Linge 18:13 - Ghari

¹³ Mi tana, ma na gokona na Taovia aia e totu tana parako, e poda loki vaga na vivisa; mara rongomia na tangina na liona aia e God Susuliga Sosongo.

Linge 18:13 Referans Kwoze

Linge 104:7

Mi kalina igoe o railigigira na ko loki, migira ara tsogo, ara viri tsogoligi tsaku kalina ara rongomigo igoe o soalaginia vanigira nimu ketsa.

1 Samuel 7:10

Mi kalina a Samuel e savoria moa na kodoputsa ia, migira na Pilistia ara alamai ginigira. Mi tana tagu tsotsodo nogo ia, ma na gokona na Taovia e poda loki tû i gotu i baragata me utusigira. Mara gini matagu loki sosongo mara tavongani taposasa bamai lê mara viri tsogo saranga.

Linge 140:10

Ko naua ma na vatu romaroma ke puka bâ i koniqira; ma kara tsonitsunagira i laona na qilu loki ma kara tau lelê goto rutsu tania.

Na Katemai 19:6

Mi muri, mau rongomia kesa na omea e maququ vaga kalina ara gogoko kesa na alaala loki, ma na tatangina e qulututu vaga na alealena na sasavu na ko loki, me vaga na podana na vivisa. Mau rongomigira ara tsaria, “!Ka tsonikaea God! !Rongona na Taovia nida God Susuliga, aia segenina nogo e Taovia Tsapakae!

Na Katemai 8:5

Mi muri, ma na angelo e aditugua na tseu gana na mani kodoana na bulunagai uruuru, me dangaliginia na madaovana gagaa na lake e talu tana belatabu. Me tuu, me tsonitsuna baa tana barangengo. Mi tana tagu tsotsodo nogo ia, me kirapi me poda loki na vivisa, me anga, me kasi loki na vuluge.

Na Katemai 4:5

Me kirapimai na angaanga, talu tana nina sasana na totukae na Taovia, me poda na vivisa. Mi matana nina sasana na totukae na Taovia ara tu iru maka sosongo vitu na sulu, mi tugira nogoria tu vitu nina tarunga na Taovia God.

Ioane 12:29

Ma na toga ara totu tana ara sanga na rongomiana na tangina na goko ia. Mara visana vidaqira ara pada laka e poda na quluqulu. Mara visana ara tsaria, “!Tau na angelo ngatsu ke goko vania!”

Habakuk 3:5

Aia e moloa na lobogu loki ke idavia me ketsalia na rota seko loki ke tsatsari murina.

Esekiel 10:5

Ma na tatangina tu rapoqira na angelo tugira, ara rongomigotoa tana pakoka i tano. Me tangi vaga moa na liona God Susuliga Sosongo.

Linge 78:48

Ma na kolina na usa kakai e matesiginigotoa niqira buluka, ma na angaanga e matesiginia niqira sipi.

Nina Papi A Job 40:9

?Me laka igoe o susuliga atsa koluau inau? ?Me laka na tatangina na liomu e dona ke poda loki vaga na lioqu inau?

Na Vaolusi Ketsa 32:24

Migira sauba kara gini mate na vitoa ma na masagi; ma na lobogu seko loki sosongo. Me sauba kau molomaigira na omea tuavati atsi kara ganigira, ma na muata vogata kara gatigira.

Binaboli 20:18

Mi kalina igira na toga ara rongomia e poda na vivisa, me tangi loki na tavuli, mara reia na kirapina na angaanga, ma na pungu e vulosudato tana vungavunga, migira ara viri matagu loki mara gagariri mara tutû ao moa.

Binaboli 9:24

me gini tumutsunamai na kolina na usa kakai, kolua na kirapina na angaanga e vavano me vivisu. Aia e kesa na legai loki seko sosongo bâ vaga ara tau goto vati reia ke gado tana Ejipt tû tana tuturigana na barangengo me tsau mai i dani eni.

Josua 10:11

Mi kalina igira na Amor ara tsogo taoni tetena tanigira na mane vaumate ni Israel, ma na Taovia e rasavaginitsunâ na kolina na usa kakai vaga na vatu loki i koniqira poi ara ba tsau i Aseka. Mara danga bâ ara gini mate na kolina na usa kakai ia liusigira igira na Israel ara labumatesigira.

Linge 11:6

Maia nogoria te aia e naua me gini tumu tsunamai na madaova gagâ ma na papasa mila iruiru i koniqira na tinoni vanga tsutsukibo; me kedeginigira na guguri papara.