Linge 19:13 - Ghari

¹³ Ko maurisiau tanigira goto igira niqu sasi au tamia manana na nauana. Mo ko laka na tamivaniaqira kara tagaoviau goto. Mi tana nogo ti ke gini gotolaka niqu sasaga, ma kau totu tanusi tania na sekona na sasi.

Linge 19:13 Referans Kwoze

Linge 119:133

Ko sangaau vaga igoe o vekenogoa ma kau tau puka lê, ko laka na tamivaniana na kilinauseko ke tagaoviau.

Aqoaqo 24:16

Aia nogo na rongona au gini tovokakaia pipi kalina laka ke dou niqu sasaga i matana God, mi mataqira goto na tinoni.

1 Samuel 25:39

Mi kalina a David e rongomia laka e mate nogo a Nabal maia e tsaria, “!Tsonikaea na Taovia! Aia e tangotuguqu nogo i konina a Nabal rongona aia e goko peapea vaniau inau, maia na Taovia e tangolivisua na limana nina maneaqo ke tau naua sa omea seko. Na Taovia nogo e kedea a Nabal tana rongona nina sasi.” Mi muri ma David e mologoko vania ko Abigail laka e ngaoa ke taugâ.

Linge 7:10

God aia nogo e reitutuguau; maia e maurisigira igira e goto na tobaqira.

Linge 84:11

Na Taovia aia nogo nida reitutugu, ma nida taovia tsapakae loki bâ, aia nogo e vangalaka vanigita me padalokigita. Me tau goto dona ke tongoa kesa na omea dou vanigira igira ara naua na omea e goto i matana.

Tuturigana 20:6

Ma God e gokovisu vania tana bolebole me tsaria, “Eo, inau au donagininogoa laka igoe o naua na omea iani tana tobamale; aia nogo na rongona ti inau au gini tau tamivanigo ko maturu kolua rongona igoe ko tau sasi i mataqu.

2 Petero 2:10

Putsi baa igira ara totu matengana na muriana na kilinauseko e totu sailagi i tobaqira, mara gini tau kuti na peana na mangana God niqira Taovia. Migira na tarai peropero girani, ara kaekae sosongo mara padaloki segeniqira moa. Ara tau goto kukuni tanigira na angelo ni gotu, mara koetsiri gaqira moa.

Linge 18:23

Maia e donagininogoa laka inau au tau tsukia sa sasi, mau parovatavi segeniqu kau tau naua sa omea e seko.

Linge 11:7

Na Taovia aia e gotolaka me reingaoa na omea e dou me goto; migira ara naudou vaganana ia sauba kara totu sailagi i matana aia.

Binaboli 21:14

Mi kalina ti vaga kesa tinoni ke kore me ke pada mananâ i tobana na labumatesiana kesa tinoni, nimui aqo kamu labumatesigotoa aia, atsa moa ti aia ke tsogovano tana niqu belatabu gana ke gini toturavi.

Aqo Manetabu 4:2

“Ko bâ mo ko tsarivanigira na toga ni Israel laka ti vaga ke kesa ke tavongani tsukia sa sasi, se ke gini kutsia sa vidaqira nina ketsa na Taovia kalina aia e tau pada mananâ na nauana, ma nina aqo ke murigira na vovorona na ketsa vaga girani.

Aqo Manetabu 4:13

“Me ti vaga igira na toga popono ni Israel kara tavongani tsukia sa sasi mara gini kutsia kesa nina ketsa na Taovia kalina ara tau pada mananâ na nauana,

Aqo Manetabu 4:22

“Me ti vaga ia ke kesa na mane tagao ke tavongani tsukia sa sasi me ke gini kutsia kesa nina ketsa na Taovia, maia e tau pada mananâ na nauana,

Aqo Manetabu 4:27

“Me ti vaga ke kesa tinoni lê moa ke tavongani tsukia sa sasi me ke gini kutsia kesa nina ketsa na Taovia kalina aia ke tau pada mananâ na nauana,

Nina Papi A Job 34:32

?Me laka o nonginogoa God ke tusuvulagi vanigo na omea seko o naugira, mo tami manana i tobamu na mololeana?