Linge 18:7 - Ghari

⁷ Mi tana, ma na barangengo e kakanu loki me olaola takuti. Ma na pukuqira na masaoka ara viri kakasisi, rongona nogo God e kore loki sosongo.

Linge 18:7 Referans Kwoze

Aqoaqo 4:31

Mi kalina ara nonginongi sui vaga ia, me kasisi popono na nauna tana ara totusai. Me dangaliginigira na Tarunga Tabu, mara gini malagai na rasavaginiana bamai nina Turupatu Dou na Taovia.

Mateo 28:2

Mi kalina ara ka ba tsau tana, me tavongani kasi loki na vuluge. Me kesa nina angelo na Taovia e tsunamai talu i gotu, me keliligia na vatu, me totukae i konina.

Jeremia 4:24

Mau morosigira na vungavunga, mara viri aligiri sui, migira na tetena ara viri olaola kagi.

Tinoni Pede 5:4

Taovia, kalina igoe o mololea na vungavunga i Seir, mi kalina igoe o rutsuligi tania na butona na kao i Edom, ma na barangengo e kasisi popono, ma na usa loki e tumutsuna mai talu tana masaoka. Eo, na usa loki e taqetu tsuna talu tana parako.

Na Vaolusi Ketsa 32:22

Na korequ sauba ke irudato vaga na lake me ke iruvigira pipi sui na omea tana barangengo. Me ke tsau bâ tana barangengo na mate me ke ganigira na lamuqira na vungavunga.

1 Korint 13:2

Ti vaga kau tamanina na vangalaka na gini goko na gokona God; ma kau donaginigira na omea levo sui, ma kau dona na padagadoviaqira na omea popoi sui; ma kau tamanina na tutuni ke tugua kau goko vanigira na vungavunga ma kara ratsuligi, ma ti kau tau tamanina na galuve, mi tana inau au tagara lee saikesa.

Sekaria 14:4

Mi tana tagu ia, maia sauba ke tukae i kelana na Vungavunga Olive tana Jerusalem tabana i longa. Mi tana ti na Vungavunga Olive ke tavota ruka tû i longa me tsau i tasi, me kesa na qou sauba ke totu i ka levugaqira. Me kesa turina na vungavunga ia sauba ke ratsu tave, ma na turina ke ratsu tada.

Habakuk 3:10

Mi kalina igira na vungavunga ara morosigo igoe, mara viri kanukanu takuti, ma na kô e taqetu tsunamai tû tana parako i gotu. Mara poda na panuna na kema, me viri pusuragi dato i gotu.

Habakuk 3:6

Mi kalina aia e ba tu dodo, me oloolo takuti na barangengo; mi kalina e moro bâ i koniqira na tinoni, migira na puku sui ara gagariri tana matagu. Migira na vungavunga saliu ara viri tatsora tsuna i lao, migira na tetena i tana nogo aia e liu bâ tana tagu putsi, ara viri luvutsuna lê.

Linge 46:2

Vaga ia, me sauba e utu goto igita ka matagu, atsa moa ti vaga na barangengo ke kasisi popono, ma na vungavunga kara luvu takuti i laona na mao rodo.

Linge 34:16

me tukapusigira igira ara naua na omea e seko, rongona kalina ti kara mate, ma kara padalegira tsaku.

Linge 34:18

Na Taovia e totu varangisigira igira e ponopala na tobaqira; me maurisigira igira ara padâ laka e utu vanigira nogo kara lia sa omea.

Linge 39:13

Ko mololeau ma kau totu segeniqu rongona kau gini tamanina na tagu tana kau totu magemage idavia kau mate ma kau tagara nogo inau.

Linge 40:2

Me tû me raqadatoau tania na qiluna na mate, me tanigotoa na bilolona na kao. E molokaea na tuaqu tana vatu mau tsotso tana kakaina.