Linge 146:7 - Ghari

⁷ me saua na pedegoto vanigira igira ara bingi sekoligira, me palagira igira ara vitoa. Na Taovia e nusigira igira ara totu tana vale sosori,

Linge 146:7 Referans Kwoze

Linge 103:6

Na Taovia e gotolaka i laona pipi nina aqo, me pedegoto tabana koniqira igira ara bingi sekoligira.

Linge 68:6

Aia e tusua na vale kara tamanina igira ara totu segeniqira, me nusigira ara totu sosori me mologira kara totu magemage tana kao lakataga. Migira ara sove tania God, sauba kara totu saviliu moa tana kaomate.

Isaia 61:1

Na Taovia God e dangaliginiau nina Tarunga. Me viliau kau adivanoa na turupatu dou vanigira na tinoni sekona lê, ma kau veregira igira e melu loki na tobaqira, ma kau suivisugira igira ara lautsekagira, ma kau maurisigira igira ara totu sosori.

Luka 4:18

“Nina Tarunga Tabu na Taovia e totu i koniqu, maia nogo e viliau, gana kau adivanoa na Turupatu Dou vanigira na tinoni ara tau tamanina sa omea. Aia e molomaiau rongona kau tsarivulagia laka kara tanusi igira ara totu sosori, ma kara momorotugua igira ara koko, ma kara totu sabe igira ara bingi sekoligira,

Linge 10:18

Me sauba ko rongomigotoa niqira ngangaidato igira na baka tinamate, migira ara bingisekoligira; migoe segenimu nogo sauba ko sogogaqira, ti ke gini utugana vanigira na tinoni lê na molo matagu goto vaniaqira.

Linge 142:7

Ko adiligi taniau na rota loki ara bingi sekoliginiau; mi tana ti inau kau tsonikaego i laona niqira saikolu nimu tinoni, tana rongona igoe o dou sosongo vaniau.

Aqoaqo 16:26

Me tavongani kasi na vuluge, me kasilia na vale sosori tsau tana tsutsuvatuna. Mi kalina e laba vaga ia, mara tavongani sangavi segeniqira na matsapa sui, mara dudu sui na itai tapala i tuaqira sui na mane ara sorigira tana vale sosori.

Aqoaqo 5:19

Mi tana bongi ia, ma na angelo na Taovia e sangavia na matsapana na vale sosori, me adirutsumigira i tano. Maia e tsarivanigira,

Luka 9:17

Migira sui na toga ara mutsa mara masu dou sui. Mi kalina ara mutsa sui, migira gana duli a Iesu ara tsako kolugira na tsarana na mutsa, mara dangaliginigira sangavulu ruka na kei.

Luka 1:53

E masuliginigira na omea dou igira ara vitoa, me railigigira lee igira ara tamani levo.

Malaki 3:5

Maia na Taovia Susuliga Sosongo e tsaria, “Minau sauba nomoa kau mai i konimui ma kau pedegamu. Me sauba kau tsaku sosongo na adilabatiana i malena niqira sasaga igira ara naua na basutidao, migira ara kiboga, migira ara tsonia na gokopero tana tinete, migira goto ara voli peqogira igira ara aqo vanigira, migira ara dona na komiaqira na daki, ma na baka tinamate, ma na tinoni ni veratavosi ara sagelalo kolugira, migira sui lakalaka goto ara tau kukuni taniau inau.

Jeremia 31:14

Me sauba kau masuliginigira na manetabu na mutsa dou bâ, migira niqu tinoni kara tamanina pipi sui na omea ara kilia gana na mauriqira. Inau nogo na Taovia au tsaria na omea iani.”

Isaia 9:4

Rongona igoe nogo Taovia o adiligia na kalagai mamava e ngoligira, mo kutsia na gai ara ramitsiginia na kokoveqira. Igoe nogo o tuliusigira na tinoni ara bingi sekoligira mara tsogori tsunaligira nimu tinoni, vaga nogo kalina o tuliusigira na alaala na mane vaumate ni Midian i sau.

Linge 136:25

Aia e palagira pipi na omea mamauri sui; rongona nina galuve e totu saviliu.

Linge 72:4

Ko sangâ na taovia tsapakae me ke isutuguqira igira ara tau tamanina sa omea; me ke sangagira igira ara kilia na sasanga, me ke tuliusigira igira ara bingi sekoligira.

Linge 12:5

Ma na Taovia e tû me tsaria, “Eo, mi kalina ia inau sauba kau mai, rongona ara bingi sekoligira igira ara tau tamanina sa omea, mara kukungu tana rota igira ara kilia na sasanga. Minau sauba kau ravisigira ma kara gini totu dou vaga ara amesi sosongolinogoa ke laba vanigira.”

Linge 9:16

Na Taovia e sauvulagi segenina tana nina pede gotolaka, migira na tinoni vanga tsutsukibo ara sogo i laona niqira aqo seko igira segeni nogo ara naua.

Linge 35:10

Mi tana tobaqu popono sauba kau tsarivania na Taovia, “?Taovia asei nomoa ke vaga igoe? Igoe o maurisigira ara maluku tania na limaqira igira ara susuliga liusigira; migira ara tau tamanina sa omea tania na limaqira igira ara rotasigira.”

Linge 68:7

Kalina igoe God o idavanigira nimu toga, mo raqâ na alaala mo liu taligu tana kaomate,