Linge 143:2 - Ghari

² Laka kiki na raqaaqu tana pede inau nimu tinoni aqo, rongona e tagara kesa ke tau sasi i matamu igoe.

Linge 143:2 Referans Kwoze

Sasani Sasaga 7:20

Me tagara goto sa tinoni i barangengo tangomana ke nau sailaginia moa na omea e goto, me ke tau goto dona na tsukiana sa sasi.

Roma 3:20

Tau tana rongona moa laka na tinoni ke muria moa na omea e ketsalia na Ketsa me ke gini totugoto nogo i matana God. Na Ketsa e totu gana moa ti pipi tinoni ke reigadoviginia laka aia segenina nogo e tsukia na sasi vaga e vali tana Ketsa.

Nina Papi A Job 25:4

?Me laka tangomana kesa ke gotolaka saikesa nina sasaga me ke male saviliu i matana God?

1 Ioane 1:10

Me ti vaga igita ka koea vaga laka igita a tau naua kesa na sasi, mi tana e vaga moa ti igita a tsaria laka God na vangapero, ma nina goko aia e tau pukuga kalavata i tobada.

Galatia 2:16

Me atsa moa ti igita na Tsiu, migita a donaginia nomoa laka e kesa moa na omea na tinoni tangomana kara gini totugoto kolua God, maia nogoria na tutuni i laona a Iesu Kristo, me tau tana rongona laka na muriana moa na Ketsa. Eo, igita na Tsiu a tutunina nogo a Iesu Kristo, igita a donadou nogo laka igita a gini totugoto nogo kolua God tana rongona igita a tutunina a Iesu Kristo, me tau tana rongona igita a muria moa na Ketsa. Matena e tagara sa tinoni tangomana ke gini totugoto kolua God tana rongona na muriana moa na Ketsa.

Linge 130:3

?Ti vaga igoe ko tsokogira sui nimami sasi, me sauba asei ke ulagana na ba tû i matamu igoe?

Nina Papi A Job 14:3

?Megua igoe God, ti o vilekea moa nina sasaga kesa e totu sekona lê vaga ia, mo ko raqâ moa tana pede?

Nina Papi A Job 15:14

“?Me laka tangomana sa tinoni ke totu male saviliu tana maurina, me ke totugoto saikesa i matana God?

Nina Papi A Job 4:17

‘?Laka tangomana ke kesa ke totugoto i matana God, se ke male saviliu i matana Aia e volâ?

1 Taovia Tsapakae 8:46

“Mi kalina ti vaga igira nimu tinoni kara sasi i matamu igoe, me tagara goto ke kesa ke tau dona na nauana sa sasi, me ti vaga tana koremu loki igoe ko tamivanigira gaqira gala kara tuliusigira ma kara raqa tsekagira bâ kesa tana vera segeni, atsa moa ti na vera ia ke ao sosongo,

Binaboli 34:7

Au manalia niqu veke vanigira na toga na vatavata, mau padalea na omea seko ara naua ma niqira sasi; me sauba nomoa e utu kau terevia na kedeaqira na dalemui ma na kukuamui tsau bâ tana tolunina ma na vatinina vatavata kara botsamai i muri tana rongona niqira sasi na tamaqira.”