Linge 143:6 - Ghari

⁶ Inau au abedatoa na limaqu vanigo tana nonginongi; ma na tidaoqu e gini marou tana rongomu igoe vaga saikesa moa na kao mamatsa lê.

Linge 143:6 Referans Kwoze

Linge 63:1

God igoe nogoria niqu God, minau e silovi sosongoliau na reiamu igoe. Na koniqu popono e amesigo moa igoe; ma na tidaoqu e gini marou tana rongomu, vaga saikesa moa ti na kao mamatsa lê, me tagara sa kô ke malobusia, na tidaoqu e gini marou tana rongomu igoe.

Nina Papi A Job 11:13

“A Job igoe, ko pilo gotosia na tobamu, mo ko nongia God ke galuvego me ke sangago.

Linge 88:9

ma na mataqu ara pasa lê nogo tana rongona na rota loki e gadoviau. Pipi na dani au soago Taovia mau abedato vanigo na limaqu tana nonginongi.

Linge 84:2

!Mau kili sosongolia kau ba totu i tana! E siloviau sosongo laka kau ba totu i laona nina Vale Tabu na Taovia. Tana tobaqu popono inau au linge tana magemage vania aia na God mamauri.

Linge 44:20

Me ti vaga igami kami mololenogoa na samasama vaniamu igoe nimami God, ma kami tû ma kami nonginongi vania sa god tavosi,

Isaia 35:7

ma na one papara sauba ke lia na reku, mi tana kao mamatsa sauba ke vuradato na kô pipi moa tana nauna. Mi tana ara totu igira na pai atsi tana idana, sauba kara viri dato na buruburu na boko ma na gaugau i konina.

Ioane 7:37

Mi tana susuina na dani, aia na dani loki baa tana Dani Tabu ia, e tuu a Iesu, me gokodato, “Ti asei ke marou, ke mai i koniqu me ke inu.

Binaboli 9:29

Ma Moses e tsarivania, “I kalina tsotsodo inau kau rutsu tania na verabau iani, me sauba kau saudatoa na limaqu tana nonginongi vaniana na Taovia. Maia ke naua ma na vivisa sauba ke sui, me utu goto ke tumutsuna mai sa kolina na usa kakai vaga na vatu, rongona igoe ko donaginia laka na Taovia aia nogo e tamanina na barangengo.

Nina Papi A Job 7:2

me vaga saikesa goto na tseka e rota loki na aqo tana aso me ngao sosongolia ke totu raviravi; me vaga moa goto kesa na mane aqoqolo e totupitua na vovolina.

Linge 42:3

Na dani ma na bongi inau au ngangai moa, ma na kô na mataqu e lia gaqu mutsa; pipi kalina moa ara veisuaau igira gaqu gala mara tsaria, “?Laka iava e totu nimu God igoe?”

Linge 88:10

?Megua laka igoe o dona na nauvalatsatsa vanigira igira ara mate nogo? ?Me laka igira ara mate nogo, ara dona kara maurivisutugua ma kara tsonikaego igoe?