Linge 16:3 - Ghari

³ Ara doulaka saikesa igira ara totukakai i konina na Taovia. Me gini mage loki na tobaqu inau na totu koluaqira na tinoni vaga gira.

Linge 16:3 Referans Kwoze

Hibru 6:10

God e goto laka me voo na pede riu. E utu ke padalea nimui aqo dou amu naua, ma na galuve amu saunogoa vania aia kalina amu aqo galuve mamu sangagira babaa moa na tasimui Kristiano.

Goko Tabana 13:20

Ti vaga ko duli kolugira sailagi moa na tinoni sasaga loki, me sauba ko sasaga loki. Me ti vaga ko totu kolugira moa na tinoni ara tau sasaga me sauba ko tau kuti na tsodoana na rota.

Goko Tabana 12:26

Na tinoni e goto nina sasaga e dona na sausautu dou vania na kulana, ma niqira sautu igira na vanga tsutsukibo e dona moa na raqasasili tinoni.

2 Turupatu Dato 6:41

Ko tu tukae nogo kalina ia, igoe Taovia God, me kolua na Bokisi na Taso aia na papadana na susuligamu, ko sagemai i laona na Vale Tabu mo ko totu ieni na dani ma na dani. Ko tabugira sui nimu manetabu tana niqira aqo sui, migira sui goto nimu toga kara gini magemage tana rongona nimu doulaka vanigira.

Aqoaqo 9:13

Ma Ananias e tsarivania na Taovia, “!Lao Taovia! Minau au rongominogoa i koniqira na tinoni danga gana rongo na mane ia, ma nina sasaga tabaru e nauvanigira nimu tinoni i Jerusalem.

Malaki 3:17

Ma na Taovia Susuliga Sosongo e tsaria, “Igira sauba kara lia niqu tinoni. Mi tana tagu inau au titinogoa, migira sauba kara lia niqu tamani segeni saikesa nogo inau. Me sauba kau galuvegira vaga nogo na tamaga e galuve sosongolia na dalena aia e aqo dou vania.

Isaia 62:4

Me sauba e utu goto kara soaginigo “Tsonikidana,” ma nimu butona kao “Na Daki Aia na Savana e Tsonitsunâ.” Ma na asamu vaolu ke vaga iani, “Na Daki Aia God e Reingao Sosongolia.” Ma nimu butona kao kara soaginia, “Na Tauga Magemage,” rongona na Taovia e reingao sosongoligo, me ke lia mala savana nogo nimu butona kao.

Goko Tabana 8:31

mau gini magemage na reiana na barangengo, ma na morosiaqira na tinoni ara totu i laona.

Linge 119:63

Au dulikolugira igira sui ara kukuni tanigo, mara muridougira nimu ketsa.

Linge 116:15

!E gini padasavi sosongo na Taovia kalina e mate kesa nina tinoni!

Linge 101:6

Sauba kau tabedougira igira ara totukakai konina God, ma kau tamivanigira kara totu koluau i laona na valequ. Migira e gotodou niqira sasaga, sauba kau tamivanigira kara aqo vaniau.

Linge 30:4

Lingena na tsonikaeana na Taovia, igamu sui na tinoni amu galuvea. Padatugugira na omea dou sui God e naunogoa vanigamu, ma kamu soadoua.

Titus 3:8

Iani nogoria e kesa na goko mana. Minau au ngaoa igoe ko bingi gokona na omea vaga girani, rongona ti igira na tinoni ara tutunina nogo God kara gini madodo na nau sailaginiana na omea e dou i matana aia. Na aqo vaga ia, e dou manana me pelugira na tinoni sui.

Epesus 1:1

Inau a Paulo, aia God nogo e viliau mau gini lia kesa nina apostolo a Iesu Kristo, au marevanigamu na leta iani, igamu nina tinoni God i Epesus amu tukakai nogo tana nimui mauripata koluana a Iesu Kristo.

Galatia 6:10

Vaga ia, me pipi kalina ti ke tau utu vanigita, ma ka naudou vanigira na tinoni sui, putsikae baa vanigira na tasida tana tutuni.

Linge Na Galuve 7:10

Inau nina daki nogo aia, maia e padangao sosongoliau inau,

Linge 122:8

Tana rongoqira nogo igira na kamaqu ma na kulaqu, ti inau au gini tsarivania na Jerusalem: “!Na rago ke totu i konimu!”