Linge 19:8 - Ghari

⁸ Igira nina ketsa na Taovia ara goto sui, mara gini magemage igira ara muridougira. Nina ketsa sui na Taovia ara maka saikesa, mara mararasia na papadana na tinoni.

Linge 19:8 Referans Kwoze

Linge 12:6

Nina veke sui na Taovia ara mana saviliu. Ara vaga moa na siliva ara kukia vitu kalina tana lake romaroma me male.

Linge 119:105

Nimu tsaqina goko igoe e vaga moa na laeti e ida vaniau, ma na marara e sausautu vaniau.

Jeremia 15:16

Igoe o goko vaniau, minau au rongomi vatavia pipi sui nimu tsaqina goko. Inau nimu tamani nogo igoe Taovia God Susuliga Sosongo, me gini mage sosongo tobaqu na rongomiana nimu goko.

Goko Tabana 30:5

“God e manalia pipi sui na veke aia e naugira. Me dilagira na tinoni ara ba toturavi i konina, vaga nogo na tako e dilâ na mane vaomate tana tagu na vailabu.

Linge 119:128

Aia nogoria na rongona ti inau au muridougira pipi sui nimu totosasaga, mau reisavigira pipi sui na sautu sasi.

Goko Tabana 2:6

Aia nogo na Taovia e saua na sasaga loki; mi konina segeni moa ia e talumai na donalevo ma na padagado.

Linge 119:92

Ti vaga nimu ketsa igoe ke tau nogo lia na pukuna niqu magemage, me tau utu ti kau gini mate nogo na rota loki ara gadoviau.

Linge 119:80

Ko sangaau ma kau muridougira saikesa nimu ketsa, ma kau tau paluvangamaqu lê.

Goko Tabana 6:23

Ka niqira totosasaga kaira ara vaga na sulu e mararasia na sautu vanigo. Ma ka niqira goko parovata ara ka sasaniginigo na sasaga ko muria tana maurimu.

Roma 7:22

Mi laona saikesa na tobaqu au padangao sosongolia baa na Ketsa e talumai konina God.

Galatia 2:19

“Tana omea e kalea na Ketsa, au mate taninogoa inau, na Ketsa segenina nogo e matesiau rongona inau kau gini mauri vania God segeni moa. Au mate patakolunogoa a Iesu Kristo tana nina gai ulutaligu.

Roma 3:20

Tau tana rongona moa laka na tinoni ke muria moa na omea e ketsalia na Ketsa me ke gini totugoto nogo i matana God. Na Ketsa e totu gana moa ti pipi tinoni ke reigadoviginia laka aia segenina nogo e tsukia na sasi vaga e vali tana Ketsa.

Roma 7:7

?Megua? ?Laka e dou vanigita ka tsaria laka e sasi na Ketsa? !E utu saikesa! E tau sasi na Ketsa. Ma na Ketsa nogoria te inau au donaginia nagua na sasi. E utu kau donaginia laka e seko na ngaoana niqira omea na tinoni tavosi ti vaga na Ketsa ke tau tongoa, “Niqira omea na tinoni tavosi, ko laka na ngaoana.”

Linge 119:16

Au reingao sosongoligira nimu ketsa; me utu goto kau padalegira.

Linge 119:14

E laoqu sosongo nomoa na muriana nimu ketsa, liusia bâ na tamani omea levo danga.

Esekiel 36:27

Ma kau moloa niqu Tarunga i laomui, ma kau naua migamu sauba kamu muridougira tugua niqu vali, ma kamu taoni mananâ pipi sui niqu ketsa au saugira nogo vanigamu.

Linge 119:171

Sauba kau tsonikaego sailagi, rongona igoe o sasaniginiau nimu ketsa.

Linge 119:143

E ngoliau na rota ma na padasavi, migira moa nimu ketsa igoe te e gini magemage na tobaqu.

Linge 119:130

Na nusirongona nimu sasani igoe e dona ke mararasigira, me ke tusua na sasaga loki vanigira igira ara tau sasaga katsi.

Linge 119:121

!Inau au naua moa na omea e goto me dou; migoe ko laka na mololeaqu i limaqira gaqu gala!

