Linge 149:5 - Ghari

⁵ Kara gini magemage nina tinoni God rongona e managaqira tana vailabu, kara linge tana magemage na bongi popono.

Linge 149:5 Referans Kwoze

Nina Papi A Job 35:10

Migira ara tau moa dona na pilobâ i konina God aia e volagira, me kakaisia na tobaqira tana tagu ara totu tana rota loki.

Linge 42:8

Na Taovia ke sauvulagi vaniau nina galuve vo oli i laona na dani male, rongona ti inau kau gini tangomana na linge tana bongi, ma na lotu vaniana God aia na pukuna na mauriqu.

1 Petero 1:8

Me atsa moa ti amu tau vati reilakana moa a Iesu Kristo, migamu amu galuvenogoa. Amu tutunina, atsa moa ti amu tau morosilakana kalina eni. Mamu gini magemage tana mage loki e utu na tsaritutuguana tana goko.

Linge 145:10

Taovia, pipi sui na omea igoe o vusagira sauba kara tsonikaego, migira sui nimu toga sauba kara soadougo.

Linge 118:15

Kamu rongomigira nina tinoni God, ara gudato tana mage i laona niqira valepolo rongona e managaqira. Mara tsaria, “!Na susuligana loki na Taovia e naua te e gini laba na omea vaga ia!

Roma 5:2

I konina nogo a Iesu Kristo igita a gini tangomana na mauri vaolu tana galuvena God, vaga nogo igita a totu i laona kalina eni. !Me gini mage loki na tobada na amesiana laka sauba igita ka pata na tamaniana na mararana God!

Linge 132:16

Sauba kau tabugira nina manetabu i laona pipi sui niqira aqo ara naua, migira sui nina tinoni sauba kara linge ma kara gudato tana magemage.

Linge 92:2

ma kami tsarivulagia pipi tana matsaraka na douna nimu galuve vo oli, ma nimu doulaka pipi tana bongi,

Linge 23:1

Na Taovia aia nogo niqu reitutugusipi; me pipi sui na omea au kilia mau adia.

2 Samuel 6:15

Mi tana, maia migira sui lakalaka na Israel ara adivanoa na Bokisi na Taso i Jerusalem, mara gugudato tana magemage mara uviuvia niqira tavuli.

Daniel 7:22

Mi tana aia e mauri saliu e mai me votapede tabana kolugira nina tinoni na God Loki Tsapakae. Me mai tsau nogo na tagu i tana igira nina tinoni God kara tamanina gaqira susuliga tangirongo taovia.