Linge 143:7 - Ghari

⁷ !Taovia, kalina nogo ia ko tugumai vaniau niqu goko! E puka lê sui nogo niqu amesi. Ko laka goto na taopoi taniaqu, kau tau vaga igira ara ba tsuna nogo tana barangengo na mate.

Linge 143:7 Referans Kwoze

Linge 69:17

Laka na taopoi taniaqu inau nimu maneaqo. !Au totu saikesa kiki i laona na rota loki ko rongomiau kalina ia!

Linge 28:1

Taovia igoe nogo niqu reitutugu, minau au ngangaidato vanigo. !Ko rongomia niqu nonginongi! Ti vaga igoe ko tau goto tugumaia niqu nonginongi, minau sauba kau lia vaga moa igira ara ba tsuna tana barangengo na mate.

Linge 27:9

!Ko laka goto na totu popoi taniaqu!” Ko laka na kore vaniaqu; ma na tsialigiaqu lê inau nimu maneaqo. Igoe nogo o sangaau tû i sau nogo; vaga ia, mo ko laka goto na mololeaqu ma na tsonikidaqu, igoe nogo niqu God ma niqu vagamauri.

Linge 71:12

!Ko laka goto na totu ao sosongo taniau vaganana igoe niqu God; niqu God ko mai tsakutsaku mo ko sangaau!

Isaia 38:18

Me tagara goto ke kesa e totu tana barangengo na mate ke tangomana na tsonikaeamu; Igira ara mate nogo e utu nogo kara amesia ko naua sa omea dou vanigira.

Linge 102:2

!Kalina inau au totu i laona na rota loki, migoe ko laka na piloligi taniaqu! !Ko rongomi vataviau, mo ko tuguvisu tsakua niqu nonginongi kalina kau soago!

Linge 69:3

Inau au kolae sosongo nogo na sosoa, me kara nogo na lioqu. E kade nogo na mataqu, kalina au pipitugo igoe ko sangaau.

Luka 21:26

Ke kaso na tobaqira na tinoni ma kara gini mateluvu kalina kara pitua nagua ke laba vania na barangengo, rongona tana dani vaga ia, sauba kara viri aligiri na omea susuliga sui ni gotu.

Isaia 57:16

Inau nogo au tusumauri vanigira niqu tinoni, me sauba e utu kau taimataqira babâ moa, se kau kore vanigira sailagi.

Isaia 8:17

Na Taovia e poi segenina nogo tanigira nina tinoni, minau moa au norua mau vataragini kakaia niqu amesi i konina.

Linge 70:5

Inau au maluku lê mau tau tamanina sa omea; niqu God ko mai tsaku. !Taovia igoe nogo niqu vagamauri, ko mai tsaku mo ko sangaau!

Linge 40:17

Inau au maluku lê mau tau tamanina sa omea, migoe Taovia, o tau moa padaleau. !Igoe niqu vagamauri mo niqu God, ko mai kiki tsaku mo ko sangaau!

Linge 22:24

Aia e tau dona ke reilea se ke peâ na rota e gadovigira na tinoni ara tau tamanina sa omea; me tau goto dona ke piloligi tanigira. Aia e rongomigira kalina ara soâ ke sangagira.”

Linge 84:2

!Mau kili sosongolia kau ba totu i tana! E siloviau sosongo laka kau ba totu i laona nina Vale Tabu na Taovia. Tana tobaqu popono inau au linge tana magemage vania aia na God mamauri.

Linge 69:18

Ko mai i koniqu mo ko maurisiau; laumaurisiau tanigira gaqu gala.

Goko Tabana 13:12

Kalina kesa tinoni e amesi sosongolia ke tamanina kesa na omea me tau adia me gini melu sosongo tobana. Me ti vaga ke tsodoa na omea e amesia maia sauba ke gini magemage loki.