Linge 147:10 - Ghari

¹⁰ Na Taovia e tau vataraginia nina magemage i koniqira na ose susuliga, se i koniqira na mane vaumate malagai. Tagara.

Linge 147:10 Referans Kwoze

Linge 20:7

Visana ara vataraginia gaqira susuliga tana niqira terê na vailabu, mara visana tavosi tana niqira ose, migita a norua moa na susuligana na Taovia nida God.

1 Samuel 16:7

Ma na Taovia e tsarivania a Samuel, “Ko laka na gini boe na morosiana na katsina ma na rereidouna aia. Inau au sove tania moa aia, rongona inau au tau dona na moro vaga igamu na tinoni lê. Na tinoni lê e morosia moa na rereina tinoni, minau au moro bâ i laona tobana.”

Isaia 31:1

!Sauba ke seko sosongo nomoa vanigira igira ara vano i Ejipt gana na lave sasanga mara vataragi sosongo tana susuligana loki niqira ose, ma niqira terê, ma niqira mane vaumate! Mara tau moa vataragi kakai i konina na Taovia, na God tabu ni Israel, se kara nongia ke sangagira.

Sasani Sasaga 9:11

Me kesa goto na omea inau au tsodovulagia, laka i laona na barangengo iani igira ara dona sosongo na ulo tsaku e tau pipi tagu ke managaqira tana vaitovogi tana ulo, migira ara malagai susuliga e tau goto pipi tagu ke managaqira tana vailabu. Migira na tinoni sasaga loki e tau pipi tagu kara tsodoa na mauriqira, migira na tinoni ara donalevo e tau pipi tagu kara tamanina na omea danga, migira goto ara dona sosongo na aqo e tau pipi tagu kara tangoli aqo loki. Na tagu seko e dona ke laba moa vania pipi tinoni.

Goko Tabana 21:31

E tangomana ko vangaraugira nimu ose gana na vailabu, maia na Taovia segeni moa e dona ke tusua na tangomana.

Hosea 1:7

Migira moa na tinoni tana Juda sauba kau galuvegira. Inau nogo na Taovia niqira God, me sauba nomoa kau maurisigira. Me ke tau goto kilia kau maurisigira tana vailabu kolua na isi, na parige, ma na pipili, se kau mologira na mane vaumate ara sage tana ose kara ba sangagira.”

2 Samuel 1:23

“A Saul ma Jonatan, ara padalokikaira mara galuvekaira sosongo; kaira ara ka totusai tana mauri, mara ka totusai goto tana mate; kaira ara ka tsaku liusigira bâ na manuloki, mara ka susuliga liusigira bâ na laeone.

Nina Papi A Job 39:11

?Me laka tangomana ko norua na susuligana loki aia, me ke nauvanigo nimu aqo loki vaga gira?