Linge 147:8 - Ghari

⁸ E vuresia na parako i gotu tana masaoka, me molomaia na usa ke tumulia na barangengo, me naua mara gini dato dou na buruburu tana tetena.

Linge 147:8 Referans Kwoze

Nina Papi A Job 5:10

Aia e molomaia na usa me tumulia na kao me malobusiginigira na uta.

Aqoaqo 14:17

Maia God e gini saulabati segenina nomoa vanigira na tinoni sui i barangengo tana vuana nina aqo dou aia e nauvanigira: e moloa na usa mara gini raranga nida uta, me palaginigita na mutsa, me dangaliginigita na mage.”

Tuturigana 9:14

Me pipi kalina kau sarosaigira na parako kara tsavua na barangengo ma na vulagaro ke laba tana parako,

Mateo 5:45

Kamu nauvaganana ia, ti kamu gini lia na dalena God na Tamamui i gotu, aia e moloa nina aso ke sinarigira sui na tinoni dou ma na tinoni seko kesa moa atsa. Me moloa na usa ke malobusigira igira ara naua na omea e dou, migira goto ara naua na omea e seko.

Joel 2:23

“Kamu mage igamu na tinoni ni Sion, kamu gini magemage tana rongona na omea dou na Taovia nimui God e naua vanigamu. Aia e moloa ke tumu na usa tana taguna laka, me molomaia vanigamu na arausausa, vaga nogo tana idana.

Jeremia 14:22

?Laka e totu sa niqira god na puku tavosi tangomana ke molomaia na usa? ?Me laka na masaoka segenina moa e susuliga na nauana me ke tumu na usa? ?Me laka o tau nimami God igoe? Igami ami vataraginia nimami amesi i konimu igoe, rongona igoe segeni moa o dona na nauaqira na omea sui girani.

Isaia 5:6

Ma kau moloa moa na buruburu seko kara poko tsavugira. Me utu goto kau valakasigira na gaina, se kau qari kaoqira goto. Tagara. Sauba kau mololegira moa ma na gai kakaruga ma na itai kokonaga kara dato tsavugira. Ma kau tongo vanigotoa na parako na usa ke tumu tsuna tana niqu uta.”

Linge 135:1

!Tsonikaea na Taovia! Tsonikaea na asana igamu nina tinoni aqo na Taovia,

Goko Tabana 27:25

Kalina ko reia ke dato katsi na buruburu tana nimu kao, ma nimu aqo ko kavikutia mo ko mololakâ, rongona ke lia gaqira mutsa nimu omea tuavati kalina e rudu vaolu na buruburu.