Linge 17:3 - Ghari

³ Igoe nogo o donaginia na laona na tobaqu. Igoe o mai nogo i koniqu tana bongi, mo vilekegira sui niqu sasaga. Mo tau goto tsodoa ke kesa na omea seko i laoqu.

Linge 17:3 Referans Kwoze

Linge 26:2

Ko vilekea na laoqu mo ko tovoleau Taovia; ko pedea na laona na sasagaqu ma na papadaqu.

Aqoaqo 11:23

Mi kalina aia e ba laba tana me reivulagia danga na omea dou God e aqosinogoa i laoqira na tinoni ni tana, me gini mage loki tobana me raigira laka kara tukakai manana i konina na Taovia tana tobaqira popono.

Linge 39:1

Inau au goko mau tsarivaganana, “Inau sauba kau parovata dou sosongo tana rongoqira na omea inau kau naua, me sauba kau tau goto tamivania na lapiqu ke raqaau ma kau puka tana sasi. Sauba kau tau goto tsaria sa omea kalina kara totu varangi igira na tinoni seko.”

Nina Papi A Job 23:10

Maia God e donaginigira sui pipi niqu tsakutua; me ti vaga aia ke tovoleau, me sauba nomoa ke tsodovulagia laka au totu male saviliu moa.

Malaki 3:2

?Masei nomoa tangomana ke baria tana dani i tana aia sauba ke labamai? ?Masei tangomana ke ba tû i matana? Aia sauba ke mai vaga moa na lake papara sosongo ara kodoginia na siliva ma na qolumila, me gini vanoligi na papasa lê e lalokolua. Me ke vaga goto na sopu susuliga gana na tsagi maleana na polo naqunaqu.

Sekaria 13:9

Minau sauba kau tovolea na tolunina turina ara kauvisu, ma kau malesigira vaga na lake e malesia na siliva ma na qolumila. Mi tana migira sauba kara nonginongi vaniau, minau sauba kau rongomia niqira nonginongi. Ma kau tsarivanigira, ‘Igamu niqu tinoni nogo inau,’ migira sauba kara tsaria, ‘Taovia, igoe moa nimami God igami.’ ”

Linge 139:1

Taovia, igoe o vilekeau, mo donaginiau popono nogo.

Linge 119:106

Inau au vekenogoa mau gini vatsa, laka sauba kau muridougira nimu totosasaga igoe.

Linge 66:10

Igoe God o tovolegami nogo; vaga na siliva kalina ara kukia tana lake rongona ke gini male, aia goto e vaga kalina igoe o tovolegami igami.

1 Petero 1:7

Ma kamu dona dou nomoa laka na rota amu tami na vatsangiana, i tana nogo e gini labamaka laka e mana nimui tutuni. Ma kamu reia ti na qolu. Na qolu maia e dona goto ke toroutsa. Mara tovotalua tana lake, mara vilitsaa laka ti na qolu manana nomoa se na one lee moa. Ma nimui tutuni igamu e vaga goto. Aia e dou tsapakae liusia baa na qolu. Me kiligotoa na tovoana talu, ma kara reia ti vaga ke dona na totukakai se tagara. Mi tana Dani i tana ke visumaitugua a Iesu Kristo, maia sauba ke soadougamu, me ke tsonikaegamu me ke soalokigamu.

Mika 2:1

!Sauba ke seko sosongo nomoa vanigira igira ara tsaro mamata tana bongi, mara totu matengana moa na pada manogatiana na omea seko kara naua! Mi kalina e dani male, migira ara tû tsaku mara ba manalia na omea seko ara pada manogatinogoa na nauana.

Hosea 7:6

Eo, niqira vorogoko e gâ vaga na lake i laona na umu. Tana bongi popono e gagâ niqira tobamomosa, mi tana matsaraka e botsa dato na iruna.

Jeremia 50:20

Mi kalina ke labamai na tagu ia, tagara goto sa sasi kara tsodoa tana Israel, me tagara goto sa tsutsukibo tana Juda, rongona inau sauba ka padalea niqira sasi igira na tinoni inau au gaenogoa na mauriqira. Inau nogo na Taovia au tsaria na omea iani.”

Goko Tabana 13:3

Aia e parovata dou tana omea e tsaria sauba ke dilaginia na maurina. Ma na tinoni vanga tsonivô e sekoli segenina na maurina.

Linge 16:7

Au tsonikaego Taovia, rongona igoe o mataliau dou. Me atsa moa ti tana bongi migoe o tagaovia na papadaqu.

