Linge 148:14 - Ghari

¹⁴ Aia e galuve sosongoligira nina tinoni ni Israel, me vaturikakaia na veraqira, rongona ti igira sui nina tinoni kara tsonikaea. !Tsonikaea na Taovia!

Linge 148:14 Referans Kwoze

Linge 75:10

God aia sauba ke kutivanigira na susuligaqira igira na tinoni vanga tsutsukibo, me ke naua me ke dadato babâ gaqira susuliga igira na tinoni e goto niqira sasaga.

Epesus 2:17

A Iesu Kristo e mai i barangengo rongona ke gini turupatuna na Turupatu Dou na rago vanigira na tinoni sui, vanigamu igamu na tinoni ni veratavosi igamu amu totu ao tania God, me vanigami goto igami na Tsiu igami ami totu varangisinogoa aia.

Na Vaolusi Ketsa 4:7

“E manana sosongo laka e tagara goto sa puku tavosi tana barangengo popono, atsa moa ti ke loki sosongo, ke tamanina sa nina god ke dona ke mai varavara kalina ara nongia ke sangagira, vaga na Taovia nida God e nauvanigita igita. Aia e rongomigita tana tagu sui moa igita a nongia ke sangagita.

1 Samuel 2:1

Maia ko Hana e nonginongi vaga iani: “!Na Taovia e dangaliginia na tobaqu na magemage; mau gini mage sosongo tana rongona na omea aia e nauvaniau! !Inau au kiataginigira gaqu gala me gini mage sosongo na tobaqu tana rongona aia God e sangaau.

1 Petero 2:9

Migamu, amu nina mamatana tinoni vivili ma nina manetabu God na Taovia Tsapakae. Mamu lia nogo na vera tabu loki, ma nina tinoni segeni nogo God. Aia e viligamu kamu gini tsarivulagigira na omea loki God e nauvanigamu kalina aia e soa rutusumiligigamu tania na totu rodo, me tudumi sagegamu tana nina marara loki segeni nogo ia.

Na Vaolusi Ketsa 10:21

Kamu tsonikaea rongona aia segeni moa nimui God, migamu amu morosigininogoa na matamui segeni na omea loki ma na omea ganataga aia e nauvanigamu.

Linge 112:9

Aia e vangalaka sosongo vanigira ara kilia na sasanga, ma nina aqo galuve e utu goto ke sui. Maia sauba ke tinoni loki tana verana, migira na toga sui sauba kara padalokia.

Epesus 2:13

Eo, i sau amu totu ao tania God, mi kalina eni, i laona nimui mauripata koluana a Iesu Kristo amu mai varangisinogoa God tana rongona na mateana a Iesu Kristo.

Linge 149:9

ma kara kedegira na puku tavosi sui vaga nogo God e ketsaligira kara naua. Iani nogo e vaga niqira tangomana igira nina tinoni God. !Tsonikaea na Taovia!

Epesus 2:19

Vaga ia, migamu na tinoni tau Tsiu amu tau nogo vaga na tinonina tavosi vera, se na tinoni labavoo. Kalina eni igamu amu gaqira verakolu nogo igira sui nina tinoni God, mamu sangasage nogo i laona nina tamadale God.

Luka 2:32

Aia nogo na marara ke mararasigira na toga pipi tana vera sui, me ke molokaegira igira nimu tinoni ni Israel.”

Luka 1:52

Me molotsunaligira tania niqira sasana na totukae igira na taovia susuliga, me molokaegira igira ara palatsuna.

Jeremia 17:14

Taovia, ko talimaurisiau inau, me sauba kau mauri dou saikesa; ko laumaurisiau, minau kau totu raviravi dou i konimu. !Igoe segeni moa au tsonikaego!

Linge 145:10

Taovia, pipi sui na omea igoe o vusagira sauba kara tsonikaego, migira sui nimu toga sauba kara soadougo.

Linge 92:10

Igoe o naua minau au gini susuliga vaga moa na buluka atsi; igoe o vangalaka sosongo vaniau, minau au gini mage loki.

Linge 89:17

Igoe nogo na pukuna na susuligamami, mi tana nimu galuve, igoe o naua migami ami gini tangomana.

Linge 89:18

Igoe nogo Taovia o vilia vanigami aia kesa ke reitutugugami; igoe na God Tabu ni Israel, igoe nogo o tusuvanigami gamami taovia tsapakae.