Linge 119:40

Au ngao mananâ kau muridougira nimu ketsa; mi tana nimu gotolaka igoe ko vaolusia na mauriqu.

Linge 119:12

Taovia inau au tsonikaego; migoe ko sasaniau nimu sautu.

Linge 105:45

Aia e nauvanigira vaga ia ti igira nina tinoni kara gini muridougira pipi sui nina ketsa ma nina vali. !Tsonikaea na Taovia!

Linge 40:8

!Niqu God, au gini mage manana na nauana na omea igoe o kilia! Mau tangoligira kakai nimu ketsa tana tobaqu popono.”

Linge 13:3

Ko moromai i koniqu Taovia niqu God, mo ko rongomia niqu nonginongi. Ko turuvaginivisua na susuligaqu, rongona kau tau mate lê.

Binaboli 18:16

Mi kalina ti vaga ara ka ruka ara ka vaiganigi, mi kaira ara ka mai i koniqu, minau au votagoko vanikaira, mau vuresi vanikaira nina ketsa ma nina vali God.”

Tuturigana 26:5

Eo, sauba kau vangalaka vanigo igoe, tana rongona nogo a Abraham e rongomangaqu inau me murigira pipi sui niqu vali ma niqu ketsa.”

Galatia 3:21

?Egua, amu pada laka nina Ketsa God e dona ke tukapusia na veke God e nau idanogoa? !Tagara saikesa! Matena ti vaga ke totu nogo ke kesa na ketsa ke dona nogo na tusu mauri saliu vanigira na tinoni, mi tana muriana nogo na ketsa ia ti sauba igira na tinoni sui kara gini tangomana na totugoto i matana God. Me tau vaga ia.

Isaia 64:5

Igoe o soalakagira igira ara gini mage na nauana na omea e goto i matamu, mara muridoua na sautu i tana o ngaoa kara liu bâ. Igoe o kore vanigami, migami ami tau goto olia nimami sasaga mami sasi babâ moa. Me atsa moa ti o kore loki vaga ia, migami e tu mai nogo i sau ami totu matengana moa na tsaitsaiamu.

Linge 119:54

Tana mauriqu kurikuri ni lao eni, inau au teagira na linge tana rongoqira nimu ketsa.

Linge 119:24

Au gini mage sosongo na rongomiana nimu totosasaga igoe, igira nogo ara sauparovata vaniau.

Nehemia 9:13

Mi tana Vungavunga Sinai igoe o tsunamai talu i baragata, mo goko vanigira nimu tinoni, mo sauvanigira na ketsa dou ma na parovata laka.

Nehemia 8:12

Bâ, mi tana igira sui ara visutugua i veraqira, mara magemage, mara mutsa mara inu, mara votagira na omea ara tamanina vanigira na kulaqira tavosi, rongona ara padagadovidoua na omea ara tsokonogoa vanigira.

Na Vaolusi Ketsa 16:14

Ma kamu magemage kolugira na dalemui, migira nimui maneaqo, ma na Levite, ma na tinoni ni veratavosi, ma na baka tinamate, ma na daki tinamate, ara tototu i laona na veramui.

Na Vaolusi Ketsa 16:11

Kamu magemage i matana na Taovia kolugira na dalemui, nimui maneaqo, ma na Levite, migira goto na tinoni ni veratavosi, ma na baka tinamate, ma na daki tinamate ara totu i laona na veramui. Kamu naua na omea iani tana kesa moa nauna na Taovia e balonogoa gana na samasama vaniana.

2 Taovia Tsapakae 17:37

Ma kamu muridougira sui pipi niqu ketsa ma niqu vali inau au maretsunagira nogo vanigamu. Kamu laka saikesa na samasama vaniaqira na god tavosi,

Linge 93:5

Taovia, nimu ketsa ara totu saviliu, ma nimu Vale Tabu igoe e tabu loki sosongo, na dani ma na dani.

Linge 111:7

Aia e gotolaka me mana saviliu tana omea sui e aqosigira. Migira sui pipi nina ketsa e ulagada sosongo igita ka norugira.