Linge 149:3 - Ghari

³ Tsonikaea na asana ma kamu gavai vania; taigira na kuku ma na itai tatangi tana tsonikaeana.

Linge 149:3 Referans Kwoze

Jeremia 31:13

Mi tana, migira na baka daki sauba kara gavai tana magemage, migira na mane vaolu ma na tuqatuqa sauba kara magemage loki. Inau sauba kau veregira, ma kau suilavaginia niqira melu ma niqira tangitangi, ma kara totu moa tana magemage.

Linge 81:2

Tuturiga na uviriga ma ka rekesi tsetsê, ka taidougira nida itai tatangi ma nida tuqulu.

Binaboli 15:20

Maia ko Miriam na propete, na tasina daki a Aaron, e adia nina tsetsê, migira sui na daki ara tsarimurina ara rerekesigotoa niqira tsetsê mara gagavai.

Linge 30:11

Igoe o olinogoa niqu tangitangi me gini lia na linge ma na gavai; migoe o adiligi taniau niqu melu mo pologiniau na magemage.

2 Samuel 6:16

Mi kalina ara adisagea na Bokisi na Taso i laona na verabau ia, maia ko Mikal na dalena a Saul e totu i valena me morotsuna bâ tana ovaovana na bisi, me morosia a David na taovia tsapakae e gagavai me tsipudato tana gavai tabu, ma ko Mikal e parâ na mumuta na reiana.

2 Samuel 6:14

Ma David e gini tivi kesa na sangava na polo vovosi laka, me gavai tana susuligana popono tana tsonikaeana na Taovia.

Tinoni Pede 11:34

Mi kalina a Jepta e visutugua i Mispa verana, maia na dalena daki e rutsumai talu i vale me mai na valaleana, me gavai me rekesia na tsetsê. Aia kesa lelê moa ngiti dalena.

Linge 33:2

Taia nimui tuqulu ma kamu soadoua na Taovia. Linge vania tana itai tatangi.

Esra 3:10

Mi kalina ara tuturiga na moloana na papakana na Vale Tabu, migira na manetabu ara sagelia na poloqira sagesage katsi, mara tu palatete tana sasaqira, mara tangolia na tavuli tana limaqira, migira na Levite tana duli konina a Asap ara tutû goto i tana kolua na tsetsê tana limaqira. Mara tsonikaea na Taovia taoninogoa na vovorona ara adidatoa tû tana taguna a David na taovia tsapakae.

1 Turupatu Dato 16:42

Mi kaira nogo a Heman ma Jedutun ara ka tagaovigira igira ara uvi tavuli migira ara rekesi tsetsê, migira sui goto na omea tatangi tavosi ara gini sinagi kalina ara lingena na tsonikaeana God. Migira na mane tana duli konina a Jedutun igira nogo ara tagaovia na aqona na mataliaqira na matsapakapu.

2 Turupatu Dato 29:25

Ma na taovia tsapakae e murigira na omea na Taovia e ketsaliginia a David na taovia tsapakae tana ka mangaqira a Gad nina propete na taovia tsapakae, ma Natan na propete; me mologira na Levite kara tû babâ tana Vale Tabu kolugira niqira tsetsê ma niqira itai tatangi ma niqira uete,

1 Turupatu Dato 25:6

Mi tugira sui na dalena a Heman ara tu rekesia tu niqira tsetsê, mara tu taigira na itai tatangi, i laona na Vale Tabu i vavana nina tagao tu tamaqira. Mi tugira nogo a Asap, ma Jedutun ma Heman ara tu naua tu niqira aqo i vavana nina ketsa na taovia tsapakae.

2 Turupatu Dato 20:28

Mi kalina ara ba tsau tana verabau ni Jerusalem migira ara ba sage saviliu tana Vale Tabu kolua na tatangina na itai tatangi ma na tavuli.

Linge 81:3

Ka uvia na tavuli tana nida dani loki, kalina e dato na vula vaolu, mi tana saipono.

Linge 87:7

Migira kara gavai ma kara lilinge ma kara tsaria, “I Sion nogo e talumai pipi sui nida omea dou.”

Jeremia 31:4

Sauba kau turuvaginigamu visutugua, migamu sauba kamu rekesitugua nimui tsetsê, ma kamu gavai tana magemage.