Linge 16:11 - Ghari

¹¹ Igoe sauba ko tusuvulagi vaniau na sautu e vano kalea na mauri. Igoe o totu varangisiau me gini danga tovu niqu magemage, ma niqu mage na totu i matamu igoe e utu goto ke sui.

Linge 16:11 Referans Kwoze

Aqoaqo 2:28

O tusuvulaginogoa vaniau na sautu tana ke adiau baa tana mauri, mi tana kau gini mage na totu i matamu tana magemage sailagi.’ ”

Iude 1:24

God aia segeni e susuliga ke tangoligamu ti kamu gini tau puka, me ke adigamu baa tana tobamale ma na magemage i matana.

Epesus 3:19

Eo, au amesia ti igamu kamu donadouginia na galuvena aia, atsa moa ti ke utu na padagadoviana popono, rongona ke gini dangalitovugamu nina mauri segeni nogo God.

Goko Tabana 4:18

Na sautu ara muria igira e gotolaka niqira sasaga e vaga nina dato na aso, e marara babâ poi tsau kalina e marara male.

Linge 17:15

Minau kiki moa sauba kau morosilakamu igoe, rongona au tau naua sa omea ke sasi. Mi kalina inau kau mamata, me sauba ke dangatovu i tobaqu na magemage na totu i matamu igoe.

Mateo 7:14

Ma na matsapa gana na mauri saliu, aia e govikoko sosongo, me kakai sosongo na liusage baa i tana, maia nogo na rongona te ara gini tsaurae lee na tinoni ara muria.

Isaia 2:3

migira niqira tinoni sauba kara tsarivaganana iani, “Ida gita ma ka ba dato tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai moa i Jerusalem i kelana na Vungavunga Sion; i tana nogo aia e tû te e mologoko bâ vanigira nina tinoni.”

2 Korint 4:17

Na rota igita a vatsangia kalina eni e malamala lee, me utu goto ke totu oka. Maia nogo e vangarau vanigita na omea loki sosongo baa aia e totu saviliu, aia nogoria na mauri saliu i konina God.

Mateo 5:8

!Kara gini mage igira ara tobamale; rongona sauba kara reia God!

Na Katemai 22:5

Me utu goto ke bongi tana, me utu goto kara kilia kesa na laeti ke mararasigira, se na aso ke sinarigira, rongona na Taovia God aia nogo sauba ke ngiti niqira marara, migira kara tagao mala taovia tsapakae nogo na dani ma na dani.

1 Petero 3:22

me ba dato nogo i baragata i tana e totu tana madoana God Tamana, me taovia loki vanigira na angelo sui, me vanigira goto na omea susuliga sui ni gotu.

Roma 8:11

Ti vaga nina Tarunga Tabu God aia e maurisivisua a Iesu Kristo tania na mate e totu i laomui, me sauba aia goto nogo ke maurisivisua na konimui goto igamu tania na mate.

1 Ioane 3:2

Kulaqu galugaluve igamu, igita a lia nogo na dalena God, me tau moa vati labamaka vanigita nagua sauba ka lia goto i muri. Igita a dona moa laka kalina ke labavisumai a Iesu Kristo, migita sauba ka usulia, rongona sauba ka morosia vaga e totu manana nogo aia.

1 Korint 13:12

Ma na omea igita a reia kalina eni e tau maka. E vaga moa ti kalina na tinoni e gini moro na tironunu pasapasa lee. Me sauba kesa dani igita ka reilakana ginia na matada segeni. Ma na omea au donaginia kalina eni, aia na turina moa ia. Me sauba kesa dani inau kau donaginia na omea popono, vaga nogo God aia e donaginiau popono.

Goko Tabana 12:28

Na sasaga gotolaka aia na sautu na mauri; ma na sasaga tabaru aia na sautu na mate.

Marko 16:19

Mi kalina e sui nina goko koiluigira, ma na Taovia Iesu e dato i bairaigata, me batotu tana madoana God.

Mateo 25:33

Sauba kau mologira na tinoni dou tana madoaqu, ma na sekona tana mauliqu.

Linge 139:24

Mo ko reia ti vaga ke totu moa na seko i laoqu, mo ko mataliau ma kau muria na sautuna na mauri saliu.

1 Petero 1:21

Na vuana nogo nina aqo aia, ti igamu amu gini tutunina God, aia e maurisivisua a Iesu Kristo tania na mate, me molokaea tana mararana loki i baragata. Aia nogoria na rongona ti nimui tutuni ma nimui amesia ara ka gini bulubete kalavata i konina God.

Mateo 25:46

Migira nogoria sauba kara gini vano tana kede saliu. Migira na douna, sauba kara baa tana mauri saliu.”

Goko Tabana 2:19

Me tagara goto ke kesa ti ke vano na tsigoviana sa daki vaga ia ke tangomana na visumai. Me utu vanigotoa ke taonivisutugua na sautu na mauri.

Goko Tabana 5:6

Aia e tau goto muria na sautu na mauri, me soba tania moa, me tau goto reigadovia na omea e laba vania.

Aqoaqo 7:56

Me tsarivanigira, “!E! !Igamu kamu reia! !Inau au reia baa na baragata e ova, ma na Dalena Tinoni e tutuu tana madoana God!”

Linge 4:8

Kalina inau au tsaro, mau dona na maturu saviliu; rongona igoe segeni moa Taovia o vangataoau dou sosongo.

Linge 68:4

Linge vania God, lingena na tsonikaeana na asana; vangaraua na sautu vania aia e totukae i kelana na parako. !Na Taovia nogo na asana, migamu kamu gini mage na tû i matana!