Linge 146:9 - Ghari

⁹ Na Taovia e reitutugugira igira na veratavosi ara mai totu i verada; me sangagira na daki tinamate kolu daleqira, me pualasia niqira vorogoko igira na vanga tsutsukibo.

Linge 146:9 Referans Kwoze

Linge 68:5

God aia e totu i laona nina Vale Tabu, me aragogira na baka tinamate me reitutugugira na daki tinamate.

Linge 147:6

Na Taovia e sulukaegira igira ara palatsuna; me tsogori rapasigira tana kao igira na vanga tsutsukibo.

Malaki 3:5

Maia na Taovia Susuliga Sosongo e tsaria, “Minau sauba nomoa kau mai i konimui ma kau pedegamu. Me sauba kau tsaku sosongo na adilabatiana i malena niqira sasaga igira ara naua na basutidao, migira ara kiboga, migira ara tsonia na gokopero tana tinete, migira goto ara voli peqogira igira ara aqo vanigira, migira ara dona na komiaqira na daki, ma na baka tinamate, ma na tinoni ni veratavosi ara sagelalo kolugira, migira sui lakalaka goto ara tau kukuni taniau inau.

Jeremia 49:11

Kamu molovisugira nimui baka tinamate i koniqu inau, minau sauba kau reitutugugira. Migira nimui daki tinamate kara vataragi moa i koniqu inau.”

Goko Tabana 15:25

Na Taovia sauba ke toroveoa na valeqira igira na tinoni vanga koesegeni, me ke reitutugudoua nina omea tatamani kesa na daki tinamate.

Iakobo 1:27

Ma na vatana na lotu vaga e dou i matana God Tamana e vaga iani: ka reitutugugira na daki tinamate kolu daleqira, ma ka tabegira tana niqira rota, ma ka aragovisu segenida ke tau savunigita na lavu seko ni barangengo.

Goko Tabana 4:19

Ma niqira sautu igira na vanga tsutsukibo e rodo vaga moa na rodo tana bongi. Igira ara puka, mara tau goto tangomana na reiana na omea ara tubulagi i konina.

Linge 145:20

Na Taovia e reitutugugira igira sui ara galuvea, me sauba ke matesigira na vanga tsutsukibo.

1 Korint 3:19

Rongona nina sasaga loki na barangengo e vaga moa ti na omea bubulega lee i matana God. E vaga nogo ara marea tana Mamare Tabu mara tsaria, “God e sogotigira na tinoni sasaga i laona nogo niqira sasaga loki.”

Hosea 14:3

Asiria e utu saikesa ke maurisigami, migira na ose na vailabu e utu kara isutugumami. Migami e utu saikesa goto kami tsarivanigira nimami god peropero laka igira nogo nimami God. Migoe Taovia, ko galuvegami rongona igami ami vaga moa na baka tinamate me tagara goto kesa ke reitutugugami.”

Linge 18:26

Igoe o sauvulagia nimu sasaga male vanigira igira ara sasaga male i matamu. Mo reisavigira igira e tabaru niqira sasaga.

Esta 9:25

Maia ko Esta e vano i konina na taovia tsapakae, maia na taovia tsapakae e marea kesa na leta laka na voromate e naua a Haman vanigira na Tsiu ke gadovisu i konina segeni, me laka a Haman migira sui na dalena mane kara tsauraginikaegira tana gai na ligo.

Esta 7:10

Me vaga ia, mara ba tsauraginia a Haman tana gai na ligo aia segeni nogo e vaturikaea, gana ke tsauraginia a Mordekai i konina. Mi tana me gini bisitugua na korena na taovia tsapakae.

Esta 5:14

Mi tana, ma na tauna migira sui gana saidou ara totu kolua ara tsarivania, “Me vaga ia me dou ti ko vaturikaea sa gai na ligo ke rukapatu ruka mita na datona. Me ke matsaraka ke dani migoe ko bâ mo ko nongia na taovia tsapakae ke tamivanigo na tsauraginikaeana a Mordekai i konina me ke mate, mi tana ti ke gini dou tugua na tobamu na vano tana mutsa ia.” Ma Haman e padâ laka na omea iani e dou na nauana, me tû me ketsaligira kara vaturikaea kesa na gai na ligo i tana.

2 Samuel 17:23

Mi kalina a Ahitopel e reia laka ara tau nogo muria nina totogoko, maia e tû me sage tana nina asi me visutugua i verana segeni. Me aragogira nina omea sui, mi muri maia e tû me ba ligoti segenina. Mara ba qilua tana ara qilugira nina vungu.

2 Samuel 15:31

Mi kalina a David e rongomia laka a Ahitopel goto e sanga tabana i konina a Absalom maia David e nonginongi me tsaria, “!Kiki Taovia, ko piloa nina goko parovata a Ahitopel me ke lia na goko bubulega!”

Na Vaolusi Ketsa 16:11

Kamu magemage i matana na Taovia kolugira na dalemui, nimui maneaqo, ma na Levite, migira goto na tinoni ni veratavosi, ma na baka tinamate, ma na daki tinamate ara totu i laona na veramui. Kamu naua na omea iani tana kesa moa nauna na Taovia e balonogoa gana na samasama vaniana.

Linge 10:14

Eo, migoe Taovia o morosiragoa na omea vaga aia e naua. Mo donaginigotoa na vatsangisavi ma na rota e gadovigira na tinoni dou, migoe o gini boe sailagi na sangaaqira. Na tinoni e utu vania ke sanga segenina, aia nogoria e molo segenina i limamu igoe; migoe nogo o sangagira sailagi igira e utu kara sanga segeniqira.