Linge 11:5

Aia e vilekegira na douna ma na sekona tana atsa; me reisavi sosongoligira igira ara dona moa na sekoli tinoni.

Nina Papi A Job 24:14

Mi tana matsaraka bongibongi maia na mane labupoi e mamata tsaku me vano na labumatesiaqira igira ara tau tamanina sa omea, mi tana bongi maia e tû me vano goto na komi.

1 Samuel 26:23

Na Taovia aia e saupeluna vanigira igira ara dou me goto niqira sasaga. Mi dani eni aia nogo e mologo igoe tana limaqu inau, minau au tau moa ngaoa na sekoliamu, rongona na Taovia e viligo nogo igoe ko taovia tsapakae.

1 Samuel 24:12

!Na Taovia moa ke pedea asei ka vidada e sasi! Maia nogo ke kedego igoe tana rongona na omea o nauvaniau, minau moa sauba e utu goto kau pelego igoe.

Aqoaqo 16:9

Mi tana bongi nogo ia, ma Paulo e reia kesa na moro tana maturuna. Aia e reia laka kesa na mane ni Masedonia e mai tutuu i matana me ngasua, “!Ko savumai i Masedonia, mo ko sangagami!”

1 Samuel 24:10

Mo reisegenimu nogo igoe laka kalina moa ia i laona na vatuluma iani na Taovia e mologo igoe tana limaqu inau. Visana niqu mane vaumate inau ara raiginiau kau labumatesigo, minau moa au galuvego igoe mau tsaria laka e utu kau nauvanigo sa omea seko, rongona igoe nogo aia na Taovia e viligo ko lia na taovia tsapakae.

Iakobo 3:2

Igita sui a dona na tubulagi danga kalina. Me ti vaga kesa tinoni ke voo na gini tubulagi na lapina tana nina goko, maia e goto saikesa na sasagana, me tangomana goto ke tagaovi segenina popono.

2 Korint 1:12

E kesa na omea ami gini kaekae, me male saikesa i laona na tobamami laka e mana, aia nogoria laka tana nimami aqo sui, me putsi baa nimami aqo i laomui igamu, igami ami nauginia na tobagoto laka ma na goko mana, tau tana sasagamami segeni igami na tinoni lee, mi tana susuligana moa nina vangalaka God.

1 Korint 4:4

Au maka saikesa i laona na tobaqu, maia e tau nomoa tusuvulagiau laka ti inau au tinoni dou saikesa, mau tau tinoni sasi. Aia moa na Taovia nina aqo ke pedeau.

1 Samuel 26:11

!Na Taovia ke tangolivisua na limaqu ma kau tau sekolia na taovia tsapakae aia nogo na Taovia e vilia! Ida ma kaita ka adia moa nina bao ma nina tosu na kô ma ka ka vano.”

1 Turupatu Dato 28:9

Mi tana ma David e gokovania a Solomon me tsaria, “Dalequ igoe, nimu aqo nomoa ko padalokia nina God na tamamu, mo ko tamia na aqo dou vania tana tobamu popono mi tana papadamu popono. Aia e donaginia pipi sui nida papada ma nida kili igita. Me ti vaga igoe ko vataragi i konina aia, maia sauba ke tabego; me ti vaga igoe ko piloligi tania, maia sauba ke piloligi sailagi tanigo goto igoe.

1 Turupatu Dato 29:17

Inau au dona laka igoe o tovolea na tobaqira pipi sui na tinoni, mo reingaogira moa igira e gotolaka niqira sasaga. Mi tana niqu gotolaka inau au gini mage na sauana na omea sui girani vanigo, mau reigotoa laka igira nimu tinoni ara saimai ieni ara gini mage sosongo goto na sauvaniamu niqira vangalaka.

Linge 139:23

Ko vilekeau igoe niqu God, mo ko donaginia na sasagaqu; ko tovoleau, mo ko tsodovulagigira popono na papadaqu.

Jeremia 12:3

Bâ, migoe Taovia o donaginiau nogo inau; mo morosigira sui na omea inau au naugira, mo donaginigotoa laka inau au galuvego. Mi kalina ia inau au nongigo ko raqaligigira na tinoni vanga tsutsukibo girani vaga na sipi ara raqavanogira tana nauna i tana kara matesigira; ko tangoligira poi tsau ke laba na dani igoe o titinogoa vania na labumatesiaqira.