5 Au muri sailaginia nimu sautu igoe, mau tau lelê soba tania.
Migami ami tau piloligi tanigo igoe, mami tau goto petsakoe vanigo ma kami sove na muriana nimu ketsa igoe. Tagara goto.
Ko sangaau vaga igoe o vekenogoa ma kau tau puka lê, ko laka na tamivaniana na kilinauseko ke tagaoviau.
Na Taovia sauba ke didia tanigo pipi sui na omea seko; me ke reitutugua na maurimu.
E utu ke tamivanigo ko tubulagi; aia nimu reitutugu me totu mamata sailagi.
Ko laka na tamivaniaqira gaqu gala kara gini mage kalina ara reia inau au rota. Ko laka goto na tamivaniaqira kara vaitsari gaqu kalina au puka.
Igoe nogo o mangâ na sautu vaniau tana kau liu bâ, me gini tau tsotso terere na tuaqu.
Au tsaria, “Au puka nogo”; migoe Taovia o tatatuuau ginia nimu galuve vo oli.
“Aia e reitutugudoua na mauriqira igira ara totukakai i konina, migira na vanga tsutsukibo ara tavongani nanga lê i laona na rodo; rongona e tagara ke kesa tangomana ke naua sa omea tana susuligana segeni.
Taovia, inau au donagininogoa laka e tagara kesa tinoni ke taovia vanisegenia, me ke tagaovia na vavanona na maurina segeni.
Inau au murigotosidoua nomoa na sautu aia e vilivaniau, mau tau lele goto soba tania ma kau liu bâ tabana se tabana.
Inau au takuvigira gaqu gala mau tangoligira, mau tau goto mango poi tsau kalina au labupukaligira sui.
