Linge 18:12 - Ghari

¹² Ma na kolina na usa kakai vaga na vatu ma na lapina na lake ara talumai i laona na angaanga e ida vania, mara tsulu tsapatugu tana parako bau.

Linge 18:12 Referans Kwoze

Josua 10:11

Mi kalina igira na Amor ara tsogo taoni tetena tanigira na mane vaumate ni Israel, ma na Taovia e rasavaginitsunâ na kolina na usa kakai vaga na vatu loki i koniqira poi ara ba tsau i Aseka. Mara danga bâ ara gini mate na kolina na usa kakai ia liusigira igira na Israel ara labumatesigira.

Na Katemai 16:21

Na belena na kakoluna na usa loki ara talu tana masaoka, me pipi kesa gana mamava e tugua e tsege sangavulu na kilo, mara viri puka tsavugira na tinoni. Migira na tinoni ara soasekolia moa God, rongona aia e tamia na rota loki ke gadovigira tana kakoluna na usa, aia na rota e loki me seko sosongo putsikae baa.

Mateo 17:5

Me gogoko vaga moa aia, me laba kesa na parako marara, me ungasitugira. Me tangi kesa na goko i laona na parako me tsaria, “!Iani na Dalequ galugaluve, au reingao sosongolia, kamu rongomia na gokona!”

Mateo 17:2

Mara tu momoro moa tugira, me tavongani oli na rereina a Iesu: na ngorana e maka vaga na aso, me seremaka na polona.

Linge 104:2

mo gini tsatsavu popono na marara. Igoe nogo o vuresia na baragata vaga moa ti na valepolo,

Binaboli 19:9

Ma na Taovia e tsarivania a Moses, “Inau sauba kau tsunamai i konimu igoe i laona na parako matolu rongona igira na toga kara gini rongomiau inau kalina kau goko kolugo, ma kara gini tutunimu igoe.” Ma Moses e tsarivulagi vania na Taovia na omea vaga igira na tinoni ara tsarivisua,

Isaia 50:3

Me tangomana goto kau naua ma na masaoka ke rodo, vaga moa ti aia e tangisigira igira ara mate.”