Linge 18:9 - Ghari

⁹ E ratsi ovatia na masaoka me tsunamai, kolu parako bau i vavana tuana.

Linge 18:9 Referans Kwoze

Na Vaolusi Ketsa 33:26

Mi murina nina nonginongi ma Moses e tsarigotoa, “Tinoni ni Israel, e tagara goto sa god ke vaga nimui God, aia e sage tana mararana loki i gotu tana masaoka me liu i laona na parako gana ke mai sangagamu.

Na Katemai 20:11

Mi muri, mau reigotoa kesa na sasana na totukae, e loki me sere, ma na tamanina e totu kaekae i konina. Mi kalina kaira sui na barangengo ma na baragata ara morosi vaganana ia, mara ka mataguni sosongolia, mara ka tsogoligi tania, mara ka ba nanga lee saikesa.

2 Petero 3:10

Nina Dani na Taovia sauba ke tavongani labamai vaga saikesa nogo ti na mane komi. Mi tana Dani ia na baragata sauba ke nangaligi tana leleo loki ma na kabakutu. Migira na omea sui tana masaoka kara iru tana lake, ma kara nangaligi saikesa. Ma na barangengo me pipi sui na vangana i laona kara tavongani nanga lee sui.

Hibru 12:26

Kalina God e goko i sau, ma nina goko e kasilia na barangengo popono. Mi kalina eni aia e vekea me tsaria, “Sauba ke kesa goto kalina kau kasilia, me tau na barangengo moa, na baragata goto.”

Ioane 13:7

Ma Iesu e tsarivania, “Igoe o tau padagadovia kalina eni na omea inau au naua vanigo, me sauba moa ti ko padagadovia.”

Marko 15:33

Mi tana niaso vota, ma na rodo e tsavua na vera popono, me tsau tana tolu kiloko.

Mateo 24:29

“Me ke tau moa oka i murina na dani seko loki vaga ia, me sauba ke rodo na aso, me ke tau goto maka na vula, ma kara puka na veitugu talu i gotu. Ma na omea susuliga sui ni gotu sauba kara pitsa tania na sasaqira.

Joel 3:16

Na Taovia e totu i Jerusalem tana Vungavunga Sion, me maququ nina goko, me poda loki vaga moa na quluqulu, mara ka gini gariri na barangengo ma na masaoka. Maia na Taovia sauba nomoa ke dilagira nina tinoni segeni.

2 Samuel 22:10

E ratsivotâ na masaoka me tsunamai, kolu parako bau i vavana na tuana.

Isaia 51:6

Kamu morodato tana masaoka; ma kamu morosigotoa na barangengo. Na masaoka sauba ke nangaligi lê vaga moa na pungu, ma na barangengo sauba ke tapuripuri lê vaga moa na polo ngutanguta, migira sui na tinonina sauba kara viri mate vaga moa na lango. Minau moa e utu ke sui niqu aqo na laumaurisi tinoni, niqu tangomana sauba ke totu saviliu.

Linge 68:4

Linge vania God, lingena na tsonikaeana na asana; vangaraua na sautu vania aia e totukae i kelana na parako. !Na Taovia nogo na asana, migamu kamu gini mage na tû i matana!

Binaboli 19:18

Ma na pungu loki e tsavu poponoa na Vungavunga Sinai, rongona na Taovia e tsunamai i kelana tana rereina na lake. Ma na pungu ia e vulosudato vaga moa na punguna kesa na biti loki, me kakasisi na vungavunga popono.

Linge 50:3

Nida God e maimai, me tau mai muimui lê; na lake loki e liu i matana, ma na legai loki e totu polipolia.

Linge 97:3

Na lake iruiru e idaida vania, me iruvigira sui gana gala ara totu polipolia aia.

Isaia 66:15

Sauba kamu reia na Taovia ke mai kolua na lake, me ke sagekaea tana nina terê, me ke mai tsaku vaga moa na gugurina na tulonga loki na kedeaqira igira aia e kore vanigira.