Linge 18:43 - Ghari

⁴³ Igoe o maurisiau tania na limaqira na tinoni vanga livusuguradi, mo molokaeau mau gini tagaovi kaputigira na puku danga. Migira na tinoni inau au tau vati donaginigira moa, igira goto ara lia sui moa niqu tinoni inau.

Linge 18:43 Referans Kwoze

Isaia 55:5

Mi kalina ia, igamu sauba kamu soamaigira na puku tavosi, igira ara tau moa vati donaginigamu, migira sauba kara ulo tsakumai i konimui gana kara sangagamu. Inau na Taovia nimui God, na God tabu ni Israel, sauba kau naua ma kara laba na omea sui girani. Eo, sauba kau naua ma kara gini padalokigamu ma kara tsonikaegamu igira na tinoni tavosi.”

2 Samuel 3:1

Ma na vailabugi e babâ oka sosongo i ka levugaqira na alaala na mane vaumate ara sanga tabana tana vungu konina a Saul, migira ara sanga tabana konina a David. Ma David e susuliga babâ moa, migira ara sanga tabana tana vungu konina a Saul ara maluku babâ.

2 Samuel 19:9

Mi laona na Israel popono ara tuturiga na gini vaigokovigi i laoqira segeni mara tsaria, “Aia nogo a David na taovia tsapakae e maurisigita tanigira gada gala, me laumaurisigita tania na limaqira na Pilistia, mi kalina ia maia e tsogo tania a Absalom me mololea na verada.

1 Petero 2:10

Tana tagu putsi ni sau, igamu amu tau vati lia moa nina tinoni God. Mi kalina eni amu lia nogo nina tinoni God. Tana tagu putsi ni sau, igamu amu tau goto vati donaginia moa nina galuve God vanigamu. Mi kalina moa eni, ti amu vasini tsodovulagia nina galuve loki God vanigamu.

Epesus 1:22

God e mologira na omea sui i limana aia, me molokaea ke Taovia Loki tana saikolu na tinoni tutuni, kaputigira pipi sui na omea.

Isaia 52:15

bâ, mi kalina ia, migira na puku danga sauba kara gini novo loki tana rongona aia, migira goto na taovia tsapakae sauba kara gini beke loki me ke gini utu vanigira na tsariana sa omea, rongona sauba kara morosia na omea ara tau vati rongomia sa gokona, ma kara padagadovia na omea ara tau donaginia i sau.”

Na Katemai 11:15

Mi muri, ma na vitunina na angelo e uvia nina tavuli. Mau rongomia na tatangina na goko dangadanga i baragata ara viri guu mara tsaria, “!Kalina nogo ia, kaira God ma na Dalena, aia nogo na Mesia, ara ka tagaovi kaputigira na vera sui tana barangengo popono, me sauba aia nogo ke tagao pukuga na dani ma na dani!”

Roma 16:26

Baa, mi kalina eni, na manana ia e labamai i malena ginia niqira mamare na propete, mi tana nina pede nogo na God saliu te e gini tavosa bamai nogo na turupatuna vanigira na tinoni sui pipi tana vera, ti igira sui kara gini tutunina ma kara rongomangana.

Roma 15:18

Me sauba kau malagai ma kau gini gokokae saikesa moa tana rongona na omea a Iesu Kristo e nauginiau, me gini sangavia na sautu vanigira na tinoni ni veratavosi kara rongomangana God. Aia e gini aqo niqu goko ma niqu aqo au naugira,

Roma 15:12

Ma Isaia e maregotoa na goko vaga iani, “Sauba ke labamai kesa na kukuana a Jese; maia ke tudato, me ke tagaovigira na tinoni ni veratavosi, mi konina nogo aia sauba igira sui kara vataraginia niqira amesi.”

Aqoaqo 5:31

God e adikaea tana madoana, me moloa ke Taovia me ke vagamaurisigita, me ke sauvanigira na tinoni ni Israel na sasaga gana kara pilotoba, ma kara gini tanusi niqira sasi.

Hosea 1:10

Migira na tinoni ni Israel sauba nomoa kara danga vaga na one i tasi, me ke utu na tsokoraeaqira se na tovoaqira. Mi kalina eni God e tsarivanigira “Igamu amu tau niqu tinoni inau.” Eo, me maimai nogo na dani i tana aia sauba ke tsarivanigira, “Igamu na dalena na God mamauri!”

Isaia 49:6

Ma na Taovia e tsarivaniau, “Eo, igoe niqu mane aqo, sauba rago ko adikaetugua gaqira tangirongo na tinoni ni Israel, igira ara matepitsa tana vailabu, ma kara lia tugua na puku loki. Bâ, mi kalina ia, inau au ngaoa kau moloa kesa goto na aqo vanigo, me ke loki goto bâ. Minau sauba kau naua migoe ko lia vaga na marara loki ke mararasigira na puku sui, rongona kara gini mauri na tinoni sui lakalaka tana barangengo popono.”

Linge 108:9

Mi Moab ke lia niqu popo na vulivuli, mi tana Edom sauba kau tsonidatoa gaqu porotua, na papadana laka inau nogo au tamanina i tana. Me sauba kau gudato tana magemage rongona e managaqu tana vailabugi kolugira na Pilistia.”