Linge 2:1 - Ghari

¹ ?Rongona gua ti igira na puku tavosi sui ara vorogokona sai na kore loki? ?Egua vaga ti igira na toga ara naua niqira vorogoko tagara rongona lê?

Linge 2:1 Referans Kwoze

Na Katemai 17:14

Mi tugira sauba kara tu gini vailabugi kolua na Dalena Sipi. Maia na Dalena Sipi kolugira nina tinoni segeni, igira aia e viligira sui nogo, me kolugira goto igira ara muridoua nina goko, sauba kara sugutitugira na sangavulu na taovia tsapakae, rongona na Dalena Sipi aia nogo e Taovia Loki vanigira na taovia loki sui, me Taovia Tsapakae vanigira goto na taovia tsapakae sui.”

Linge 46:6

Migira na puku tavosi ara viri matagu loki sosongo, ma na veraqira igira na taovia tsapakae sui ara viri taveo popono. Nina goko God e poda loki, ma na barangengo popono e nangaligi lê.

Linge 21:11

Igira ara nauragoa niqira gokosai, mara vorogokona laka kara labua, me utu moa ke managaqira.

Mateo 21:38

Mi kalina igira na reitutugu uta ara reia baa na dalena segeni nogo na tamanina na uta e maimai, migira ara vaigokovigi segeniqira mara tsaria, ‘!Ida gita, ma ka labumatesia, ma ka tamanina igita nina omea sui!’

Isaia 8:9

!Kamu rorongo igamu na puku sui amu totu tana vera ao! !Kamu vangarauragoa na sai alaala na vano tana vailabu! Sauba nomoa kamu tavongani matagu me ke puka lê gamui susuliga.

Linge 18:42

Inau au tsogori rapasigira, migira ara rapa vaga saikesa ti na papasa lê na guguri e uvisalagira bamai lê. Au tsogorigira lê vaga moa ti na boko tana sautu.

Aqoaqo 5:33

Kalina igira sui tana Saikolu ara rongomia na goko vaga ia, mara gini kore loki sosongo goto baa, mara ngaoa kara labumatesigira na apostolo.

Luka 18:32

Sauba kara sauligiau i limaqira na tinoni ponotoba. Migira sauba kara gilugaqu, ma kara tsiriau ma kara tsuveliau.

Aqoaqo 16:22

Migira sui na toga ara patagana na lumukaqira a Paulo ma Silas. Mara tuu igira na mane taovia, mara ratsia ka poloqira kaira a Paulo ma Silas, mara raigira kara ramitsikaira.

Luka 22:5

Migira ara gini mage sosongo, mara vekea kara sauvania na vovolina tana qolo.

Linge 46:7

Aia na Taovia Susuliga Sosongo e totu i konida igita. Nina God a Jakob aia nogo e ravisigita.

Linge 57:9

Sauba kau soadougo igoe Taovia i laoqira na puku tavosi sui. Sauba kau tsonikaego i laoqira na tinoni toga.

Linge 74:23

Mo ko laka goto na rongomileana niqira gû ara naua tana tobakore igira gamu gala, niqira galaleleo sailagi ara naua igira ara tau totu tabana kolugo igoe.

Linge 83:3

Ara naudodoa moa niqira vorogoko tana rongona na sekoliaqira nimu tinoni igoe; ara vorogokona sai na sekoliaqira igira igoe o retutugugira.