loki mara tsogoligi sui.

Linge 83:6

igira nogo na tinoni ni Edom migira na Ismael; na tinoni ni Moab migira na Hagri;