Linge 146:6 - Ghari

⁶ aia e aqosia na baragata ma na barangengo ma na tasi, me pipi sui na omea i laoqira. Na Taovia e manaligira pipi sui nina veke,

Linge 146:6 Referans Kwoze

Na Katemai 14:7

Maia e gu loki me tsaria, “!Kamu kukuni tania God, ma kamu tsonikaea na Taovia! Rongona e labamai nogo na tagu i tana aia ke pedegira na tinoni sui. !Kamu samasama vania God aia e volaa na baragata ma na barangengo, ma na tasi, migira na ko vuravura sui!”

Linge 100:5

E dou manana na Taovia ma nina galuve e vo sui, maia e mana saviliu na dani ma na dani.

Binaboli 20:11

I laona e ono na dani, inau na Taovia au aqosia na barangengo, na masaoka, na tasi, me pipi sui na omea i laoqira, mi tana vitunina dani au mango. Maia nogoria na rongona ti inau na Taovia au baloa na dani na Sabat mau tabua.

Kolose 1:16

Rongona i konina nogo a Iesu Kristo ti God e vusagira na omea sui i gotu mi lao: igira na omea sui igita a reigira, migira goto na omea sui igita a tau reigira, migira goto na angelo ma na tidao levolevo sui kolu susuligaqira. God e vusagira na omea sui lakalaka kolunogoa a Iesu Kristo, migira sui ara nina tamani nogo aia.

Jeremia 32:17

“Taovia God, igoe nogo o aqosia na barangengo ma na masaoka tana susuligamu loki; me tagara goto sa omea ke utugana vanigo.

Tuturigana 1:1

Tana idana kalina God e vusagira na omea sui i baragata mi barangengo,

Linge 95:5

Na tasi nina nogo na Taovia rongona aia nogo e aqosia; ma na kao goto rongona aia segenina nogo e vusâ.

Linge 89:2

Mau donaginigotoa laka nimu galuve sauba ke totu saviliu, ma na manana nimu doulaka ke totu pukuga kalavata vaga na masaoka i gotu.

Hibru 6:18

E utu sosongo vania God ke oli kaira na omea karani, na vatsa ma na veke, rongona e utu sosongo vania God ke pero. Me vaga ia, ma na goko vaga karani e tugua nomoa ke kakaisigita, igita a toturavi nogo i konina God. Ma ka gini norukakaia laka sauba God ke manalia na omea aia e vekenogoa vanigita.

Linge 117:2

E loki sosongo nina galuve na Taovia, maia e mana saviliu vanigita. !Tsonikaea na Taovia!

Linge 33:6

E moloketsa moa na Taovia me vusaginia na baragata, me goko moa mara laba na aso ma na vula ma na veitugu.

Aqoaqo 14:15

“?Mane gamu, egua ti amu nauvaganana ia? !Mi kagami ami ka tinoni lee vaga moa igamu! Ami ka sulungana mai moa rongona kami ka turupatuna na Turupatu Dou, rongona igamu kamu gini mololea na kodoputsa vaniaqira na omea lee, ma kamu samasama vania moa na God mamauri, aia nogo e aqosigira na baragata ma na barangengo ma na tasi, me pipi na omea sui i laoqira.

Ioane 1:3

Mi konina nogo aia God e naugira na omea sui. Me tagara sa omea ke tau talu i konina aia.

Linge 115:15

!Me ke tabugamu na Taovia aia e aqosia na baragata ma na barangengo!

Ioane 10:34

Ma Iesu e tsaria, “I laona nimui Mamare Tabu igamu e totu na goko iani: laka ‘God e tsaria laka igamu nogo amu na god.’

Daniel 9:4

Mau nonginongi kakai babâ moa vania na Taovia niqu God, mau koevulagivania niqira sasi niqu tinoni. Mau tsaria, “Taovia God, igoe o loki liuliu bâ, migami ami pada mamavasigo. Igoe o manalia nimu tabana na vaitasogi o naunogoa kolugami, mo saua nimu galuve vo oli vanigira igira ara galuvego mara naua na omea igoe o ketsaliginigira kara naua.

Linge 98:3

E manalinogoa nina veke e nauvanigira na toga ni Israel ma nina galuve vanigira e totu kalavata me vô ke oli. Migira na tinoni pipi tana nauna sui ara reia kalina e managana nida God.

Linge 89:33

Me atsa moa ti igira kara nauvaganana ia, minau sauba e utu kau mololegotoa na galuveana a David se kau tau manalia niqu veke au nauvania.

Na Vaolusi Ketsa 7:9

Me dou ti kamu padatugutugua laka na Taovia nimui God aia segenina moa na God manana. Maia sauba ke manalia nina tabana na vaitasogi e naukolugamu, me ke sauvulagia nina galuve vo oli vanigira na toga na vatavata, igira ara padalokia mara muria nina ketsa.

Mika 7:20

Me sauba ko sauvulagia nimu tobalaka ma nimu galuve vo oli vanigira nimu tinoni, igira ka kukuaqira kaira a Abraham ma Jakob, vaga nogo igoe o vekea vanigira na mumuamami i sau.