Linge 17:13 - Ghari

¹³ !Taovia ko mai tsaku! Ko butogira gaqu gala me ke tau lelê managaqira. Ma nimu isi ko maurisiginiau tania na limaqira na tinoni vanga tsutsukibo.

Linge 17:13 Referans Kwoze

Linge 44:26

!Ko mai mo ko sangagami! !Tana nimu galuve vo oli ko maurisigiami!

Linge 44:23

!Ko mamata Taovia! ?Egua te o mamaturu moa? !Ko tû! !Ko laka na sove tanigami saikesa!

Linge 7:6

!Ke botsalaba na koremu Taovia! Ko tukae, mo ko tukapusia niqira momosatoba igira gaqu gala. Ko tavurake segenimu mo ko sogogaqu inau. Na pedegoto saikesa moa aia nogo igoe o kilia.

Linge 3:7

!Taovia ko mai! !Niqu God, ko maurisiau! Ko kedegira sui gaqu gala, mo ko pualasilea gaqira susuliga gana na sekoliginiaqu.

Aqoaqo 4:28

Igira ara gini saikolu rongona kara naua na omea sui, vaga nogo igoe tana susuligamu ma nimu kili segeni, o pede manogatinogoa kara naua.

Linge 22:20

Ko maurisiau tania niqira isi; mo ko lauligia na mauriqu tanigira na pai atsi girani.

Habakuk 1:12

Taovia, igoe o God tu mai nogo tana tuturigana. Igoe niqu God, mo tabu loki mo mauri saliu. Taovia, igoe niqu God ma niqu reitutugu. Igoe nogo o viligira na Babilonia, mo susuligasigira kara gini tangomana na kedeamami.

Isaia 51:9

!Ko mamata Taovia mo ko sangagami! Ko gini aqo na susuligamu vaga nogo o naua i sau mo ko laumaurisigami. Igoe nogo o labu tsapitsapia Rahab aia na tuqana vigo na omea mamauri ni tasi.

Isaia 37:26

“?Egua, laka igoe o tau moa vati rongomia laka inau nogo au vangarau okanogoa na omea girani te ara laba? Mi kalina ia, minau au manalitovugira sui nogo. Inau nogo au sauvanigo igoe gamu susuliga gana na toroutsaniaqira na verabau ara poliginigira na baravatu kakai, ma kara viri totu tsuputsupu bamai na tapana na vatuqira.

Isaia 13:5

Igira ara maimai talu tana momoru ao tana susuina na barangengo. E momosa loki na tobana na Taovia, me mai gana ke toroutsania na butona momoru popono.

Isaia 10:15

Ma na Taovia e tsaria, “?Laka tangomana na rarati ke tsaria laka aia e loki liusia na tinoni e gini kakavi? ?Me laka na gau e tamani rongona loki bâ liusia na tinoni e gini aqo? E tau na tubi ke tangolikaea na tinoni, na tinoni nogo e tangolikaea na tubi.”

Isaia 10:5

Ma na Taovia e tsaria, “!Asiria! Asiria nogo e lia niqu tubi gana kau kedeginigira igira au kore loki vanigira.

Linge 119:126

Taovia, e laba nogo na tagu tana e dou igoe ko naua kesa na omea, rongona igira na tinoni ara sove na muriana nimu ketsa.

Linge 10:12

!Taovia ko tû mo ko kedegira na tinoni vanga tsutsukibo girani! !Laka na padaleaqira igira ara rota!

Linge 94:16

?Me laka asei e isutuguqu inau tanigira na vanga tsutsukibo gira? ?Masei e sangaau na tukapusiaqira na vanga nauseko gira?