Linge 2:12 - Ghari

¹² Kamu gariri ma kamu tsuporu i matana; ke tau tavongani labadato tsaku na korena, me ke tavongani novotigamu lê na mate. Eo, kara mage igira sui ara dona na ba totu raviravi i konina aia.

Linge 2:12 Referans Kwoze

Linge 40:4

Ara mage igira ara norudou mananâ na Taovia, igira ara tau pilo bâ i koniqira na titinonina na god peropero, se kara dona na sangapata koluaqira igira ara samasama vanigira.

Ioane 5:23

Na rongona e ngaoa na tinoni sui kara gini padalokiau na Dalena atsa vaga nogo ara padalokia na Tamaqu. Masei e tau padalokiau na Dalena, aia e tau goto padalokia na Tamaqu aia e molomaiau.”

Linge 84:12

!Taovia Susuliga Sosongo, ara mage manana igira ara norukakaigo igoe!

Linge 34:8

Kamu tovoa ma kamu reisegenimui laka e dou manana na Taovia. Ara mage igira ara totu raviravi i konina.

Jeremia 17:7

“Me sauba moa kau vangalaka vania na tinoni aia e vataraginia nina vainorugi i koniqu inau.

Isaia 30:18

Me atsa moa e vaga, maia na Taovia e pipitu moa gana ke galuvegamu. E vangaraua ke gaegamu rongona aia e dona na nau sailaginiana moa na omea e gotolaka. Eo, kara mage igira ara norukakaia na Taovia.

Goko Tabana 16:20

Ko puku kalavatavia na omea ara sasaniginigo, me sauba ke managamu; ko norua na Taovia me sauba ko magemage.

1 Petero 2:6

God e gini goko nogo tana rongona na vatu iani i laona na Mamare Tabu, kalina aia e tsaria, “Au vilinogoa kesa na vatu e loki sosongo na matena, mau moloa ke lia na tsutsuvatu tana tsuruna na vale ni Sion. Masei moa ti ke tutunina aia, e utu goto ke padasavi.”

Epesus 1:12

!Me vaga ia, me ulagamami igami ami ida nogo na noruana a Iesu Kristo kami tsonikaea God!

1 Taovia Tsapakae 19:18

Me sauba ke vitu lelê moa na toga na tinoni ni Israel kau mologira kara mauri, igira nogoria ara totukakai i koniqu inau, mara tau sanga na tsuporu vaniana Baal, se na domiana na titinonina.”

Roma 9:33

vaga ara marea tana Mamare Tabu mara tsaria, “Reia, au pakaa i Sion kesa na vatu, ma na vatu iani sauba ke tubulaginigira na toga, mi tana vatu nogo iani kara katsulagi ma kara puka. Masei moa ti ke tutunina aia, e utu goto ke padasavi.”

Linge 2:5

Mi muri maia e tû, me parovatavigira tana korena loki, me molo matagu loki sosongo vanigira tana nina momosa.

Linge 1:6

Na Taovia aia e mataligira me reitutugugira igira e gotolaka niqira sasaga, migira na tinoni seko ara muria moa na sautu e kalea na mate saliu.

1 Samuel 10:1

Mi muri, ma Samuel e adia kesa na tosu na oela na olive i laona me qetu bâ i lovana a Saul, me domia me tsarivania, “Na Taovia e ninaginigo na oela iani na papadana igoe ko taovia tsapakae vanigira na tinoni ni Israel. Migoe sauba ko tagaovigira nina tinoni, mo ko laumaurisigira tania na limaqira gaqira gala. Iani nogo ke ngiti papadana vanigo laka na Taovia nogo e viligo ko tagaovigira nina tinoni:

Hosea 13:2

Igira ara sasi babâ moa tana aqosiginiana na siliva na titinonina na god peropero gana na samasama vaniana, ma na god peropero gira, na tinoni nogo ara botsangigira moa tana niqira papada segeni, mara aqosiginigira na limaqira. Mi muri, mara tû, mara tsaria, “Ida ma ka ba savori-kodoputsa vanigira!” !Migira na tinoni ara ba domigira na titinonina na god peropero tana rereina na buluka!

Linge 2:7

Me goko aia na taovia tsapakae ia, me tsaria, “Inau sauba kau katevulagigira na omea sui aia na Taovia e tsarinogoa vaniau. Aia e tsarivaganana vaniau, ‘Igoe nogo na dalequ; mi dani eni nogo inau au lia na tamamu.

Roma 10:11

Ara marea tana Mamare Tabu, “Asei moa ti ke tutunina sauba e utu goto ke padasavi.”

Ioane 14:6

Ma Iesu e tsarivania a Toma, “Inau nogo na sautu, ma na manana, ma na mauri. Tau tangomana ke kesa ke balaba i konina na Tamaqu ti ke tau liu talu i koniqu inau.”

1 Petero 1:21

Na vuana nogo nina aqo aia, ti igamu amu gini tutunina God, aia e maurisivisua a Iesu Kristo tania na mate, me molokaea tana mararana loki i baragata. Aia nogoria na rongona ti nimui tutuni ma nimui amesia ara ka gini bulubete kalavata i konina God.

Tuturigana 41:40

Inau sauba kau mologo igoe ko reitutugu kaputia na veraqu popono, migira sui niqu tinoni sauba kara muria na omea igoe ko ketsaligira. Ma gamu susuliga igoe sauba ko rukanina i koniqu inau.

Linge 31:20

Igoe o molopoigira dou tana nauna raviravi dou i konimu igoe, tania niqira vorogoko sai na tinoni. Mo mologira kesa tana nauna raravi dou, popoi tania niqira gokotsiri gaqira gala.

Linge 34:9

Kukuni tania na Taovia igamu sui lakalaka nina tinoni, rongona igira sui ara kukuni tania aia ara tamanina na omea sui ara kilia.

Linge 109:20

!Taovia aia nogo ko kedegira vaganana igira gaqu gala, igira ara tsonia na gokoseko sosongo kaleau inau!

Sepania 2:2

idavia na Taovia ke tsialigigamu vaga moa na rau makede e lovosaginia na guguri, me idavigotoa ke poda nina momosatoba loki na Taovia, me ke suilavaginigamu vaga moa kalina na lake e iruvisuia na buruburu makede.