Linge 143:11 - Ghari

¹¹ Taovia ko laumaurisiau vaga igoe o vekenogoa; mi tana nimu galuve ko maurisiau tanigira na rota loki ara gadoviau.

Linge 143:11 Referans Kwoze

Linge 31:1

Taovia inau au mai kau toturavi i konimu. Ko laka na tamivaniaqira gaqu gala kara liusiau lê. !Igoe nogo na God na gotolaka; mau nongigo ko maurisiau!

Linge 119:25

Au tsaro sekoseko lê i laona na papasa; igoe ko tatatuuau vaga igoe o vekenogoa.

Linge 119:37

Ko sangaau ma kau tau gini boe na omea ara tau tamani rongona; migoe ko galuveau vaga o vekenogoa.

Linge 71:2

Ko sangaau mo ko tangotuguqu, rongona igoe nogo o gotolaka saikesa. !Ko rongomi vataviau mo ko maurisiau!

Habakuk 3:2

Taovia, inau au rongominogoa na turupatuna na omea sui igoe o naugira, mau gini novo loki sosongo. Mau nongigo ko nauvanigami tugua tana tagu iani na omea loki vaga igoe o naugira nogo i sau. Ko galuvegami moa atsa moa ti o kore vanigami.

Linge 138:7

Atsa moa ti e gadoviau na rota danga, migoe o maurisiau. Igoe o sugaria niqira momosatoba gaqu gala, mi tana susuligamu o laumaurisiau.

Linge 119:88

Tana nimu galuve vo oli ko gaea na mauriqu, rongona kau gini muridougira nimu ketsa.

Linge 85:6

Ko naua migami sauba kami tukakai tugua, migami nimu tinoni sauba kami gini tsonikaeaginigo.

Linge 34:19

Na tinoni dou e gadovia danga na rota, ma na Taovia e maurisia tanigira sui;

Linge 25:11

Taovia, ko padatugua nimu veke o naua, mo ko padalegira niqu sasi, rongona ara danga sosongo nogo.

Linge 143:1

!Taovia, au nongigo ko rongomia niqu nonginongi! !Tana nimu gotolaka ko rongomia niqu ngangaidato vanigo; mi tana nimu doulaka ko gokovisu vaniau!

Linge 119:107

Taovia, inau au rota loki sosongo nomoa; ko maurisiau babâ vaga igoe o vekenogoa.

Linge 119:40

Au ngao mananâ kau muridougira nimu ketsa; mi tana nimu gotolaka igoe ko vaolusia na mauriqu.

Linge 25:17

Ko nusiligigira taniau gaqu boe ara ngoliau, mo ko maurisiau tanigira sui na rota ara gadoviau.