Linge 17:7 - Ghari

⁷ Ko saulabatia vanigami nimu galuve loki mo ko maurisigami. I ligisamu nogo igoe ami totu raviravi dou tanigira gamami gala.

Linge 17:7 Referans Kwoze

Linge 60:5

Ko rongomia nimami nonginongi, mi tana susuligamu loki ko laumaurisigami igami nimu tinoni galugaluve.

Linge 31:21

!Tsonikaea na Taovia! !Aia e sauvulagi vaniau nina galuve loki kalina igira gaqu gala ara tupoliau mara ngaoa na labumatesiaqu!

Linge 20:6

Mi kalina eni au donaginia laka na Taovia nogo e tusua na tangomana vania nina taovia tsapakae aia segeni e vilinogoa; me rongomia nina nonginongi tû i gotu tana nina baragata tabu, mi tana susuligana nogo ia, ti aia e tusuvania na tangomana loki sosongo.

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.

Linge 44:3

Igira ara tau sugutia na vera ia tana gini vailabu niqira isi; me tau gini managaqira tana susuligaqira segeni moa igira. Tagara. Igoe nogo o galuve sosongoligira, mo mararasigira, mo totu kolugira, mo sangaginigira nimu mana ma na susuligamu segeni nogo te e gini managaqira.

2 Turupatu Dato 16:9

Na Taovia e tau goto kuti na mataniana na barangengo popono, gana ke gini saua na susuligana vanigira igira ara totukakai i konina. Migoe o bâ, mo naua na omea bubulega, me vaga ia me tû i dani eni me ke bâ migoe sauba ko totu sailagi moa i laona na vailabu.”

2 Taovia Tsapakae 19:34

Inau sauba kau isutuguna na verabau iani, ma kau reitutugudoua tana rongoqu segeni nogo inau, mi tana rongona goto na veke au nauvaninogoa a David niqu maneaqo.’ ”

Binaboli 15:6

“Taovia, na limamu madoa e susuliga tsapakae; maia nogo o tairutuginigira gamu gala.

Aqoaqo 2:33

Maia e totu nogo tana madoana God, me adinogoa na Tarunga Tabu i konina na Tamana vaga aia e vekea. Ma na omea igamu amu reia mamu rongomia kalina eni, aia nogoria nina tuva vangalaka e saumaia vanigami.

2 Taovia Tsapakae 19:22

?Masei sagata nomoa igoe o peâ mo tsiria? Igoe o tau saikesa kukuni taniau, inau na God tabu loki ni Israel.

Na Katemai 15:3

Mara lilinge gana linge a Moses aia nina maneaqo God, ma gana linge goto na Dalena Sipi: “!Eo, kiki igoe Taovia God susuliga sosongo, ara loki sosongo mara dou rago nomoa nimu aqo sui! !Igoe o Taovia Tsapakae tana vera sui, mara gotolaka mara mana sosongo nimu sautu sui!

Linge 78:12

I mataqira nogo na mumuaqira God e aqosigira na valatsatsa, tana poiatsa ni Soan tana kao ni Ejipt.

Linge 31:22

Inau au matagu loki mau tsaria i tobaqu, “Igoe o tsialigiau nogo tania na matamu.” Me tagara. Igoe o rongomia moa niqu ngangaidato vanigo, kalina inau au nongigo ko sangaau.